පසුගියදා දළදා පෙරහැරේ සිඳුවූ අලි කුලප්පුව ආණ්ඩුවේ මලගම ගැන අනාවැකියක්ද ?

 

මේ කතාවේ පෙල ගැස්ම විස්වාස කරන්නට බැරිය.විද්‍යාත්මකව එය මෙසේ සිදුවන්නට ඇතැයි තහවුරු කරන්ටද නොහැකිය.එහෙත් මෙහි සඳහන් කර ඇති ආකාරයට සියල්ල සිඳුවී ඇති බව දේශපාලනිකව තොරතුරු දන්නා අයට අමුතුවෙන් සඳහන් කළ යුතු නැත. මේ සිද්ධි දාමයේ පවතින සම්බන්ධතාව පිළිබඳව සිතන්නෙකුට නලල රැලි ගන්වන විමතිය මිස වෙනත් තීරණයකට එළඹිය හැකි නොවේ.ඒ තරමටම මෙය අද්භූත සිඳුවීමකි.




1959 වර්ෂයේ අගෝස්තු මාසයේ දළදා පෙරහැරේ ගමන් ගත් රාජා නැමති හස්ති රාජයා කුලප්පු වී ඇති කළ කලබලයෙන් පෙරහැර නැරඹීමට පැමිණි පහලොස් දෙනෙක් මරණය පත් වී 120 ක් පමණ තුවාල ලැබීමෙන් රෝහල් ගත කර තිබේ. කුලප්පු වු රාජා හස්තිරාජයා පොලීසිය විසින් වෙඩි තබා මරා දැමුණි.මෙහි ඡායාරූපයේ ඇත්තේ වෙඩි තබා මරා දමන ලද එම හස්තිරාජයා බිම වැටී සිටි අයුරුය.




1959 වසරේ සැප්තැම්බර් මාසයේ මෙරට අගමැතිවරයා ලෙස කටයුතු කළ එස්.ඩබ්.ආර්.ඩී.බණ්ඩාරනායකට වෙඩි තබා ඝාතනය කරන ලදී




ඊළඟට 1976 වර්ෂයේ අගෝස්තු මාසයේ දළදා පෙරහැරට සම්බන්ධ පත්තිනි දේවාල පෙරහැරේ ගමන් ගත් හස්තිරාජයකු කුලප්පු වී කලබල කීරීම නිසා ඒ හස්තිරාජයාටද පොලීසිය විසින් වෙඩි තැබිණි.




ඉන් වසරක⁣ට පසුව 1977 වර්ෂයේදී මෙරට බලයේ සිටි සිරිමාවෝ බණ්ඩාරනායක ගේ ආණ්ඩුව පරාජයට පත් විය.එම පරාජයට පත් වීමෙන් පසුව අගමැතිණිය ලෙස කටයුතු කළ සිරිමවෝ බණ්ඩාරනායකගේ ප්‍රජා අයිතිය පවා අහිමි කෙරිණි.ශ්‍රී ලංකා නිදහස් පක්ෂයට හිමි වූයේ මන්ත්‍රී ආසන 8 ක් පමණය.




දළදා පෙරහැරක අලි කුලප්පු වූ ඊළඟ වර්ෂය වූයේ 1992 වර්ෂයයි.ඒ හස්තිරාජයා කුලප්පු වූයේ පෙරහැර ගිය මාර්ගයේ වැටී තිබූ ගිණි අඟුරු පෑගී පාද පිළිස්සීම නිසාය.




ඉන් වසරකට පසුව මෙරට ජනපතිවරයා වූ රණසිංහ ප්‍රෙමදාස මහ පාරේදී බෝම්බ ප්‍රහාරයකට ලක් විය.





2014 වර්ෂයේදී දළදා පෙරහැරේ ගමන් ගත් අලි කුලප්පුවීමක් සිඳුවිය.ඒ කරඬුව දෙපස දෑලේ ගමන් ගත් බුරුම රාජා හා ඉන්දිරාජා අතර ඇතිවූ කෝළහලයයි.අනතුරුව දෑලේ ගමන් ගත් එම හස්තිරාජයන් පෙරහැරෙන් ඉවත් කර නැදුන්ගමුවේ රාජා පමණක් කරඬුව ගෙන ගිය බව වාර්තා වී තිබේ.




එම පෙරහැර සිඳු කළ වර්ෂයෙන් පසු එළඹි 2015 වර්ෂයේදී මෙරට ප්‍රබල දේශපාලන චරිතයක් ලෙස ජනතා ආකර්ශනය හිමි කර ගනිමින් රට පාලනය කළ මහින්ද රාජපක්ෂ පරාජයට පත් වූයේ කිසිවෙකුත් නොසිතූ ආකාරයටය.




2021 වර්ෂයේ පැවැති දළදා පෙරහැරේද අලි කුලප්පුවක් සිදු විය.එම අලි කුලප්පුව සිදුවී එළඹුන 2022 වසරේදී ජනපති ගෝඨාභය රාජපක්ෂට සිය තනතුර අත්හැර පලායාමට සිඳුවිය




මේ 2023 වර්ෂයයි.පසුගියදා පැවති දළදා පෙරහැරේද අලි කුලප්පුවක් සිදු වූ බව කාට කාටත්  දැක ගන්නට හැකි විය.




ඊළඟ එළඹෙන වසරේදී.....මෙරට රාජ්‍ය පාලනයේ නායකයාට කවර ආකාරයේ ඉරණමකට ගොදුරු විය හැකිද යන්න ගැන අපට අනාවැකි කියන්නට නොහැකිය.එහෙත් දළදා පෙරහැරේ අලි කුලප්පු වූ සෑම වසරකම රටේ රාජ්‍ය නායකයාට ඉතා අවාසනාවන්ත ඉරණමක් අත් වී ඇති බව මෙම සිද්ධි දාමය කියවන අයෙකුට සිතට ආ හැකිය.