හිටපු ඡෙ.පො.අධිකාරී ශානි අබේසේකර ගැන කෙටි සටහනක්
.png)
"....ශානි අබේසේකර එයාට හිතෙන එකට හරියන්න විමර්ශනය කරනවා.ඒ ගැන මේ රටේ රාජ්‍ය නොවන සංවිධාන ප්‍රශ්ණ කරන්නේ නැහැ.යුද්දය කරපු අයවයි,නාවුක හමුදාපතිවයි,බුද්ධි අංශය හිරේ දාන්නයි,මාව හිරේ දාන්නයි.එච්චර විතරක් නොවෙයි ඒ ගොල්ලො කොහොමද මගේ නම කියන්නෙ කියල බල කරපු නිළධාරීන් රාජ්‍ය නොවන සංවිධාන ඒවා ප්‍රශ්ණ කරන්නේ නැහැ.."මිල්ටෙරි නන්දසේන 2019 නොවැම්බර් 24 වනදා සංඝයා වහන්සේලා පිරිසක් හමුවට ගොස් ශානි අබේසේකරට එරෙහිව මෙලෙස අදහස් ප්‍රකාශ කර තිබුණි.ඒ වන විට ඡ්‍යෙෂ්ඨ පොලිස් අධිකාරී ශානි අබේසේකර අපරාධ පරීක්ෂණ දෙපාර්තමේන්තුවේ අධ්‍යක්ෂවරයා ලෙස වසීම් තජුඩීන් ඝාතනය,කොළඹ හා තදාසන්න ප්‍රදේශවල ශිෂ්‍යයන් 11 දෙනෙකු කප්පම් ගැනීමේ අපේක්ෂාවෙන් පැහැර ගෙන ගොස් අතුරුදන් කිරීම,මාධ්‍යවේදී එක්නැලිගොඩ අතුරුදන් කිරීම, නියෝජ්‍ය පොලිස්පති වාස් ගුණවර්ධන විසින් සිඳු කළ ව්‍යාපාරික ශ්‍යාම් ඝාතනය ආදී මෙරට ආන්දෝලනාත්මක අපරාධ ගණනාවක් සම්බන්ධයෙන් විමර්ශන කරන ලදී .එහිදී එම අපරාධ සිදුවීම් පිළිබඳව මිල්ටෙරි නන්දසේනගෙන්ද ,බස්නාහිර පලාත බාරව ඡෙ.නි.පො දේශබන්දු තෙන්නකෝන් ගෙන් ඇතුළු ප්‍රභූ පිරිසකගෙන් ප්‍රකාශ සටහන් කර ගැනීමට ශානි අබේසේකර කටයුතු කර තිබුණි.2019 වර්ෂයේ නොවැම්බර් මාසයේ පැවැති ජනපතිවරණයෙන් ජයග්‍රහණය කළ මිල්ටෙරි නන්දසේන ජනපතිවරයා වශයෙන් දිවුරුම් දීමෙන් පැය 48 ක් ඇතුළත ශානි අබේසේකර අපරාධ පරීක්ෂණ දෙපාර්තමේන්තුවේ අධ්‍යක්ෂ ධුරයෙන් ඉවත් කර ගාල්ල නියෝජ්‍ය පොලිස්පතිවරයාගේ පෞද්ගලික සහකාර ලෙස පත් කරනු ලැබීය .
ඉන් අනතුරුව ශානි අබේසේකරගේ වැඩ තහනම් කළ අතර එම වැඩ තහනමෙන් අවුරුදු 03 ක් ගෙවී ගොස් තිබියදීත් ඔහුට එරෙහිව චෝදනා පත්‍රයක් ලබා දී නොතිබිණි.පසුව පරිපාලන අභියාචනා විනිශ්චයාධිකාරය ශානි අබේසේකරට වහාම වැටුප් ගෙවන ලෙස නියෝග කරන ලදී.
2020 අගෝස්තු පැවැති මහ මැතිවරණයට දින කිහිපයක් තිබියදී 2020 ජුලි 31 වනදා ශානි අබේසේකර අත් අඩංගුවට ගත් අතර එසේ ඔහු අත් අඩංගුවට ගන්නා ලද්දේ ඡෙනිපො දේශබන්දු තෙන්නකෝන්ගේ අධීක්ෂණය යටතේ තිබූ කොළඹ අපරාධ කොට්ඨාශය මගිනි.සැක පිට බන්ධනාගාර ගත කර තිබියදී ශානි අබේසේකරට කෝවිඩ් වැළඳුන අතර හෘද රෝගී තත්වයක්ද මතුවී තිබුණද බන්ධනාගාරයේදී ඔහුට සුදුසු ප්‍රතිකාර ලබා නොදීම නිසා මානව හිමිකම් කොමිෂමේ මැදිහත් වීමෙන් අවශ්‍ය ප්‍රතිකාර ලබා දීම සිඳු කෙරිණි.ඉන් පසු ඔහුට හෘද සැත්කමක් සිදු කරන ලද අතර එම සැත්කම සිදු කිරීමෙන් පසුව වෛද්‍ය අධීක්ෂණය යටතේ නේවාසිකව ප්‍රතිකාර ලැබිිමට ඉඩ නොතබා නැවත බන්ධනාගාරය වෙත රැගෙන යන ලදී.මෙම සියලු කෙනෙහිළිකම් වලින් අනාවරණය වූයේ ශානි අබේසේකර ගේ ජීවිතය අවදානමට ලක් කිරීම රාජ්‍ය බලධරයන්ගේ අවශ්‍යතාව වූ බවය.මේ පිළිබඳව අවධානය දැක්වූ තරුණජනමාධ්යවේදීන් ගේ සංගමය බන්ධනාගාරයේදී ශානි අබේසේකරට ආරක්ෂාව සපයන ලෙසට මහජන පෙත්සමකට අත්සන් ලබා ගැනීම සංවිධානය කෙරිණි.ඒ අතරතුර කාලයේදී විශ්‍රාමික විනිසුරු උපාලි අබේරත්නගේ සභාපතිත්වයෙන් යුතු දේශපාලන පලිගැනීම් කොමිසමක් ජනාධිපති මිල්ටරි නන්දසේන පත් කරන ලද අතර එම කොමිසම ශානි අබේසේකර ගේ අධීක්ෂණයෙන් අත් අඩංගුවට ගත් අපරාධකරුවන් මුදා හැරීමටත් ශානි අබේසේකරට එරෙහිව නඩු පැවරීමටත් නිර්දේශ කෙරුවේය.මාස 10 කට වැඩි කාලයක් සැක පිට බන්ධනාගාර ගත කර සිටි ශානි අබේසේකරට ඇප ලබා දීම ගම්පහ මහාධිකරණ විනිසුරු ප්‍රතික්ෂේප කරන ලද අතර අනතුරුව ඇප ලබා ගැනීමට ප්‍රතිශෝධන පෙත්සමක් අභියාචනාධිකරණයට ඉදිරිපත් කිරීමට ඔහුගේ බිරිඳ කටයුතු කෙරුවාය.එම පෙත්සම සළකා බැලූ අභියාචනාධිකරණය නියෝග කරන ලද්දේ ශානි අබේසේකරට එරෙහිව ඉදිරිපත් කර ඇති චෝදනා සියල්ල ගොතන ලද අසත්‍ය චෝදනා බව පෙනී යන බැවින් ඔහු ඇප මත මුදා හරින ලෙසය.එම අධිකරණ නියෝගය පරිදි ශානි අබේසේකරට ඇප ලැබුණි.2021 ජුනි මාසයේදී ශානි අබේසේකර විශ්‍රාම ගත අතර ඔහුගේ විශ්‍රාම වැටුප ගෙවීම කිසිදු විමර්ශනයකින් තොරව අත්හිටුවා තිබුණි.ශානි අබේසේකර විශ්‍රාම යාමෙන් පසුව 2021 ජුනි මස 31 වනදා ඡ්‍යෙෂ්ඨ නියෝජ්‍ය පොලිස්පති දේශබන්දු විසින් ඔහුගේ ෆේස්බුක් ගිණුම තුළින් ශානි අබේසේකරට එරෙහිව ද්වේෂ සහගත පෝස්ටුවක් ප්‍රකාශයට පත් කරන ලදී.ශානි අබේසේකර 1986/02/10 වන දින උප පොලිස් පරීක්ෂකවරයකු ලෙස ශ්‍රී ලංකා පොලීසියට බැඳී ඇත.අපරාධ පරීක්ෂණ දෙපාර්තමේන්තුවේ එවකට නියෝජ්‍ය පොලිස්පති ගේ විශේෂ ඉල්ලීමකට අනුව ඔහු එම දෙපාර්තමේන්තුවට පත් කිරීමට පෙර පොලිස් සේවයේ වසර 34ක සේවා කාලය තුළ ජනපති ආරක්ෂක අංශයේ පොලිස් විශේෂ කාර්ය බලකායේ,ප්‍රභූ ආරක්ෂක අංශයේ ,විවිධ තනතුරුවල සේවය කර ඇත.අපරාධ පරීක්ෂණ දෙපාර්තමේන්තුවේ අධ්‍යක්ෂ ධුරයට පත් ඔහු 2019 ජනපතිවරණයෙන් පසුව 2019/11/21 දින ගාල්ල නියෝජ්‍ය පොලිස්පතිවරයාගේ පුද්ගලික සහකාර ලෙස ස්ථාන මාරු කරන ලදී.වසර 34 කට වැඩි සේවා කාලය තුළ හිටපු ජනපතිනි චන්ද්‍රිකා බණ්ඩාරනායක 1999 දී ඝාතනය කිරීමට තැත් කිරීම ඇතුළු ඉහළ පෙලේ සිද්ධි ගණනාවක් විමර්ශනය කිරීමට සැකකරු ශානි අබේසේකර ක්‍රියාකාරීව සම්බන්ධ විය.2001 දී කටුනායක ජාත්‍යන්තර ගුවන් තොටුපොළට එල්ල කළ එල්ටීටී ප්‍රහාරය 2005 දී රෝයල් පාර්ක් හිදී ඉවෝන් ජොන්සන් ඝාතනය,2008-2009 දී නාවුක බුද්ධි අංශ විසින් තරුණයන් 11 දෙනෙකු පැහැර ගෙන ගොස් අතුරුදන් කිරීම ,2009 දී අඟුලාන ද්විත්ව ඝාතනය,2010 දී මාධ්‍යවේදී ප්‍රගීත් එක්නැලිගොඩ පැහැරගෙන ගොස් අතුරුදන් කිරීම ඒ අතර ප්‍රධාන වේ.තවද,පාස්කු ඉරිදා බෝම්බ ප්‍රහාරය සම්බන්ධයෙන් විමර්ශනය අගය කරමින් ශානි අබේසේකරට ජාත්‍යන්තර පොලීසියේ ලේකම් විසින් ප්‍රශංසා සහතිකයක් ප්‍රදානය කරන ලදී.ඔහු මිනීමැරුම් නඩු 20 කට අධික සංඛ්‍යාවක් ඇතුළුව නඩු 100 කට අධික සංඛ්‍යාවක නඩු පැවරීමට අදාල ප්‍රධාන සාක්ෂිකරු විය.
.png)
Could the law abiding citizens of Sri Lanka mobilize a petition to see Mr Shani is paid his back wages and pension with immediate effect?and Shouldn’t we take the AG to task & sue him for Arbitrary detention?
ReplyDelete