Lankadawasa

  ජාජබ රජයේ බුද්ධි අංශ උදාසීන බව අපි මීට ඉහතදී අනාවරණය කෙරුවෙමු. ඒ ප්‍රවෘත්තිය ඇතමුන් අතේ පැල වෙන බොරු යැයි සිතන්නටද ඇත.ප්‍රශ්ණයක් නැත.අප අපගේ මධ්‍යකරණයේ වගකීම ඉෂ්ඨ සිද්ධ කරමින් සිටින්නේ වගකිව යුතු ලෙසය.එහිලා ඇද පළුදු නොතිබෙනවාද නොවේ.ඒ අප සර්වතෝභද්‍ර මිනිසුුුන් නොවන නිසාවෙනි. ජාජබ ආණ්ඩුවේ බුද්ධි අංශ වල පවතින දුර්වල කම ගැන අප අනාවරණය කෙරුවේ ආණ්ඩුව කෙරෙහි වූ ඉරිසියාවක් වෛරයක් හෝ විපක්ෂ දේශපාලනික ඇරියස් නිසාද නොවේ.අප නියෝජනය කරන්නේ පුරවැසියන් ගේ පාර්ශවයයි.මෙරට ජාතික බුද්ධි සේවාවන් වල දුර්වලකම සෘජුව බලපාන්නේ මෙරට පුරවැසියන්ටය.අපගේ මව්බිම අවස්ථා ගණනාවකදීම කටුක හා අමිහිරි අත් දැකීම් වලට මුහුණ පා තිබේ.ඒ කටුක හා අමිහිරි අත් දැකීම් අවුරුදු තිහ හතලිහක් තිස්සේ පුරවැසින් විඳවූ යුද්ධය විදියටද එසේත් නැතහොත් පාස්කු දින සිඳු කෙරුණ මේලේච්ඡ සහගත බෝම්බ ප්‍රහාරය ලෙසද හැදින්වීමේ වරදක් නැත.එය තවදුරටත් "ගිණි පෙනෙල්ලෙන් බැට කෑ මිනිසා කළාමැදිරියාටත් බයයි"යන මෙරට ජන වහරේ කියමන තහවුරු කරන්නකි. අප වෙත අනාවරණය වූ මේ ප්‍රවෘත්තිය සිත තැති ගැන්වුන තොරතුරක්ම විය. එය ජාජබ ආණ්ඩුවේ බුද්ධි අංශවල ක්‍රියා කාරිත...

  දවසේ වෙඩිල්ල කවර ප්‍රදේශයකින් ඇසේදැයි නිසැක විශ්වාසයක් පුරවැසියන්ට නැත.ඒ වෙඩි හඬ සමහරවිට බස්නාහිර පළාතේ ගම්පහින් වෙන්නට පුළුවන.එසේත් නැතිනම් දකුණු පලාතේ කොස්ගොඩ බළපිටියෙන් වෙන්නට හැකිය.ඇතැම්විට නැගෙනහිර පළාතෙන් වෙන්ටද පුළුවන.පුරවැසියන් ඉන්නේ බරපතල අවදානමකිනි.මෑතකදී වත්තලදී හිටපු ඇමති ටිරාන් අලස් ගේ කාර්ය මණ්ඩලයේ සම්බන්ධීකරණ ලේකම්වරයකු ලෙස සේවය කළ හොරොයින් ජාවාරම්කාරයෙකු හට පාතාලයන් විසින් වෙඩි ප්‍රහාරයක් එල්ල කෙරෙද්දී පාරේ ගමන් කරමින් සිටි අහිංසක ගෑණු මනුස්සයෙකුටද වෙඩි වැදී තිබුණි.පාතාලයන්ට අනුකම්පාවක් නැත. නිසි ඉලක්කයක් ගැනීමට ආයුද හැසිරවීමේ භාවිතයද නුහුරුය.ටී පනස් හයේ මැගසිනය ඉවරවන තුරු ඉලක්ක පථයට පොකුරු උණ්ඩ මුදා හැරීම උන්ගේ  පුරුද්දය.ඉලක්ක පථය අව⁣ට සිටින්නන් හා ගැවසෙන්නන් ගැන අවදානමක් ගන්නේද නැත. පාතාල ක්‍රියාකාරිකයන් මර්ධනය ගැන කියාදෙන්නට බංකුවක් අරගෙන එන්න යැයි වහසි බස් පැවසුවේ බලය⁣ට පත් වීමට පෙරය.තවමත් බංකු වඩු මඩුවේ හදනවා වෙන්නට ඇත.ඒ නිසා "වහසි බස් දේශනය" දින නියමයක් නැතුව කල් දමා තිබේ.ඒ කයිවාරුව කෙසේ වෙතත් මේ වන විටත් ආරක්ෂක අමාත්‍යංශයේ වැඩ වෙන්නේ පරණ පුරුද්දට බව ...

 ⁣ඡ්‍යෙෂ්ඨ පොලිස් අධිකාරී නිශාන් සිල්වා අද (03)දින පානදුර ඡ්‍යෙෂ්ඨ පොලිස් අධිකාරී කොට්ඨාශයේ  ඡ්‍යෙෂ්‍ඨ පොලිස් අධිකාරීවරයා ලෙස වැඩ බාරගත් බව සමාජ මාධ්‍ය වලින් අනාවරණය කෙරිණි. ඔහු එම ධුරයේ වැඩ බාර ගැනීම සඳහා පැමිණෙන්නේ ඔහුගේ නිල රථයට ඉදිරියෙන්  පොලිස් යතුරු පැදි දෙකක්ද  ඒ පිටුපසින් සුඛෝපභෝගී රථයක්ද සමග සංදර්ශනාත්මකවය. මෙරට ජනපති අනුර කුමාර සහෝදරයා ගමන් කරන නිල රථය ඉදිරිපසින් පවා පෙර ගමන් යතුරු පැදි ගමන් නොකරන වට පිටාවක ඡ්‍යෙෂ්ඨ පොලිස් අධිකාරීවරයෙකුට වැළඳී ඇති  ප්‍රභූ සංදර්ශන මේනියාව  ප්‍රශ්ණ සහගතය. වර්තමානයේදී මහජන ආරක්ෂක ඇමතිවරයාගේ හා නියෝජ්‍ය ඇමතිවරයාගේ නිල රථ ඉදිරිපසින් ගමන් කෙරෙන පොලිස් යතුරු පැදි දකින්නට නැත.ආණ්ඩුවේ සියළු මැති ඇමතිවරුන්ද ගමන් බිමන් ය⁣න්නේ සාමාන්‍ය පුරවැසියන් යන එන විදියටය. පානදුර හිටපු නගරාධිපති නන්දන ගුණතිලක සිය ෆේස් බුක් පිටුවේ මේ ඡ්‍යෙෂ්ඨ පොලිස් අධිකාරිවරයා  ධුරයේ වැඩ බාර ගැනීමට පැමිණි ආකාරය ගැන   සටහනක් ලියා ඇත්තේ ඒ අවස්ථාවේ ඡායාරූපද සමගිනි. නන්දන ගුණතිලක ලියවිල්ල මෙසේය "...පානදුරට පරණ ඔළුවක් තියෙන පිස්සු පොරක් එවල....

  පසුගිය දිනක ආගමන විගමන පාලක හර්ෂ ඉලුක්පිටිය අධිකරණයට එරෙහිව ඔහුට එල්ලවී තිබූණ චෝදනාව සම්බන්ධයෙන් කොන්දේසි විරහිතව ශ්‍රේෂ්ඨාධිකරණය ඉදිරියේ කොන්දේසි විරහිතව වරද පිළිගන්නා ලදී.පසුගිය රජය සමයේ විද්යුත් වීසා නිකුත් කිරීමට අදාලව ශ්‍රේෂ්ඨාධිකරණය නිකුත් කළ අතුරු තහනම් නියෝගය ක්‍රියාත්මක කිරීම පැහැර හැරීම සම්බන්ධයෙන් ආගමන විගමන පාලක හර්ෂ ඉලුක්පිටි   හට ශ්‍රේෂ්ඨාධිකරණය හමුවේ චෝදනා එල්ල වී තිබුණි. හි⁣ටපු ජනපති රනිල් වික්‍රමසිංහගේ ආණ්ඩුව සමයේ විද්යුත් වීසා නිකුත් කිරීමේ ක්‍රියාවලිය පෞද්ගලික සමාගම් දෙකකට පැවරීමට ගෙන තිබූ අමාත්‍ය මණ්ඩල තීරණය බල රහිත කිරීමේ නියෝගයක් ඉල්ලා හිටපු පාර්ලිමේන්තු මන්ත්‍රී වරුන් වන පාඨලී චම්පක රණවක එම්.සුමන්දිරම් හා පාර්ලිමේන්තු මන්ත්‍රී රාවුෆ් හකීම් ශ්‍රෙෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කරන ලද අතර එම පෙත්සම විභාගය⁣ට ගත් අවස්ථාවේ⁣ ශ්‍රේෂ්ඨාධිකරණය විසින් අදාල අමාත්‍ය මණ්ඩල තීරණය ක්‍රියාත්මක කිරීම වලක්වාලමින්  පසුගිය වසරේ අගෝස්තු මස 02 වන දින අතුරු තහනම් නියෝගයක් නිකුත් කෙරිණි.එහිදී ශ්‍රේෂ්ඨාධිකරණය තව දුරටත් ආගමන විගමන පාලක වරයාට නියෝග කරන ලද්...

  විශ්‍රාමික ඡ්‍යෙෂ්ඨ පොලිස් අධිකාරී ශානි අබේසේකර අපරාධ පරීක්ෂණ දෙපාර්තමේන්තුවේ අධ්‍යක්ෂවරයා ලෙස පත් වීම විපක්ෂයේ බොහෝ දේශපාලඥයන්ට ඉවසුම් නොදෙන කාරණයක් වී තිබේ.වඩාත් ඒ ගැන විවේචන එල්ල කරන්නේ පසුගිය ආණ්ඩු කාලයේ ඉවක් බවක් නැතුව අපරාධ කළ දේශපාලඥයන්ය.ඒ අතරේ බළලුන් ලවා කොස් ඇට බාගන්නා තක්කඩියන්ද නැත්තේ නොවේ.මේ තක්කඩියන් ඒ සදහා යොදා ගන්නේ රාජපක්ෂ සට්ටැඹියන් වූ නීතිඥ දොලවත්ත වැනි වෘත්තිකයන්ය.මේ සෑම පාදඩයෙකුගේම ඉලක්කය වී ඇත්තේ ශානි අබේසේකරය . කෙසේ වෙතත් ශානි අබේසේකර තව දුරටත් පොලිස් රාජකාරියේ නිරත වුව හොත් තමන්ට පමනක් නොව තමන්ගේ ස්වාමිවරුන්ටද කෙල⁣ වෙන බව මේ තක්කඩියන් දනී. මෙතෙක් කාලයක් අපරාධ පරීක්ෂණ දෙපාර්තමේන්තුව පැවතියේ රජපක්ෂ වරුන් ඇති දැඩි කළ පොලිස් කෙරුම්කාරයන්ගෙනි.ජාතික ජන බලවේගය ආණ්ඩුවටද මෙපමණ කාලයක් මේ පොලිස් දෙබිඩ්ඩන්ට මුලා වී සිටි බව අප දුටුවෙමු.අප දිගින් දිගටම ඒ ගැන විවේචන එල්ල කෙරුවෙමු.අපරාධ පරීක්ෂණ දෙපාර්තමේන්තුවේ අරක් අරගෙන සිටි රාජපක්ෂ සුරතලුන් එහි සිදු වන සියළු පරීක්ෂණ ඒටු ඉසෙඩ් රාජපක්ෂ පවුල දැනුවත් කරමින් සිටි බවට අපට තොරතුරු ලැබී තිබුණි.ඡ්‍යෙෂ්‍ඨ නියෝජ්‍ය පොලිස් පති නිහාල...

  පසුගියදා කිරිබත්ගොඩ නගරයේ නිකරුණේ රස්තියාදු ගැසූ 18 දෙනෙක්  පොලීසිය විසින් අත් අඩංගුවට ගන්නා ලද බව මෙරට මාධ්‍ය වාර්තා කෙරිණි.එම ප්‍රවෘත්තියේ වැඩිදුර විස්තරයක් ඉන් ඉදිරියට වාර්තා නොවීය.ඒ අත⁣රේ ජාතික හැඳුනුම්පතක් නොමැතිව කරුණයෙක් අත් අඩංගුවට ගෙන අධිකරණයට ගෙන අධිකරණයට ඉදිරි පත් කරන ලද බවත් අනතුරුව හැඳුනුම්පත ඉදිරිපත් කිරීමෙන් පසුව නිදහස් කර ඇති බවත් 2025 ජුලි 29 වන දින අනිද්දා පුවත්පත වාර්තා කර තිබුණි.මේ තරුණයා මාවනැල්ල මොහොමඩ් සුහීල් ෂුවේද් නම් 21හැවිරිදි තරුණයෙක් වන අතර ඔහු අත් අඩංගුවට ගෙන ඇත්තේ දෙහිවල පොලීසියෙනි. මේ වන විට පොලීසියට මුසල්මානුවන් පෙන්නන්ට නොහැකි ගුද රුදාවක් මතු වී තිබෙන බව මෙරට තැනින් තැනින් ඇසෙන කි⁣යවෙන ප්‍රවෘත්ති වලින් පැහැදිලිය.එය හරියමට මීට අවුරුදු තිහ තිස්පහකට පෙර සිංහල බෞද්ධ සමාජය තුළ සෑම දෙමළ ජාතිකයෙක්ම කොටියෙක් ලෙසට රූපාන්තරණය කර ගත් සිතුවිල්ලේ නව නිෂ්පාදනයයි. වත්මන සෑම මුසල්මානුවෙක්ම සහරාන් කෙනෙක් විය යුතුය යන සැකය පොලීසියේ රාජකාරි ලැයිස්තුවට ඇතුළත් කර ගෙන සිටී. හැඳුනුම්පත නැති බවට අධිකරණයට ඉදිරිපත් කළ ඒ මුසල්මානු තරුණයා පසුව දෙහිවල පොලීසිය මගින් නැව...