Lankadawasa

  ඕනෑම ස්වෛරී රාජ්‍යයක ස්ථාවරත්වය සහ ජාතික ආරක්ෂාව තීරණය කරනප්‍රධානතම සාධකය වන්නේ එරට සතු සන්නද්ධ හමුදාවන්හි විනය සහ අපක්ෂපාතීත්වයයි. ශ්‍රී ලංකා යුද්ධ හමුදාව යනු දශක තුනක දරුණුතම ත්‍රස්තවාදයක් පරාජය කරමින්, ගරිල්ලා සටන් විධි පරාජය කරමින් අභියෝග හමුවේ ජයග්‍රහණය තහවුරු කළ අභිමානවත් බලකායකි. එහෙත්, යුදජයග්‍රහණයෙන් පසු ගෙවීගිය කාලය තුළ, විවිධ දේශපාලන සුළි සුළංවලට හසුවීමෙන් සහ අභ්‍යන්තර පාලන ව්‍යුහයන් ලිහිල් වීමෙන්යුද්ධ හමුදාවේ ස්වාධීනත්වයට සහ විනයට යම් කැළලක් ඇති වූ බවනොරහසකි. විවිධ පටු කල්ලිවාදී දේශපාලන සංකල්ප තුළ පිළිලයක් මෙන් පැතිර යාමනිසා, වෘත්තීය දක්ෂතාවයට වඩා දේශපාලන හිතවත්කම්වලට මුල්තැනලැබුණු අඳුරු යුගය කිසිවෙකුටත් අමතක නැත. වර්තමාන යුද හමුදාධිපතිලුතිනන් ජෙනරල් ලසන්ත රොද්‍රිගෝගේ පත්වීමත් සමඟ ගමන් මඟසම්පූර්ණයෙන්ම වෙනස් වී ඇති අතර, අද වන විට යුද්ධ හමුදාව තුළ"විනය" සහ "සාධාරණත්වය" පදනමක්ලෙස යළිත් ශක්තිමත් වෙමින් පවතී. පසුගිය කාලසීමාව තුළ හමුදා අභ්‍යන්තරයේ වඩාත්ම විවේචනයට ලක් වූකරුණ වූයේ උසස්වීම්, විදේශ පුහුණු අවස්ථා සහ වරප්‍රසාද ලබාදීමේදීක්‍රියාත්මක වූ පටු කල්ලිවාදී...

  මහජන ආරක්ෂක ඇමති ඩබලගේ කයිවාරු නම් කෙළවරක් නැත. මහජන ආරක්ෂක අමාත්‍යංශයේ ලේකම් රවි සෙනෙවිරත්නත් පොලිස්පතිවරයාත් රූකඩ විතරමය.මේ වන විට පොලීසිය පාලනය කරන්නේ ⁣මහජන ආරක්ෂක අමාත්‍යංශයේ උපදේශක රණවීර උන්නැහේය.පොලීසියේ කවුරු කවුරුත් උන්දෑගේ කෙරුවාව ගැන කතා කරන්නේ රහසේය.අමාත්‍යංශ ලේකම්වරයාත් පොලිස්පතිවරයාත් අත්සන් කරන්නේ රණවීර උන්දෑ නිවසේ සිට සකස් කර එවන ලිපි වලටය.⁣පලාත් භාර ඡ්‍යෙෂ්ඨ නියෝජ්‍ය පොලිස්පතිවරුන්ගේ සිට පොලිස් ස්ථානාධිපතිවරුන් පත් කරන්නේද රණවීරගේ ඕඩර්ස් වලටය. කෙටියෙන් සඳහන් කරනවා නම් මේ  රණවීර උන්නැහේගේ රැකවරණය හා ආශීර්වාදය තියෙන්නේ පොදු ජන පෙරමුණ සමග ගනුදෙනු කරන රාජපක්ෂ වරයෙකු මෙරට ඊළඟ ජනපතිවරයා කරන්නට හිත යට තියාගෙන ඉන්නා පොලිස් කාරයන් හටය.  මේ වන විට පොලීසියේ සෑම තරාතිරකම නිළධාරීන් හා නිළධාරිණියන් ඉන්නේ දැඩි කළකිරීමකිනි.⁣පසුගිය ආණ්ඩුකාලයේ පොලීසියේ බලයේ සි⁣ටි දේශපාලඥයන් ගේ රැකවරණයෙන්  පොලිස් පාට් වලින් ජීවත්වූ පොලිස් ලොක්කන් ජාජබ ආණ්ඩුව යටතේද කිසිදු බයක් හැකක් නැතුව පැරණි තක්කඩි ජීවිතයම විඳිමින් සිටී.මුන්දැලාගේ කෙරුවාව ගැන හොයා බලන්නට දේශපාලඥයන් කිසිවෙකුත් නැ...

හිටපු අමාත්‍යවරයකු වන මහින්ද විජේසේකර අද දින ජිවිතය හැර ගොස් තිබේ.ඔහු අමාත්‍ය ධුරය දරන අවදියේ අකුරැස්ස ගොඩපිටිය මුස්ලිම් පල්ලියේ පැවැති උත්සවයකට සහභාගි වෙමින් සිටියදී පුපුරා ⁣ගිය බෝම්බයකින් ලද තුවාල නිසා ඔහු අවුරුදු විස්සකට ආසන්න කාලයක් එක්තැන්ව දුක් වින්දේය.අකුරැස්සේදී පිපිරුණ මේ බෝම්බය පිළිබදව ඒ දිනවල දී විවිධ තොරතුරු ප්‍රචාරය විය.මේ බෝම්බ ප්‍රහාරය එල්ටීටීය විසින් සිදු කරන ලද්දක් බව රජයේ නිල වශයෙන් නිවේදනය කෙරුවද එය එසේ නොවන බවට ඇතමුන් ගේ අදහස වී තිබුණි.හිටපු ඇමති වාසුදේව නානායක්කාරද මෙි බෝම්බ ප්‍රහාරයට ගොදුරු විය.ජාතිවාදයට එරෙහි දේශපාලඥයකු වු වාසුදේව නානායක්කාර වැනි දේශපාලඥයකු එල්ටීටීය විසින් ඉලක්ක කර ගැනීම ඒ සැකයට අත්වැල් සැපයීමක් වූ අදහසකි. ඒ දිනවල මහින්ද විජේසේකර දකුණේ සිය දේශපාලන ආධිපත්‍ය ගොඩ නගා ගෙන තිබුණේ වෙන කිසිදු දේශපාලඥයෙකුට ඔහුට වඩා ඉහළින් වැජඹෙන්නට නොහැකි වටපිටාවක් නිර්මාණය කර ගනිමිනි.සැබැවින්ම මහින්ද විජේසේකර "හොඳ සනීපයෙන්" සිටියා නම් මහින්ද රාජපක්ෂ හට මෙරට ජනාධිපති අපේක්ෂකත්වය පවා නොලැබෙන්නට ඉඩ තිබුණි.බෝම්බ  ප්‍රහාරයට ලක් වීමට සති දෙක තුනකට පෙර මහින්ද විජේසේක...

  ශ්‍රී ලංකා යුද්ධ හමුදාව යනු දශක තුනක දරුණුතම ත්‍රස්තවාදය පරාජය කරමින් මව්බිමේ ඒකීයභාවය සුරක්ෂිත කළ, දැඩි විනයකින් හෙබි ආයතනයකි. එවැනි ආයතනයක නිලධාරියෙකු ලෙස කටයුතු කිරීම ගෞරවයකි. නිසි පුහුණුවක් සහ විනයක් සහිතව සේවය කර විශ්‍රාම ගන්නා යුද්ධ හමුදා නිලධාරියා යුද්ධ හමුදාවට දිවි ඇති තෙක් ආදරය කරන්නෙකි. එවැනි යුද්ධ හමුදා නිලධාරීන් ඕනෑතරම් සිටිති.  එහෙත්, ලුතිතන් කර්නල් නිලයේ සිටියදී විවිධ දූෂණ සහ අක්‍රමිකතා චෝදනා මත සේවයෙන් විශ්‍රාම ගැන්වූ රවීන්ද්‍ර මීගමආරච්චි වැනි පුද්ගලයින්ගේ වර්තමාන හැසිරීම එම ගෞරවනීය නිල ඇඳුමට මෙන්ම සමස්ත හමුදා සංස්කෘතියටම නිගාවකි . තමන් සේවය කළ ආයතනය තුළ දූෂණ චෝදනාවලට ලක්වී, නිසි ක්‍රියාපටිපාටියක් යටතේ විශ්‍රාම ගැන්වූ පසු, එම ආයතනයටම එරෙහිව මඩ ප්‍රහාර දියත් කිරීම පටු මානසිකත්වයක ලක්ෂණයකි. රවින්ද්‍ර මීගමආරච්චි විසින් වර්තමානයේ සමාජ මාධ්‍ය හරහා හමුදාපතිවරයාට සහ හමුදාවේ ඉහළ පාලනාධිකාරියට එල්ල කරන චෝදනා කිසිදු සාක්ෂියක් නොමැති අභූත ප්‍රකාශ බව පෙනී යයි. පෞද්ගලිකව තමන් පත්වූ අපහසුතාවයන් සහ තමන්ගේ වැරදි වසා ගැනීමට සමස්ත හමුදාවම අපකීර්තියට පත් කිරීම කිසිසේත්ම අනුමත කළ...

  Message Body පාස්කු බෝම්බ ප්‍රහාරය ගැන ඕනෑ තරම්  ලියවුන කවි සින්දු රචනා කියවන්නට තිබේ.ඒ පිළිබඳව ජනපති කොමිෂන්  වාර්තාද කියවීමට හැකිය.සීඅයිඩී පරීක්ෂණ ගොනුද හැට හුටාමාරක් ඇත.පක්ෂ විපක්ෂ බොහෝ දෙනාටද ඒ ගැන විවිධ අදහස්ද පවතී. අප මේ ලියන්නේ එම සිදුවී⁣ම පිටුපස සිටි මිල්ටෙරි බළල් අත් ගැන අපට පවතින සැකයයි.බොහෝ දෙනා සිතන්නේ පාස්කු දින ප්‍රහාරයේදී සහරාන් ඇතුළු කණ්ඩායම බෝම්බ පුපුරවාගෙන මිය ගිය බවය.මේ වන විට සමාජගත වී ඇත්තේද ඒ අදහසය.එය එසේම වීද යන්න ගැන අපට නම් ඇත්තේ බරපතල සැකයකි.අපට ඒ සැකය මතුවන්නේ මෙරට දේශපාලනයේ අපරාධකාරී අදෘශමාන හස්තය විසින් බලය රඳා පවත්වාගෙන යාම සඳහා  මුදා හරින ලද මෙලෙච්ඡත්වය ගැන ඉතිහාසය තුළ සැඟවුන සිද්ධීන් ගණනාවක්ම ඇති නිසාය.පාස්කු ප්‍රහාරයේ  ස්වරූපය ඒවායින් වෙනස් වන්නේ ඒ ප්‍රහාරය සිද්ධවන්නේ බලය ලබා ගැනීමේ අභ්‍යාසයක් විදියට බැවිනි. ඉතිහාසය තුළ සැඟවුන එම සිද්ධීන් ගැන හොඳින් දන්නේ දැනට විශ්‍රාමිකව සිටින හමුදා ප්‍රධානීන්ය.එලෙස සිදු වූ ඇතැම් මෙලේච්ඡ සමූහ ඝාතනයන් සමාජය තුළ වර නැගුනේ එල්ටීටී ප්‍රහාරයන් විදියටය.එහෙත් මතුපිටින් දකින දේ සැබෑව නොවේ.ඒ සෑම ඝාතනයක...

  ත්‍රස්තවාදය වැළැක්වීමේ පනත (PTA) සමිමත කරන්න යන අවස්ථාවේ ඒ පනත පුරවැසියන් හිංසාවට බඳුන් කරන  පනතක් බවට බොහෝ පාර්ශව වලින් චෝදනා නැගුනා.පනත සම්මත කිරීමට පෙර පැවතුන සංවාදවලදී ජනතා විමුක්ති පෙරමුණද මෙයට එරෙහි වූ බව අපට මතකයි .වර්තමානයේ ජවිපේ මූලික කර ගත් ජාජබ ආණ්ඩුවකින්ද ත්‍රස්තවාදය වැලැක්වීමෙි පනත ක්‍රියාත්මක වෙමින් පවතිනවා.මේ පනත අහෝසි කිරීමෙන් ජාතික ආරක්ෂාව බිඳ වැටෙනු ඇති බවටආණ්ඩුවේ අදහස වෙන්නට ඇති.බලයට පත් වීමට පෙර ජවිපෙ මේ පනත පිළිබඳව පැවැති ස්ථාවරය බලය ලබා ගැනීමත් සමගම වෙනස් කර ගැනීම කණගාටුදායකයි. මේජර් ජනරාල් සලේ රඳවාගෙන සිටින්නේ ත්‍රස්තවාදය වැලැක්වී⁣මේ පනතේ විධානයන් යටතේ බව පැවසෙනවා. එය එසේවන්නේ නම් ඉන් මාර උත්ප්‍රාසයක්  නැගෙනවා.ඒ මන්ද යත් මේ පනතට එරෙහිවූ සමාජ ක්‍රියාකාරිකයන්ගේ හා සිවිල් සංවිධාන වල ක්‍රියාකාරිත්වය මේජර් ජනරාල් සලේ ගේ ඒ දිනවල වෘත්තිමය දායකත්වය තුළ වර නැගුනේ ත්‍රස්තවාදීන් විදියට.ඒත් දැන් ඔහු ඒ පනතින්ම සිර ගත කරලා. රට ආර්ථික අර්බුදයට පත් වූ අවස්ථාවේ මහා භාණ්ඩාගාරයේ ඩොලර් හිඟයක් ආවා.ඒත් ජාතික ආරක්ෂාව තිබුණා.රටේ ඉන්ධන හිඟවුනා.ජාතික ආරක්ෂාව තිබුණා.කිරි ...

  පාස්කු ප්‍රහාරයට සම්බන්ධ පුලස්තිනී මහේන්ද්‍රන් නොහොත් සාරා ජෙස්මින් 2019 අප්‍රේල් 26 වන දින සයින්ද මරුන්දු ප්‍රදේශයේ නිවසක සිඳුවූ පිපි⁣රීමෙන් මිය ගොස් නැති බවට ඩීඑන්ඒ පරීක්ෂණ දෙකකින්ම තහවුරු වී තිබියදීත් ඒ සඳහා ⁣තුන්වැනි පරීක්ෂණයක් කිරීමට උපදෙස් ලබා දීම සම්බන්ධයෙන් වාර්තාවක් අධිකරණයට ඉදිරිපත් කරන ලෙසට කොටුව ⁣මහේස්ත්‍රාත් ඉසුරු නෙත්තිකුමාර අපරාධ පරීක්ෂණ දෙපාර්තමේන්තුවට නියෝග කර ඇතැයි වාර්තා වේ. ත්‍රස්තවාදය වැලැක්වීමේ පනත යටතේ දැනට රඳවාගෙන ප්‍රශ්ණ කරමින් සිටින මේජර් ජනරාල් සුරේෂ් සලේ ඇතුළු සැකකරුවන් තිදෙනෙකුට එරෙහිව පවතින විමර්ශන ගැන කරුණු පසුගිය 11 වන දින අපරාධ පරීක්ෂණ දෙපාර්තමේන්තුව විසින් අධිකරණයට ඉදිරිපත් කරන ලද අවස්ථාවේ මහේස්ත්‍රාත් වරයා මේ නියෝගය දී ඇත. එවකට ජනාධිපතිවරයාව සිටි ගෝඨාභය රාජපක්ෂ 2023 වස⁣⁣රේ පැවැති ආරක්ෂක මණ්ඩල රැස්වීමකදී මෙම තෙවන පරීක්ෂණය සිදු කිරීමට නියෝග කර ඇතැයි පැවසේ.එම නියෝගය හිටපු ජනපතිවරයා විසින් ලබා දී තිබේ නම් එය මුළුමනින්ම නීති විරෝධි ක්‍රියාවක් බවත් මෙහිදී මහේස්ත්‍රාත්වරයා ප්‍රකාශ කර තිබේ.එම නියෝගය වැරදි සහගත ක්‍රියාවක් බව තහවුරු වන්නේ නම්  එහි ...

  ගාල්ල කරාපිටිය රෝහලේ ⁣මේ වන විට ප්‍රතිකාර ලබමින් සිටින ඉරාන ජාතික නැවියන් ගෙන් තොරතුරු ලබා ගනිමින් සිටියදී පොලීසියේ යැයි පැවසූ කණ්ඩායමක් තම රාජකාරියට බාධා කරමින් තමාගේ සටහන් පොත් උදුරාගත්තේ යැයි සඳහන් කරමින් සිලෝන් ටුඩේ පුවත්⁣පතේ නියෝජ්‍ය කර්තෘ සුලෝචනා රාමයියා ගාල්ල පොලීසියට පැමිණිල්ලක් කර ඇතැයි වාර්තා වේ. මාධ්‍යවේදිනී සුලෝචනා රාමයියා ඉරාන තානාපති කාර්යාලයේ භාෂා පරිවර්තිකාවකගේ සහායෙන් රෝහලෙහි නේවාසිකව ප්‍රතිකාර ගනිමින් සිටි අදාල නැවියන් ගෙන් තොරතුරු ලබා ගනිමින් සිටියදී මේ පොලිස් නිළධාරීන් පිරිස ඇයට බාධා කර ඇති බවද දැන ගැන්මට තිබේ.එහිදී තමාට පොලිස් නිළධාරියකු හා රෝහලෙහි ආරක්ෂක නිළධාරියෙකු අසභ්‍ය වචනයෙන් බැණ වැදුන බවද ඇය කියා සිටී. තමා මුහුණ පෑ මේ සිද්ධිය පිළිබඳව පොලිස්පතිවරයාට දුරකථනයෙන් පැමිණිලි කළ බවද අනතුරුව තමන් ගාල්ල පොලීසියේ පැමිණිල්ලක් කළ බවත් මාධ්‍යවේදිනී සුලෝචනා රාමයියා නිදහස් මාධ්‍ය ව්‍යාපාරය⁣ට පවසා ඇති අතර මේ සිඳුවීම නිදහසේ සිය වෘත්තීය  කටයුතු වලට නිරත වීමට මාධ්‍යයට ඇති අයිතියට බාධා කරමින් සිඳු කළ අනීතික පොලිස් මැදිහත්වීමක් බවට සඳහන් කරමින් එම ව්‍යාපාරයේ ලේකම් දි...

  අනුරාධපුර ශ්‍රාවස්තිපුර තිඹිරිකඩවල ප්‍රදේශයේ ගල් තලාවක් සහිත ඉඩමක් මත පිහිටි දේවාලයක් ඇතුළත කැණීම් කර නිදන් වස්තු ලබා ගැනීමට තැත් කිරීම හා කුමන්ත්‍රණය කිරීම චෝදනා යටතේ බන්ධනාගාර ගත කර සිටි කොළඹ දිසාව බාර හිටපු නියෝජ්‍ය පොලිස්පති උදිත ලියනගේ ගේ බිරිය වන ඩී.ඒ.ඉන්ද්‍රාණි කුමාරි දිසානායක ඇතුළු සැකකරුවන් හත් දෙනෙක් එම නඩුව ගත් අවස්ථාවේදී අධිකරණයේදී වරද පිළිගනු ලැබූහ. ඒ අනුව වරද පිළිගත් හිටපු නියෝජ්‍ය පොලිස්පතිවරයාගේ බිරිඳ ඇතුළු සැකකරුවන් හත් දෙනාට අනුරාධපුර ප්‍රධාන මහේස්ත්‍රාත්වරයා එහිදී මුදලින් රුපියල් ලක්ෂය බැගින් දඩ නියම කෙරුවේය. මෙම සිද්ධියට අදාලව දීර්ඝ කාලයක් බන්ධනාගාර ගත කර සිටින හිටපු නියෝජ්‍ය අමාත්‍ය උදිත ලියනගේ සහ එම නඩුවේ තවත් සැකකරුවෙකු වූ එම්.පද්මසිරි දිසානායක නම් හිටපු යුද හමුදා නිළධාරියෙකු තමන්ට එරෙහිව අධිකරණය හමුවේ පවතින චෝදනාවන්ට වරද නොපිළිගත් අතර මේ සැකකරුවන් දෙදෙනා තවදුරටත් බන්ධනාගාර ගත කෙරිණි. ඒ අනුව වරද පිළිගත් හිටපු නියෝජ්‍ය පොලිස්පතිවරයාගේ බිරිඳ ඇතුළු සැකකරුවන් හත් දෙනාට අනුරාධපුර ප්‍රධාන මහේස්ත්‍රාත්වරයා එහිදී මුදලින් රුපියල් ලක්ෂය බැගින් දඩ නියම කෙරුවේය. මෙම ස...

  මහා පරිමාණ මත් ද්‍රව්‍ය ජාවාරම්කාරයකු ලෙස ප්‍රකට දෙම⁣ටගොඩ රුවන් නැමති සැකකරු බන්ධනාගාරගතව සිටියදී ඔහුට ඇප ලබා දීම සඳහා රුපියල් ලක්ෂ එකසිය පනහක මුදලක් ඉල්ලා ගන්නා ලදැයි කියන විමර්ශනයකට අදාලව  සැකකරුවකු ලෙස හිටපු පාර්ලිමේන්තු මන්ත්‍රී සහ නිවාස සංවර්ධන අධිකාරියේ සභාපතිආර්.දුමින්ද සිල්වා නම් කරන බව කොළඹ ප්‍රධාන මහේස්ත්‍රාත් අසංක එස් බෝදරගම හමුවේ කරුණු දැක්වූ අල්ලස් හෝ දූෂණ කොමිෂම පසුගියදා (03) පැවසීය. අයථා මුදල් ඉපැයීම සම්බන්ධයෙන් අත් අඩංගුවට පත්ව සිටි දෙමටගොඩ රුවන් නැමති සැකකරුට ඇප ලබා ගැනීමට උදව් කිරීම සඳහා මෙලෙස මුදල් ලබා ගත් කියන විමර්ශනයකට අනුව මෙලෙස ඔහු සැකකරුවෙක් ලෙස නම් කෙරිණි.මේ සිද්ධිය සම්බන්ධයෙන් අල්ලස්⁣ කොමිෂම මගින් අත් අඩංගුවට ගත් මොහොමඩ් මොහොදීන් සෆ්රාස් නවාස් නැමති සැකකරු අධිකරණයට ඉදිරිපත් කරමින් අල්ලස් හෝ දූෂණ කොමිෂම වැඩිදුර වාර්තාවක් ඉදිරිපත් කරමින් දුමින්ද සිල්වා යන අයද මේ නඩුවේ සැකකරුවකු ලෙස නම් කරන බව අධිකරණයට දැනුම් දෙන ලදී. නීති විරෝධී වත්කම් විමර්ශන  කොට්ඨාශය මගින් සිඳු කරන ලද පැමිණිල්ලකට අනුව දෙමටගොඩ රුවන් යන විත්තිකරු රහස් පොලීසිය මගින් අත් අඩංගුව...

 ගෙවී ගිය 2024 සිට 2025 කාලය තුළ විවිධ විෂමාචරයන් හා විනය විරෝධීව කටයුතු කරන ලද පොලිස් නිළධාරීන් 604 දෙනෙකුගේ වැඩ  තහනම් කර 79 දෙනෙකුගේ සේවයෙන් පහ කිරීමට  කටයුතු කර ඇති බව මහජන ආරක්ෂක අමාත්‍ය ආනන්ද විජේපාල පසුගියදා පාර්ලිමේන්තුවේදී ප්‍රකාශ කෙරුවේය.  පොළිස් නිළධාරීන්ගේ විනය පවත්වාගෙන යාම සඳහා රජය මගින් ක්‍රියා මාර්ග රැසක් ගෙන ඇති අතර පොලිස් නිළධාරීන් සිඳු කරන දූෂණ හා අක්‍රමිකතාවන් පිළිිබඳව පොලිස්පතිවරයාට හා මහජන ආරක්ෂක අමාත්‍යංශය වෙත සෘජුව පැමිණිලි කිරීමට මහජනතාවට දැනුම් දීමට හැකියාව පවතින බවද  අමාත්‍යවරයා පැවසීය. මේ වන විට දිවයින පුරා පොලිස් ස්ථාන 608 ක් ඇති බවද,පොලිස් දෙපාර්තමේන්තුවේ සේවය කරන පොලිස් නිළධාරීන් සංඛ්‍යාව 79782 ක් බවද මෙහිදී අමාත්‍යවරයා හෙළි කෙරුවේය. පසුගිය කාලයේ අපරාධ මර්දන මෙහෙයුම් මගින් පොලීසිය මගින් මේ වන විට වෙඩික්කරුවන් 22 ක් ,පැදිකරුවන් 14 ක් සහ මත්ද්‍රව්‍ය ජාවාරම්කරුවන් 57 ක් ඇතුළු සැකකරුවන් 315 දෙනෙකු 2024  අත් අඩංගුවට ගෙන ඇති බවද 2025 වසරේදී අපරාධ සම්බන්ධයෙන් සැකකරුවන් 408 දෙනෙකු අත් අඩංගුවට ගෙන ඇති බවත් ඇමතිවරයා අනාවරණය කෙරුවේය....

  එක්සත් එමීර් රාජ්‍යයේ සාජා පොලීසිය මගින් ශ්‍රී ලංකාවේ පාතාල සාමාජිකයන් හතරදෙනෙකු අත් අඩංගුවට ගත් බව වාර්තා විය.එම පාතාල සාමාජියන් හතර දෙනා ලංකාවේ සිඳු වූ සාහසික මිනිස් ඝාතන වලට සංවිධානාත්මක අපරාධ වලට සම්බන්ධ වූවන් වේ.මේ වන විටත් මෙරට සිඳු කරන හොරොයින් ජාවාරම  එක්සත් එමීර් රාජ්‍යයේ සිට මෙහෙයවනේද මෙම පාතාල සාමාජිකයන් බව අනාවරණය වී තිබෙි. එලෙස අත් අඩංගුවට ගත් අයවළුන් මෙසේය. 1.එම්.ඩී .හර්ෂ ගුණතිලක  මොහුට එරෙහිව හෙරොයින් ළඟ තබා ගැනීම ගැන ගාල්ල මහාධිකරණයේ නඩුවක් විභාග වන අතර බෙලි අත්ත අධිවේගී මාර්ග පිවිසුම අසලදෟ රෝයල් බීච් සමන් ඇතුළු පස් දෙනෙකු ඝාතනය කිරීමේ අපරාධයට හවුල් වූ අයෙකි. 2.දසුන් මානවඩු මොහු අම්බලන්ගොඩ යසරත්න නම් මිනිස් ඝාතකයාගේ ගෝලයෙකි.යසරත්න අම්බලන්⁣ගොඩ ප්‍රදේශයේ මිනිස් ඝාතන නවයකට ආසන්න සංඛ්‍යාවක් සිදු කෙරුවද ඒ කිසිවකුට පොලීසියේ අත් අඩංගුවට පත් නොවු අයෙකි.එහෙත් අම්බලන්ගොඩ නගරයේදී ඔහු ඝාතනය කෙරිණි.තම කණ්ඩායම් නායක යසරත්න මරා දමන ලද්දේ  අම්බලන්ගොඩ ප්‍රසිද්ධ ව්‍යපාරික සහ ගාල්ල ක්‍රිකට් සංඟමයේ   සභාපති ප්‍රේමසිරි හැළඹගේ ගේ කොන්ත්‍රාතුවකට බවට සැක කර දසු...

  හිටපු ජනපති රනිල් වික්‍රමසිංහ ජනපති ධුරය දරණ කාලයේ සිය බිරිඳගේ උපාධි ප්‍රදානෝත්සවය සඳහා බ්‍රිතාන්‍යයේ වොල්වර්හැම්ප්ටන් විශ්ව විද්‍යාලයට ගිය සංචාරය පිළිබඳව පසුගිය දිනවල මෙරට සමාජය තුළ කතාබහක් නිර්මාණය වූයේ මහජන මුදල් අවභාවිතාව සම්බන්ධයෙන් ඔහුට එරෙහිව අධිකරණ ක්‍රියා මාර්ග වලට එළඹීමෙන් පසුවය. එහිදී හිටපු ජනපති රනිල් වික්‍රමසිංහගේ නීතිඥයන් අධිකරණය ඉදිරියේ ප්‍රකාශ කරන ලද්දේ ඔහු ගේ එම සංචාරය නිල සංචාරයක් බවටය.රනිල් වික්‍රමසිංහ වෙනුවෙන් පෙනී සිටි බොහෝ අයවළුන්ද එම සංචාරය නිල සංචාරයක් බවට අදහස් ප්‍රකාශ කළ අතරම ඔහුට එරෙහිව අධිකරණ ක්‍රියා මාර්ග ගැනීම ජාජබ ආණ්ඩුව කළ දේශපාලන පළි ගැනීමක් බවටද අවධාරණය කෙරිණි. එහෙත් ඒ සියල්ලන් ⁣ගෙන ආ තර්ක කුඩු පට්ට්ම් කර දැමීමට සිවිල් සමාජ ක්‍රියාකාරී ඕෂල හේරත් සමත්වී  තිබේ. ඒ ඔහු බ්‍ර්තාන්‍ය තොරතුරු පනත උපයෝගි කර ගනිමින් වොල්වර්හැම්ප්ටන් විශ්ව විද්‍යාලය වෙතින් ලබා ගෙන ⁣ඇති තොරතුරු නිසාය ඕෂල හේරත් බ්‍රිතාන්‍යයේ 2000 අංක දරන තොරතුරු දැනගැනීමේ නිදහස පිළිබඳ පනත (FOIA)යටතේ ඉදිරිපත් කරන ලද අයදුම්පත්‍රයට එම විශ්ව විද්‍යාලයේ තොරතුරු නිළධාරිණී සෝපි එසන් (sophi...