බාල බෙහෙත් ගෙන්වා රෝගීන් මරා දැමූ ඇමති කෙහෙළිය රඹුක්වැල්ලට පොලීසිය බය වෙලා
මෙරට පාලකයන් සිටින්නේ නීතියට ඉහළින් බව ජනතාවට හැඟී යන බොහෝ අවස්ථාවන් පසුගිය කාලයේදී දැක ගත හැකි විය.එවැනිම අත්දැකීමක් මේ වන විට ජනතාවට දැක ගන්නටද පුළුවන් වී තිබේ.ඒ සෞඛ්‍ය අමාත්‍යංශය විසින් මිලදී ගත් ව්‍යාජ ඉමියුනෝග්ලොබියුන් පිළිබඳව පවතින අධිකරණමය විභාගයේදී අනාවරණය වෙන තොරතුරු නිසාය.මේ සම්බන්ධයෙන් මාලිගාකන්ද මහේස්ත්‍රාත් අධිකරණය හමුවේ පැවැත්වෙන නඩුවිභාගයේදී මහේස්ත්‍රාත් ලෝචනී අබේවික්‍රම අපරාධ පරීක්ෂණ දෙපාර්තමේන්තුවට නියෝග කරන ලද්දේ එම එන්නත් වංචාව සිඳු කරන ලදැයි පොලිස් පරීක්ෂණවලදී හෙළි වූ සියලු පුද්ගලයන් තරාතිරම නොබලා අත් අඩංගුවට ගන්නා ලෙසය.
එහෙත් මෙම එන්නත සැපයූ සැපයුම්කරු ,අමාත්‍යංශයේ හිටපු ලේකම්වරයා හා වෛද්‍ය සැපයුම් අංශයේ කිහිප දෙනෙකු අත් අඩංගුවට ගත් නමුත් සෞඛ්‍ය අමාත්‍යංශයේ හිටපු ඇමති කෙහෙළිය රඹුක්වැල්ල අත් අඩංගුවට ගන්නවා තබා ප්‍රශ්ණ කිරීමටවත් කැඳවූයේ නැත.ඒ අතර හිටපු සෞඛ්‍ය අමාත්‍ය කෙහෙළිය රඹුක්වැල්ල සීඅයිඩීය තම නිල නිවසට ගෙන්වා ප්‍රකාශයක් ලබා දුන් බව පසුගියදා මාධ්‍ය මගින් වාර්තා කෙරිණි.මේ වන විටත් පොලිස් පරීක්ෂණ වලට අනුව මෙම එන්නත් මිලයට ගැනීමේදී සෞඛ්‍ය අමාත්‍යංශයේ හිටපු ලේකම් වරයා පෞද්ගලිකව මැදිහත් වූ බවට නීතිපති දෙපාර්තමේන්තුව අධිකරණයට දන්වා තිබේ.නීතිපති දෙපාර්තමේන්තුව අධිකරණය වෙත එම තොරතුරු හෙළි කිරීමෙන් පසුව සීඅයිඩීය සෞඛ්‍ය අමාත්‍යංශයේ ලේකම් අත් අඩංගුවට ගත්තේ නොකර බැරි කමට වාගේය.දැන් හිටපු සෞඛ්‍ය අමාත්‍යංශ ලේකම්වරයා ඉන්නේ බන්ධනාගාරයේය.සෞඛ්‍ය වෘත්තීය සමිති හා සිවිල් සමාජ ක්‍රියාකාරිකයන් මෙතෙක් හෙළි කර ඇති තොරතුරු අනුව හා සීඅයිඩී පරීක්ෂණ වලින් පසුව අත්අඩංගුවට ගන්නා ලද සැකකරුවන් ලබාදී ඇති කට උත්තර වලට සඳහන් තොරතුරු අනුව සෞඛ්‍ය අමාත්‍යංශයේ හිටපු ලේකම්වරයා අත් අඩංගුවට ගෙන රිමාන්ඩ් බන්ධනාගාර ගත කිරීමෙන් මෙම එන්නත් වංචාව අවසන් විය යුතු එකක් නොවන බව පැහැදිලිය.ඉන්දීය ණය යෝජනා ක්‍රමය යටතේ ප්‍රමිතියෙන් තොර බාල ඖෂධ ගෙන්වීම පිළිබඳව සෞඛ්‍ය වෘත්තීය සමිති හා සිවිල් සමාජ ක්‍රියා කාරිකයන් චෝදනා කරන අවස්ථා වලදී හිටපු සෞඛ්‍ය අමාත්‍ය කෙහෙළිය රඹුක්වැල්ල ඒ දින වල රූපවාහිනී වැඩ සටහන් වලට පැමිණ මදාවිකර චන්ඩියකු විදියට ප්‍රකාශ කරන ලද්දේ ටෙන්ඩර් පරිපාටියෙන් බැහැරව ලියා පදිංචි නොවූ සමාගම්වලින් එම ඖෂධ ගෙන්වීම තමන්ගේ අනුමැතිය හා නියෝග මත සිඳු කරන ලද බවය.මේ සඳහා කැබිනටි මණ්ඩල අනුමැතිය පවා ලබා ගත් බව හෙළි වී තිබේ.හිටපු සෞඛ්‍ය ලේකම් වරයා තනි මතයට සෘජු තීරණ ගත් අයකු නොවන බවත් ඔහු සියලු තීරණ ගන්නා ලද්දේ ඇමතිවරයාගේ ඕනෑ එපාකම් අනුව බවත් සෞඛ්‍ය වෘත්තීය වේදීන්ගේ විද්වත් සංගමයේ රවි කුමුදේශ් පවසා සිටී.පසුගියදා සීඅයිඩීයට කැඳවූ වෛද්‍ය බෙල්ලන එහි පැය පහක කාලයක් ප්‍රකාශ ලබා දීමෙන් අනතුරුව මාධ්‍ය වෙත කියා සිටියේ දැනට අත් අඩංගුවේ පසුවන හිටපු සෞඛ්‍ය ලේකම් වරයා සිදු වූ දෙය හෙළි නොකරන්නේ නම් ඔහු සිය කැමැත්තෙන් මරණ දඬුවම තෝරා ගෙන ඇති බවට තමන් කල්පනා කරන බවය.පසුගියදා මාලිගාවත්ත මහේස්ත්‍රාත් අධිකරණයේ මේ නඩුව විභාගයට ගත් අවස්ථාවේදී රහස් පොලීසිය වෙනුවෙන් පෙනී සිටි නියෝජ්‍ය සොලිස්ටාර් ලක්මිණි ගිරහාගම කරුණු දක්වමින් එවකට හිටපු සෞඛ්‍ය අමාත්‍ය කෙහෙළිය රඹුක්වැල්ල අමාත්‍ය මණ්ඩලයට කැබිනට් සංදේශ තුනක් ඉදිරිපත් කර ඇති බවත් එම සංදේශ සැකකාර සෞඛ්‍ය අමාත්‍යංශයේ හිටපු ලේකම් වරයාගේ අවධානයට ලක් කර ඇති බව කියමින් කළ ඉල්ලීමක් පිළිගත් මහේස්ත්‍රාත්වරිය අදාල සියලු අමාත්‍ය මණ්ඩල පත්‍රිකා ඇමිනුම් හා තීරණ රහස් පොලීසියට බාර දෙන ලෙසට අමාත්‍ය මණ්ඩල ලේකම් වරයාට නියම කෙරුවාය.එහිදී මෙම නඩුවේ පළමු සැකකරු වන අයුසලේට් බයෝටෙක් සමාගමේ හිමිකරු වන සුගත් ජනක ප්‍රනාන්දු නැමැත්තාගේ ගිනුමට ලැබුණ රුපියල් ලක්ෂ 1444 ක මුදල වහා ලබා ගැනීම පිළිබඳව කටයුතු කරන ලෙස සීඅයිඩීයේ නීති විරෝධී වත්කම් විමර්ශන අංශය පරීක්ෂණ ආරම්භ කර ඇතැයිද නියෝජ්‍ය සොලිස්ටර් ලක්මිණි ගිරහාගම ගම අධිකරණයට කළ අනාවරණය අනුව ලබන ජනවාරි 09 වෙනිදාට පෙර එහි ප්‍රගතිය අධිකරණයට දැනුම් දෙන ලෙසට නීති විරෝධී වත්කම් විමර්ශන අංශයේ ස්ථානාධිපති වරයාට මහේස්ත්‍රාත්වරිය නියෝග කෙරුවාය.එදින මාලිගාවත්ත මහේස්ත්‍රාත්වරිය ඉදිරියේ පැවැත්වුන නඩු විභාගයේදී පළමු සැකකරු වන ඖෂධ සමාගමේ හිමිකරු වෙනුවෙන් පෙනී සිටි ජනාධිපති නීතිඥ අනිල් සිල්වා, මෙම ගනුදෙනුවේදී මුදල් ගෙවීමට එපා කියා ඇමතිවරයා ලියුම එවන විට මුදල් ගෙවලා ඉවරයි.දැන් ඇමතිවරයා බේරෙන්න විවිධ දේවල් කරමින් සිටිනවා.ඒ වගේම ඇමතාවරයා හරි වාසනා වන්තයි.ඇමතිගේ ගෙදරට ගිහින් කට උත්තර ගන්නවා .අපි පාරෙදි අල්ල ගන්නවා.රහස් පොලීසිය ඇමතිට සුදු හුණු ගාලා අපි රිමාන්ඩ් කරනවා.අද හෙටම ඇමතිවරයා ශ්රේෂ්ඨාධිකරණයටමූලික අයිතිවාසිකම් නඩුවක් දාලා හරි රිට් පෙත්සමක් දාල හරි මෙම උසාවියට එන එක නවත්වා ගනීවි යැයි අධිකරණයට කියා සිටියේය.පළමු සැකකරු වෙනුවෙන් පෙනී සිටි නීතිඥ ජාලිය සමරසිංහ අධිකරණයට කියා සිටියේ තම සේවාදායකයා කට උත්තර ලබා දීමේදී මේ ගනුදෙනුවට ඇමතිවරයා සම්බන්ධ බවට හෙළි කර සිටියද සීඅයිඩී නිළධාරීන් එම තොරතුරු ලියා ගැනීම ප්‍රතික්ෂේප කරන ලද බවය.එහිදී මහේස්ත්‍රාත්වරිය අධිකරණය අමතා අවශ්‍ය නම් පළමු සැකකරුට අධිකරණයට ප්‍රකාශයක් ලබා දීමට හැකියාවක් පවතින බවද එසේත් නැතහොත් රහස් පොලීසියට නැවත ප්‍රකාශයක් ලබා දීමට හැකියාවක් ඇති බවද පැවසුවාය.ඒ අනුව පළමු සැකකරු විසින් සීඅයිඩීයට නැවත ප්‍රකාශයක් දීමට කැමති බවද ප්‍රකාශ කරන ලදී.මෙම නඩු විභාගයේදී අනාවරණය වූ කරුණු අතරින් විශේෂිතම තොරතුර වන්නේ ජනාධිපති නීතිඥ අනිල් සිල්වා අධිකරණ වෙත සිඳු කරන ලද ප්‍රකාශයයි.ඒ අද හෙටම ඇමතිවරයා ශ්‍රේෂ්ඨාධිකරණයට මූලික අයිතිවාසිකම් නඩුවක් දාල හරි නැතිනම් රිට් පෙත්සමක් දාල හරි මෙම නඩුවට ඔහු අත් අඩංගුවට ගැනීම වලක්වා ගන්නා බවට කළ හෙළි දරව් කිරීමය.ජනාධිපති නීතිඥ වරයා සිදු කළ ප්‍රකාශය සත්‍යය බව අපටත් විශ්වාස කළ හැකිය.මෙම නඩුවේ විත්තිකරුවකු ලෙස හිටපු සෞඛ්‍ය අමාත්‍ය කෙහෙළිය රඹුක්වැල්ල කෙසේවත් අත් අඩංගුවට නොගන්නා ලෙසට ඉදිරියේදී අභියාචනාධිකරණය හෝ ශ්‍රේෂ්ඨාධිකරණය නියෝග කරන බව නිසැකය.අළුත්කඩේ අසූචි ගලියේ හැටි අප හොඳින් දන්නා නිසා ඒ ගැන පුදුම වන්නට දෙයක්ද නැත.මෙපමණ කාලයක් අළුත්කඩේ මේ අසූචි ගලියෙන් මෙරට දේශපාලන බලවතුන් කෙරෙහි දැක්වූ සුවිශේෂී අනුග්‍රහය කෙහෙළිය රඹුක්වැල්ලට නොදැක්වුව හොත් එය මහ විශාල පුදුමයක් වනු ඇත්තේය.
.png)
Comments
Post a Comment