සිය බ්‍රිතාන්‍ය පුරවැසිකම වසන් කරගෙන සිටින ටිරාන් අලස් දේශද්‍රෝහියෙක්
.png)
රාජ්‍ය ඇමතිනී ඩයනා ගමගේ ගේ පාර්ලිමේන්තු නියෝජනය ආණ්ඩුක්‍රම ව්‍යවස්ථාවේ 89 ව්‍යස්ථාවට පටහැනි බවට ශ්‍රේෂ්ඨාධිකරණය වෙතින් ලබා දුන් තීරණය අනුව නීතිය හා සාමය පිළිබඳ අමාත්‍ය ටිරාන් අලස් හා පාම සුරේෂ රාගවන් යන අයවළුන්ගේ පාර්ලිමේන්තු නියෝජනයන් හා ඔවුන්ගේ පුරවැසිභාවයන් පිළිබඳවද වහාම සොයා බැලිය යුතු බවට සිවිල් සමාජ ක්‍රියාකාරිකයන් පිරිසක් ප්‍රකාශ කර සිටී.විශේෂයෙන් මෙහිදී ටිරාන් අලස් අමාත්‍යවරයා බ්‍රිතාන්‍ය පුරවැසියෙක් බව කර ඇති සඳහන සත්‍ය බව ලංකා දවස වගකීමෙන් යුතුව හෙළිි කරමු.එල්ටීටී ත්‍රස්තවාදීන්ට මුල්‍යමය ආධාර සපයමින් ආණ්ඩු ක්‍රම ව්‍යවස්ථාව උල්ලංඝනය කරන ලද ජාති ද්‍රෝහියකු වන ටිරාන් අලස් සිය බ්‍රිතාන්‍ය පුරවැසි බව වසන් කර ගනිමින් මෙරට පාර්ලිමේන්තුව නියෝජනය කරමින් නැවත වරක් රටේ ආණ්ඩු ක්‍රම ව්‍යවස්ථාව උල්ලංඝනය කර තිබේ.ආණ්ඩු ක්‍රම ව්‍යවස්ථාවෙි XIV පරිච්චේදයේ ඡන්ද බලය,ඡන්ද විමසීම් හා මැතිවරණ ශීර්ෂය යටතේ, 89 වන ව්‍යවස්ථාවෙි ඡන්ද බලය අහිමිවීම යන (අ) අනු වගන්තියේ දැක්වෙන ආකාරයට යම්කිසි තැනැත්තකු ශ්‍රී ලංකාවේ පුරවැසියෙක් නොවෙි නම් ඒ තැනැත්තා ජනපතිවරයා තෝරා පත් කිරීමේ ඡන්ද විමසීමකදී හෝ පාර්ලිමේන්තු මැතිවරණයකදී හෝ ඡන්ද හිමියකු වීමට හෝ ජනමතවිචාරණයකදී ඡන්දය දීමට හෝ සුදුස්සෙක් නොවන්නේය.එය තවදුරටත් ආණ්ඩුක්‍රම ව්‍යවස්ථාවේ 91 වන ව්‍යවස්ථාවේ (1) (අ) අනු වගන්තියේ මෙසේ විවරණය කර තිබේ.යම්කිසි තැනැත්තකු 89 ව්‍යවස්ථාවේ දක්වා ඇති කවර හෝ නුසුදුසුකමකට යටත් වේ නම් නැතහොත් එවැනි නුසුදුසුකමකට භාජනය වුවහොත් ඒ තැනැත්තා පාර්ලිමේන්තු මන්ත්‍රීවරයකු වශයෙන් තෝරා පත් කර ගැනීමට හෝ පාර්ලිමේන්තුවේ අසුන් ගැනීමට සහ පාර්ලිමේන්තුවේ ඡන්දය දීමට සුදුස්සෙක් නොවන්නේය.බ්‍රිතාන්‍ය පුරවැසි ටිරාන් අලස් හැංගි මුත්තන් කෙළින්නේ ආණ්ඩු ක්‍රම ව්‍යවස්ථාවේ මේ වගන්ති ගැන දැනීමක් අවබෝධයක් නැති නිසා නොවේ. ඒ තක්කඩිකමට මිස අන් කාරණයක් නිසා නොවන බවද පැහැදිලිය.ටිරාන් අලස්ලා හම්බ කරගෙන කන්නේ පාර්ලිමේන්තු නියෝජනයෙනි.ඔහුට හිමි වී ඇති නීතිය හා සාමය ඇමතිකම ඒ ජාවාරමට අපූරුවට ගැලපී තිබේ.සිය ද්විත්ව පුරවැසිකම වසන් කර ගනිමින් ටිරාන් අලස් මේ ගෙනියන්නේ සිය මඩිය තර කර ගැනීමේ ව්‍යාපාරයකි.ඔහු ඒ සදහා තමාගේ සහායකයා ලෙස පොලිස්පති වශයෙන්ද පත් කර ගත්තේද ජාවාරම්කාරයෙකි.
දේශබන්දු තෙන්නකෝන් ගේ ජාවාරමිකාර රාජකාරි ස්වභාවය ගැන අස්ගිරියේ පොලිස් සුනඛ අංශයේ සිටින පොලිස් බල්ලන්ගේ සිරුරේ ඉන්නා කිනිතුල්ලන් පවා දනී.එහෙව් කාඩයෙකුට පොලිස් දෙපාර්තමේන්තුව බාර දීමට ටිරාන් අලස් කටයුතු කෙරුවේ තමාගේ ජාවාරම් කරගෙන යාමට මිස වෙන කාරණයකට නොවේ.දැන් දෙදෙනා ජාඩියට මූඩියට වාගේය.
ටිරාන් අලස් ජනතාව මුලා කිරීමට රට තුළ හෙරොයින් ජාවාරම තුරන් කිරීමේ මෙහෙයුම ආරම්භ කෙරුවේය. මේ මෙහෙයුමේ මතුපිටින් පෙනෙන ආදර්ශයට වඩා යටි අරුත ඉතා භයානකය.මෙරට නීතිඥ ප්‍රජාවට තර්ජනය කරමින් මෙරට නීතිය ඩෝසර් කරමින් ටිරාන් අලස් නටන්න හදන නාඩගමේ කෙළවර ඇත්තේ අලස් හා දේශබන්දුගේ ජාවාරම්කාර ගණුදෙනුය.සැබැවින්ම ටිරාන් අලස්ට මෙරට ආණ්ඩුක්‍රම ව්‍යවස්ථාව අනුව ඇමතිකමක් දැරීමට ව්‍යවස්ථානුකූල අයිතියක් නැත.එහෙත් සිය බ්‍රිතාන්‍ය පුරවැසිකම වසන් කර ගනිමින් ටිරාන් අලස් සමාජය වෙත මුදා හරිමින් පවතින මදාවිකාරී පීඩනය ඉතා බරපතලය.එය ඉතා පහසුවෙන් නොතකා හරින්නටද බැරිය.විවිධ වෘත්තික පාර්ශවයන් හෙරොයින් ජාවාරම්කරුවන් බවට ප්‍රසිද්ධියේ චෝදනා කරමින් පොලීසිය යනු තම බැල මෙහෙවර කම් කරන අත වැසියන් ලෙස සිතන ටිරාන් අලස් දේශ ද්‍රෝහියකි.
ආණ්ඩුක්‍රම ව්‍යවස්ථාව දෙවරක් උල්ලංඝනය කර ඇති ටිරාන් අලස් අපරාධ නීතිය යටතේ දේශද්‍රෝහියකු ලෙස වැලිකඩට දැක්කිය යුතුය.ආණ්ඩු ක්‍රම ව්‍යවස්ථාවට අනුව පාර්ලිමේන්තුව නියෝජනය කිරීමට නුසුදුස්සෙක් වන ටිරාන් අලස් නීතිය හා සාමය බාර ඇමතිවරයා ලෙස මහජන මුදල් ප්‍රතිපාදන වැය කිරීම අල්ලස් පනත යටතේ ගැනෙන වරදක් ලෙසද පෙන්වා දිය හැක.
.png)
.png)
.png)
Comments
Post a Comment