Lankadawasa

  ශ්‍රී ලංකා ගුවන් සමාගමට එයාර් බස් ගුවන් යානා මිලදී ගැනීමේදී ඇමරිකානු ඩොලර් මිලියන 2ක අල්ලසක් ගත්තේ යැයි පැවසෙන චෝදනාවකට රක්ෂිත බන්ධනාගාර ගත කර සිට ඇප මත මුදා හරින ලද එම සමාගමේ හිටපු ප්‍රධාන විධායක නිළධාරී කපිල චන්ද්‍රසේන සිය දිවි නසා ගෙන ඇතැයි පොලීසිය පවසයි.  ඇප මත මුදා හැර සිටි කපිල චන්ද්‍රසේනට අධිකරණය මගින් ප්‍රකාශිත ඇප අවලංගු   කර ඔහු නැවත අත් අඩංගුවට ගන්නා ලෙසට ඊයේ (07)කොළඹ මහේස්ත්‍රාත් අධිකරණය නියෝගයක් නිකුත් කෙරුවේය.ඒ අල්ලස් කොමිසම මෝෂමකින් ⁣මහේස්ත්‍රාත් අධිකරණය වෙතින් කරන ලද ඉල්ලීමක් සළකා බලමිනි. අලුත්කඩේ අධිකරණය සමීපයේ පදිංචි පුද්ගලයන් දෙදෙනෙකුට රුපියල් 15000ක් බැගින් වූ මුදල් ගෙවා එම පුද්ගලයන් ඇපයට තබමින් කපිල චන්⁣ද්‍රසේන ඇප කොන්දේසි කඩ කර ඇති බව හා අධිකරණයට අපහාස කර ඇති හෙයින් ඔහුගේ ඇප අවලංගු කර රක්ෂිත බන්ධනාගාර  ගත කරන ලෙස අල්ලස් හෝ දූෂණ කොමිසම එම මෝෂම මගින් මහේස්ත්‍රාත් අධිකරණයෙන් ⁣ඉල්ලා සිටින ලදී.                 රී ලංකන් ගුවන්  සමාගමේ හිටපු ප්‍රධාන විධායක නිලධාරී කපිල චන්ද්‍රසේන මහතා සියදිවි නසාගෙ...

  අධ්‍යාපන සුදුසුකම් නැති පාක්ෂික  හිතවතුන් පිරිසක් රාජ්‍ය සේවයේ බඳවා ගැනීමේ පරිපාටිය උල්ලංඝනය කරමින් රාජ්‍ය සේවයට බඳවා ගන්නා ලෙසට තමන්ට යහපාලන සමයේදී කාන්තා ළමා කටයුතු සහ වියලි කලාප සංවර්ධන  ඇමතිවරිය ලෙස කටයුතු කළ චන්ද්‍රානි බණ්ඩාර තමන්ට බලපෑම් කළ බව එම අමාත්‍යංශයේ  හිටපු ලේකම් වරිය වන දර්ශනා සේනානායක පසුගිය 05 වෙනිදා කොළඹ මහාධිකරණයේ සාක්ෂි දෙමින් පැවසුවාය. වැඩි දුරටත් සාක්ෂි දුන් හිටපු ලේකම්වරිය මෙසේද පැවසුවාය. ඒ අවදියේදී වියලි කලාප සංවර්ධන වැඩ සටහනට අදාලව කළමනාකරණ දෙපාර්තමේන්තුවේ අනුමැතියට යටත්ව සේවකයන් 12 දෙනෙකු බඳවා ගැනීමට තිබුණා. ප්‍රාදේශීය ලේකම්වරුන් මගින් දැන්වීම් ප්‍රසිද්ධ කර අයදුම්කරුවන් නිසි සම්මුඛ පරීක්ෂණ කැඳවා ඉන් සමත් වන අයවළුන් බඳවා ගැනීම නිසි ක්‍රම වේදය වුනා.ඒත් ඇමතිවරිය නිත්‍යනුකූල ක්‍රම වේදයෙන් තොරව අනුරාධපුරයේ පදිංචි තමන්ගේ දේශපාලන පාක්ෂිකයන්  දාල තනතුරු වලට බඳවා ගන්නා ලෙසට මට බලපෑම් කෙරුවා.එහිදී එම තනතුරු වලට බඳවා ගන්නා ලෙසට මට එවන ලද නාම ලේඛනයේ නම් සඳහන් අයවළුන්ගේ අධ්‍යාපන සුදුසුකම් හෝ වෘත්තීය සුදුසුකම් පවා සටහන් වී තිබුණේ නැහැ. ඊටත් වඩා...

  මුදල් අමාත්‍යාංශය සතු අමෙරිකානු ඩොලර් මිලියන 2.5ක් වංචනිකයන් පිරිසක් අතට පත්වීමේ සිද්ධිය සම්බන්ධයෙන් වැඩතහනමට ලක්ව සිටි මහ භාණ්ඩාගාරයේ විදේශ සම්පත් දෙපාර්තමේන්තුවේ සහකාර අධ්‍යක්ෂ රංග රාජපක්ෂ මහතා පසුගිය 30 වෙනිදා සිය ගෙවත්තේදී සැකකටයුතු ලෙස මියගොස් තිබුණි. ඔහුගේ පාදයක සහ අතක කැ.පුම් තුවාල තුනක් දක්නට ඇති බවත් ඒ අනුව මෙය සිය දිවි නසාගැනීමක්ද ඝාතනයක්ද යන්න පිළිබඳ සොයා පොලිස් විමර්ශන ක්‍රියාත්මක බවද පොලීසිය සඳහන් කළේය. සැකකටයුතු ලෙස මිය ගිය මුදල් අමාත්‍යංශ සහකාර අධ්‍යක්ෂවරයාගේ පශ්චාත් මරණ පරීක්ෂණය සඳහා අධිකරණ වෛද්‍ය විශේෂඥයන් සිව් දෙනෙකුගෙන් යුත් මණ්ඩලයක් පත් කළ බව සෞඛ්‍ය අමාත්‍යංශ ලේකම් විශේෂඥ වෛද්‍ය අනිල් ජාසිංහ මහතා පැවසීය. සිද්ධිය සම්බන්ධයෙන් වන මහේස්ත්‍රාත් පරීක්ෂණය ඊයේ දිනයේ සිදු කෙරුණු අතර පශ්චාත් මරණ පරීක්ෂණය කුලියාපිටිය ශික්ෂණ රෝහලේදී පසුගිය 01 දා පස්වරුවේ සිදු කෙරුණි. ඒ අනුව මෙම මරණය ඔහු විසින් සිදුකරගත් තුවාල මත සිදුවූ දි.වි නසාගැනීමක් බව මරණයට හේතුව සෙවීම සඳහා පත්කෙරුණු අධිකරණ වෛද්‍යවරුන් සිව්දෙනෙකුගෙන් සමන්විත කමිටුව තහවුරු කර ඇත.

  පහලොස් හැවිරිදි සිසුවෙකු බරපතළ අපයෝජනයට ලක් කල දහම් පාසැල් ගුරුවරයෙකුට මොණරාගල මහාධිකරණ විනිසුරු ආචාර්ය දමිත් නලීන්ද හේවාවසම් මහතා විසින් වසර 24 ක, සිර දඬුවමක් (30) නියම කරමින් සිය තීන්දුව ලබා දෙන ලදි. මෙලෙස මහාධිකරණයෙන් සිර දඬුවම් නියම වූයේ මොණරාගල ඇතිමලේ පදිංචි , ඌරූමුත්ත ගමගේ චන්දන නමැති 47 වියැති දහම් පාසැල් ගුරුවරයෙකුටය. චූදිත 2015 වසරේදී වින්දිත පිරිමි ළමයා සිය පාපැදියේ නංවාගෙන රහසිගත ස්ථානයකට රැගෙන ගොස් එහිදී බරපතළ ලිංගික අපයෝජනයට ලක් කර තිබූ බව ඔහුට එරෙහිව චෝදනා ගොනු කර තිබුණි.චෝදනා දෙකක් චූදිතට එරෙහිව ඔප්පුවී තිබුණි ,ඒ අනුව එක චෝදනාවකට වසර 12 බැගින් වසර 24 ක ,සිර දඬුවම් නියම කෙරුණු අතර,එම දඬුවම වසර 12 ක ,කාලයකින් ගෙවී යන පරිදි එක්වර ක්‍රියාත්මක කිරීමටද නියෝග කෙරිණි. රජයේ අධිනීතීඥ දුමින්ද ද අල්විස් මහතා පැමිණල්ල වෙනුවෙන් පෙනී සිටියේය.චූදිතට එක් චෝදනාවකට රුපියල් ලක්ෂය බැගින් දඩ මුදලක් සහ වින්දිත සිසුවාට වන්දි වශයෙන් රුපියල් ලක්ෂ 05 ක ,මුදලක් ගෙවන ලෙසටද මහාධිකරණ විනිසුරු වරයා නියෝග කරන ලදි.

  හිටපු ජනාධිපති මහින්ද රාජපක්ෂට සහ හිටපු ඇමති පියංකර ජයරත්නට මැයි මස 12 වෙනිදා අල්ලස් හෝ දූෂණ චෝදනා විමර්ශන කොමිෂන් සභාව හමුවේ පෙනීසිට එම කොමිෂන් සභාව විසින් සිදුකරනු ලබන 2013 ප්‍රශ්නගත එයාර්බස් ගනුදෙනුවට ගැන විමර්ශනවලට අදාළව ප්‍රකාශයක් ලබාදෙන්නැයි එම කොමිසම විසින් සිතාසි නිකුත් කර තිබේ. 2013 වසරේදී ශ්‍රී ලන්කන් ගුවන් සමාගමට එයාර්බස් A-330 ගුවන් යානා 06ක් සහ A- 350 වර්ගයේ ගුවන් යානා 08 ක් මිලට ගැනීමේදී, අමෙරිකානු ඩොලර් මිලියන 02ක මුදලක් අල්ලස් ලෙස ලබාගැනීම සම්බන්ධයෙන් එවක ශ්‍රී ලන්කන් ගුවන් සේවයේ ප්‍රධාන විධායක නිලධාරී කපිල චන්ද්‍රසේනට සහ ඔහුගේ බිරිඳ වන නියෝමාලි විජේනායකට චෝදනා එල්ල වූණි. ඒ ප්‍රංශ එයාබස් සමාගමේ ගනු⁣දෙනු සම්බන්දයෙන් සිදුකළ ජාත්‍යන්තර විමරශනයකදී අනාවරණය වූ කරුණු අනුවය. එහිදී එම සමාගම කපිල චන්ද්‍රසේනලාහට අල්ලස් මුදල් ලබාදී ලංකාවේ අතිවශාල ගනුදෙනුවට සහාය ලබාගෙන ඇත. ඒ සම්බන්ධයෙන් අල්ලස් පනත සහ දූෂණ විරෝධි පනත ප්‍රකාරව සිදුකෙරෙන විමර්ශනයකට අදාළව සැකකාර කපිල චන්ද්‍රසේන ඉකුත් මාර්තු 12 වනදා අල්ලස් කොමිසමේ අත්අඩංගුවට ගත් අතර පසුව මැයි මස 05 වෙනිදා දක්වා රක්ෂිත බන්ධනාගාරගත ක...

  අනුරාධපුරය අටමස්ථානාධිපති පල්ලේගම හේමරතන නායක හිමියන් බාල වයස්කාර දැරියක අපයෝජනය කිරීම සම්බන්ධයෙන් වූ අපරාධමය වරදකට පොලිස් අත් අඩංගුවට ගැනීමට නියමිත බව වාර්තා වේ. නිට්ටුඹව ප්‍රදේශයේ ලැගුම්හලකදී තරුණයකු සමග සිටියදී මේ බාල වයස්කාර දැරිය අත් අඩංගුවට පත් වී තිබුණි.එහිදී පොලීසියට අනාවරණය වී ඇත්තේ මේ දැරිය මුලින්ම අපයෝජනය කරන ලද්දේ අටමස්ථානාධිපති  පල්ලේගම හේමරතන නායක හිමියන් බවය.දැරියගේ ⁣මව සහ පියා රුවන්වැලි සෑය ආසන්නයේ මල් විකුනන අයවළුන් බවත් ඔවුන් දෙදෙනා අ⁣ටමස්ථානාධිපති නායක හිමියන් ගෙන් ණය මුදලක් ගෙන තිබී එය ගෙවා ගැනීමට නොහැකි වීම නිසා සිය දියණිය ඒ හිමි නමගේ  ආශාවන් තෘප්තිමත් කිරීම සඳහා බාර දී ඇතැයි මෙතෙක් සිඳු කරන ලද පොලිස් පරීක්ෂණ වලදී අනාවරණය වී තිබේ. පොලීසිය අපහරණයට ලක් කරන ලද දැරිය සමග ගොස් ස්ථානීය පරීක්ෂණයක් පවා සිඳු කර ඇති අතර අනුරාධපුරය තුන් රෝද රථ හිමියන් කිහිප දෙනෙකුගෙන්ද මෙම අපරාධය සම්බන්ධයෙන් කට උත්තර ලබා ගෙන ඇති බව පැවසේ. තමන් දූෂණය කිරීම නිසා ආ රුධිරය තැවරුන රෙදි වලලා දැමූ බවද එම දැරිය පවසා තිබේ. මෙම සිද්ධිය යටපත් කිරීම සඳහා සමාජයේ ඉහල තැන් වලින් පොලීසියට බලප...