අපි මහජන උපයෝගිතා කොමිෂමේ සභාපති ජනක රත්නායකට එරෙහි වන්නේ නෑ .පොදුජන පෙරමුණු මන්ත්‍රී කණ්ඩායමක් මහින්ද රාජපක්ෂට පවසති

 

මහජන උපයෝගිතා කොමිෂමේ සභාපති ජනක රත්නායක එම තනතුරෙන් ඉවත් කිරීම සඳහා ආණ්ඩුවට පාර්ලිමේන්තුවට ගෙන ඒමට සැළසුම් කර ඇති යෝජනාවට පක්ෂව තමන් ඡන්දය ප්‍රකාශ නොකරන බව පොදු ජන පෙරමුණේ මන්ත්‍රීවරුන් පිරිසක් මහින්ද රාජපක්ෂ මහතාට දන්වා තිබේ.ජනක රත්නායක පොදුජන පෙරමුණ ගොඩ නැගීම සඳහා විශාල මෙහෙවරක් කළ අයකු බවද  මහජන උපයෝගිතා කොමිෂමේ සභාපති වරයා ලෙස ඔහු පසුගියදා පෙනී සිටියේ විදුලි බිල වැඩි නොකර ජනතාවට සහනයක් අත්වන ආකාරයට විදුලිය බෙදාහැරීම පවත්වාගෙන යාමටත් බව එම මන්ත්‍රීවරුන් එහිදී මහින්ද රාජපක්ෂ හට පෙන්වා දී තිබේ.එහෙත් මේ වන විට ජනපති රනිල් රාජපක්ෂගේ ඔඩොක්කු කුක්කකු බවට පත් වී සිටින කාංචන විජේසේකර හා ජනපති උපදේශක සාගල රත්නායක එක්ව විදුලිය හා දූෂිත ගනුදෙනු පවත්වාගෙන යමින් මහජන උපයෝගිතා කොමිෂමේ සභාපති වරයා එම තනතුරෙන් එලවා දැමීමට සැළසුම් කර ඇතැයිද පොදු ජන පෙරමුණේ මන්ත්‍රී කණ්ඩායම එහිදී වැඩිදුරටත් කියා ඇත.  




මහජන උපයෝගිතා කොමිෂමේ සභාපති වරයා⁣ට එරෙහිව පාර්ලිමේන්තු  යෝජනාව සම්බන්ධයෙන් පවත්වන විවාදය අනතුරුව පවත්වන ඡන්ද විමසීමේදී පොදුජන පෙරමුනු මන්ත්‍රීවරයින් දක්වන ⁣විරෝධය  එම යෝජනාව සම්මත කිරීම කෙරෙහි බලපෑමක් ඇති විය හැකි බව දේශපාලන විචාරකයන්ගේ මතය වී තිබේ. 

•