Lankadawasa

  අමරපුර මහ නිකායේ උත්තරීතර මහානායක පදවියට පත් උයන්ගොඩ මෛත්‍රී මුර්ති නාහිමිපාණන් හට ශ්‍රී සන්නස් පත්‍ර පිළිගැන්වීමේ උත්සවයට පසුගියදා සහභාගිවූ ජනපති අනුර කුමාර දිසානායක සහෝදරයා සභාව අමතා   "නීතිය හා සාමය ස්ථාපිත කිරීමේ ආයතනයේ කෙනා නීතියෙන් කට්ටි පනිමින් ඉන්නවා නම් පොදු පුරවැසියන්ට කෝමද අපි නීතියට යටත් සමාජයක් සඳහා ආරාධනා කරන්නේ කෝමද" යැයි පැවසුවේය මෙහිදී නීතිය හා සාමය ස්ථාපිත කිරීමේ ආයතනයේ කටිටි පනින කෙනා වශයෙන් ජනපතිවරයා හැඳින්වූයේ මේ වන විට සැඟවී සිටින හිටපු පොලිස් පති දේශබන්දු⁣ තෙන්නකෝන් ගැන බව පැහැදිලිය. දේශබන්දු තෙන්නකෝන් අත් අඩංගුවට ගැනීම සඳහා වරෙන්තු නිකුත් කළ මාතර මහේස්ත්‍රාත්වරයා දෙන ලද නියෝගයේ මෙසේ දැක්වේ. ".....අපරාධයකට ආධාර අනුබල දීමක් කළහොත් එම තැනැත්තන්ද අපරාධ වගකීමට යටත් වෙයි.W 15 හෝටලයට වෙඩි තබා අනර්ථයක් සිදු කිරීමේ වරදට  නිත්‍යනුකූල නොවූ ⁣නියෝගයක් ලබා දුන් දේශබන්දු තෙන්නකෝන්ගේ එම නිත්‍යනුකූල නොවූ අරමුණ සාක්ෂාත් කිරීමට 7225 වෑන් රි⁣යේ ගමන් කළ අට දෙනා පොදු අරමුණක් ඇතිව කටයුතු කර තිබේ.වෙඩි තැබීම ඊ⁣ට පහසු වන ලෙස රථය මෙහෙයවීම එම ක්‍රියාවට සහාය දැක්වීම ...

 හිටපු පොලිස්පති දේශබන්දු අත් අඩංගුවට ගැනීමට තවමත් පොලීසියට හැකිවී නැත.මේ වන විට පොලීසිය පමණක් නොව හමුදා බුද්ධි අංශවලටද දේශබන්දු සෙවීමේ රාජකාරිය පවරා ඇතැයි වාර්තා වේ.මෙහිදී අපට මතක් වෙන්නේ කුඩා දරුවන් කරන ක්‍රීඩාවකි. ඒ එක දරුවකු විසින් ⁣දුවන සෙස්සන් අල්ලා ගැනීමේ ක්‍රීඩාවයි.මෙහිදී දිව යන දරුවන් පවසන කියමනක් වේ.ඒ අත්තාපල් මුත්තාපල්  රෑන ගලේ ගල කෙටුවත්  මං නම් අල්ලන්නට බෑ යනුවෙනි.එසේ දිව යද්දී අල්ලයි මගෙ වලිගේ යනුවෙන් විහිළුද කෙරේ. දේශබන්දු තෙන්නකෝන් සමග ආණ්ඩුව අත්තාපල් මුත්තාපල්⁣ සෙල්ලම කරමින් සිටී.හිටපු පොලිස්පතිවරයා සැඟවී සිටින ස්ථානය ගැන ආණ්ඩුව නොදැන සිටීම මෙරට බුද්ධි අංශ පිළිබඳව පවා ජනතාව තුළ සැකයක් ඇති විය හැකි හේතුවක් වන්නේය.දේශබන්දු අතුරුදන් වූයේ ඔහුගේ මවගේ ආදාහන කටයුතු සිදු කළ දින සවස සිටය.එදින රාත්‍රී මොහු නිදහස් වෙළඳ කළාපයට ඇතුළු වූ බවට බුද්ධි තොරතුරක් ලැබී තිබුණි.එතැන් සිට ඔහු ආගිය තැනක් නැත. ජනපති අනුර සහෝදරයා පසුගියදා පාර්ලිමේන්තුවේ ප්‍රකාශයක් කරමින් සඳහන් කෙරුවේ ඊට පසු දින හිටපු පොලිස්පතිවරයා ⁣අධිකරණයට බාර වන බවය.මේ ප්‍රකාශය අනුර සහෝදරයා කරන්නට ඇත්තේ ඔහුට ල...

  පසුගිය මහා මැතිවරණයේදී කළුතර දිස්ත්‍රික්කයට ප්‍රජාතන්ත්‍රවාදී පෙරමුණෙන් තරඟ කළ අපේක්ෂකයන් විසින් ලබා ගන්නා ලද මනාප ඡන්ද යලි ගණන් කර අළුතෙන් ප්‍රතිඵළ නිකුත් කරන ලෙසට ඉල්ලා හිටපු අමාත්‍ය රාජිත සේනාරත්න විසින් ඉදිරිපත් කරන ලද මූලික අයිතිවාසකම් පෙත්සමක් සළකා බැලීම සඳහා සැප්තැම්බර් 30 වන දින කැඳවන ලෙසට ශ්‍රේෂ්ඨාධිකරණය නියම කර තිබේ. ඉකුත් පාර්ලිමේන්තු මැතිවරණයේදී තමන් කළුතර දිස්ත්‍රික්කය⁣ට තරග කළ බවත් මනාප ඡන්ද ගණන් කිරීමේදී තමන්ට අසාධාරණයක් වූ බවත් මෙහිදී පෙත්සම්කාර රාජිත සේනාරත්න පවසා සිටී.වැඩිදුරටත් පෙත්සම්කාර රාජිත සේනාරත්න සඳහන් කර ඇත්තේ එම පාර්ලිමේන්තු මැතිවරණයෙන් පාර්ලිමේන්තුවට තේරී පත් වූ මන්ත්‍රීවරයා අතරත් පවතින මනාප ඡන්ද වල වෙනස 119ක් බවත් එහිදී ඡන්ද ගණන් කිරීමේදී සිඳුවූ අවිධිමත් බව නිසාම තමාට අවාසියක් වූ බවත්ය. මෙම පෙත්සම (06) දින ප්‍රීති පද්මන් සූරසේන ,ජනක්ද සිල්වා සහ සම්පත් අබේකෝන් යන ත්‍රිපුද්ගල ශ්‍රේෂෟඨාධිකරණ විනිසුරු මඩුල්ල ඉදිරියේදී විභාගයට ගැණිනි.

  පසුගියදා මිද්දෙනිය ප්‍රදේශයේදී අනුර විදානගමගේ හා ඔහුගේ දරු දෙදෙනා ඝාතනය කර ඇත්තේ බැකෝ සමන් යන අනවර්ථ නාමයෙන් හදුන්වන පුද්ගලයකු බව පොලීසිය පවසයි.මේ ඝාතනයට හේතුව වශයෙන් පොලීසිය සඳහන් කරන්නේ අනුර විදානගමගේ බැකෝ සමන්ට අයත් ගංජා පාර්සලයක් පැහැර ගැනීම මත ඇතිවූ ආරවුලක් නිසා බවය. අනුුර විදානගමගේ හා දරු දෙදෙනා ඝාතනය කළ වෙඩික්කරුද මේ වන විට පොලිස් අත් අඩංගුවේ පසුවේ.  එම ඝාතනයන් සදහා පොලීසිය මගින් දැනට අත් අඩංගුවට ගෙන ඇති සැකකරුවන් සංඛ්‍යාව 10 දෙනෙකි. ⁣ඝාතන කොන්ත්‍රාතුව තමාට දුන්නේ ඩුබායි සිටින බැකෝ සමන් බවත් තමා දැඩි ණය බරකින් ජීවත්වූ නිසා මේ කොන්ත්‍රාතුව බාර ගත් බවත් වෙඩික්කරු පොලීසියට පවසා තිබේ.පසුගිය පෙබරවාරි මාසයේ අවස්ථා තුනකදී අනුර විදානගමගේ ඝාතනය කිරීමට උත්සාහ කෙරුවද ඒ අවස්ථාවන් අසාර්ථක වූ බවත් අනතුරුව බැකෝ සමන් ඩුබායි සිට ලබා දුන් උපදෙස් පරිදි පෙබරවාරි 18 වන දා යතුරුපැදිකරුවකු සමග ගොස් එම ඝාතනයන් සිදු කරන ලද බවත් ඔහු එහිදී වැඩිදුරටත් පවසා ඇත. ඝාතනයට ලක් වූ අනුර විදානගමගේ ප්‍රදේශයේ බූරු පොළවල් මංකොල්ල කෑ බවට තොරතුරු ලැබී තිබෙන බවද පොලීසිය පවසයි.ඝාතනය හා සම්බන්ධ සැකකරුවන් පැය 72ක...

පසුගියදා මිද්දෙනියේදී අරුණ විදාන⁣ගමගේ හා ඔහුගේ දරුවන් දෙදෙනා වෙඩි තබා ඝාතන කිරීම සම්බන්ධයෙන් අද (04) දින වීරකැටිය පොලීසියේ සේවයේ නිරත පොලිස් කොස්තාපල් වරයකු අපරාධ පරීක්ෂණ දෙපාර්තමේන්තුව විසින් අත් අඩංගුවට ගන්නා ලදී.වීරකැටිය පොලිස් ස්ථානාධිපතිවරයාව සිටි පොලිස් පරීක්ෂක නුවන් විජේතුංගට එරෙහිව  තෙලිජ්විල තරුණයකුට කෘර වද හිංසා පැමිණවීම සම්බන්ධයෙන් පසුගියදා මාතර මහාධිකරණයේ නඩු පැවරිණි.මේ වන විට ඔහුගේ සේවය පොලිස් පති වරයා විසින් අත් හිටුවා තිබේ. පොලිස් පරීක්ෂක නුවන් විජේතුංග හා නෙවිල් වන්නිආරච්චි හා පවතින්නේ ඉතා සමීප සම්බන්ධතාවකි.නෙවිල් වන්නිආරච්චිගේ ඥාති සහෝදරයා මත්ද්‍රව්‍ය නාශක අංශයේ ඡ්‍යෙෂ්ඨ පොලිස් අධිකාරී හේමාල් ප්‍රශාන්තය.ඡෙ.පො අධිකාරී හේමාල් ප්‍රශාන්ත හා පොප නුවන් විජේතුංඟ අතර පවතින්නේද පවුල් සමිබන්ධතාවකි. මිද්දෙණියේ අරුණ විදානගමගේ හා දරු දෙදෙනාගේ ඝාතන කුමන්ත්‍රණය කෙළවරක රාජපක්ෂ වරුන් සිටී යැයි සැකයක් මතුවන්නේ මෙවැනි සබඳතාවන් නිසාය.රාජපක්ෂවරුන් මේ වන විට ජීවත්වන්නේ තිගැස්මෙනි.ඔවුන් මේ වටපිටාව තුළ මිනිස් ඝාතනයන් වැනි සාහසික ක්‍රියා මග හැර යන බව අමුතුවෙන් සඳහන් කළ යුතු නැත.එහෙත්...

  ඡ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු ඇතුළු පිරිසකට එරෙහිව පවරා ඇති මූලික අයිතිවාසිකම් පෙත්සමට අදාලව 2024 අගෝස්තු මාසයේදීි නිකුත් කරන ලද අධිකරණ නියෝග නීතිපති දෙපාර්තමේන්තුව හා පොලිස් කොමිසම ක්‍රියාත්මක කර නැති බව අද (04)ශ්‍රෙෂ්ඨාධිකරණයේදී අනාවරණය විය.ඒ මෙම මූලික අයිතිවාසිකම් පෙත්සම ඒ.එච්.එම්.ඩී.නවාස්,අර්ජුන අබේසේකර සහ සම්පත් අබේසේකර යන ශ්‍රේෂ්ඨාධිකරණ විනිසුරුවරුන් විසින් එම පෙත්සම විභාගයට ගන්නා ලද අවස්ථාවේදීය. එහිදී අධිකරණ නියෝග ක්‍රියාත්මක නොකිරීම පිළිබඳව ශ්‍රේෂ්ඨාධිකරණය නීතිපති දෙපාර්තමේන්තුව වෙනුවෙන් පෙනී සිටි රජයේ නීතිඥවරියගෙන් විමසූ අතර අදාල නියෝග මැයි මස 08 වෙනිදාට පෙර ක්‍රියාත්මක කරන ලෙසද නියෝග කෙරිණි. ඡ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු පොලිස් සේවාවට එක් වන්නේ ඔහුගේ පියා වූ ලක්ෂමන් කොඩිතුවක්කු මෙරට පොලිස් පති වරයා ලෙස කටයුතු කරමින් සිටියදීය. සහකාර පොලිස් අධිකාරීවරයකු ලෙස සේවයට එක් වූ මොහුට එම අධිකාරිමය තනතුරට බඳවා ගැනීම සඳහා වූ මූලික සුදුසුකම් නැති බවට ඒ දිනවල රාවය පුවත්පත මගින් හෙළිදරව් කෙරිණි. සහකාර පොලිස් අධිකාරී වරයකු බඳවා ගැනීම සඳහා උපාධිධරයකු විය...

  මාධ්‍යවේදී කීත් නොයාර්ට පහරදීම සම්බන්ධයෙන් යුද හමුදා බුද්ධි අංශයේ සේවය කළ විශ්‍රාමික සෙබළුන් දෙදෙනෙකු (02)දින අපරාධ පරීක්ෂණ දෙපාර්තමේන්තුව මගින් අත් අඩංගුවට ගෙන ගල්කිස්ස ⁣මහේස්ත්‍රාත් අධිකරණයට ඉදිරිපත් කිරීමෙන් පසුව ඇප මත මුදා හරින ලද බව වාර්තා විය.මෙලෙස ඇප මත මුදා හරින ලද විශ්‍රාමික සෙබළුන් දෙදෙනා වූයේ මදුරාධිපති ගමගේ උපාලි සේනාරත්න හා රම්බණ්ඩාගේ නිමල් සේනාරත්න යන අයවළුන්ය.කීත් නොයාර් හට පහරදීම පිළිබඳව 2019 වර්ෂයේදී  නීතිපතිවරයාගේ උපදෙස් අනුව අත් අඩංගුවට ගැනීමට නියමිතව සිටි සැකකරුවන් තිදෙනා අත්අඩංගුවට ගැනීමට නොහැකි වූයේ මන්දැයි  ගල්කිස්ස අතිරේක මහේස්ත්‍රාත්වරිය මීට පෙර ජනවාරි මාසයේදී මේ නඩුව කැඳවූ අවස්ථාවේ විමසා තිබුණාය.අපරාධ පරීක්ෂණ දෙපාර්තමේන්තුව විසින් මෙම නඩුව හා සම්බන්ධ 11 වන හා 12 සැකකරුවන් ලෙස නම් කර ඇති මෙම විශ්‍රාමික සෙබළුන් දෙදෙනා අත් අඩංගුවට ගෙන අධිකරණයට ඉදිරිපත් කරන ලද්දේ ඉන් අනතුරුවය.මේ වන විට හිටපු යුද හමුදා බුද්ධි ප්‍රධානී අමල් කරුණාසේකර යුද හමුදා බුද්ධි අංශයේ මේජර් ප්‍රභාත් සීවලී බුලත්වත්ත ඇතුළු සැකකරුවන් දහ දෙනෙකු මේ වන විටත් ඇප මත මුදා හැර සිටී.ඒ අතරේ...