ශ්‍රීලනිප අර්බුදයේ හනුමන්තා සජින් වාස් ගණවර්ධන බව හෙළිවේ

 

පොදුජන පෙරමුණ කුඩු පට්ටම් කරන්නට සැළසුම් කළ රනිල් වික්‍රමසිංහ ඒ මෙහෙයුම ඉතා සාර්ථකව අවසන් කර තිබේ.මේ වන විට පොදු ජන පෙරමුණ ඇත්තේ යන එන මං නැති මායිමකය.එහි පාක්ෂිකයන් බොහෝ දෙනෙකුගේ විකල්පය ශ්‍රී ලංකා නිදහස් පක්ෂය බව රනිල් වික්‍රමසිංහ දනී.ඒ මන්ද යත් පොදු ජන පෙරමුණෙහි ජාන ඇත්තේ ශ්‍රී ලංකා නිදහස් පක්ෂය තුළ නිසාය.




රනිල් වික්‍රමසිංහ ⁣ඊළඟ ෂොට් එක දී ඇත්තේ ශ්‍රී ලංකා නිදහස් පක්ෂයටය.


මේ හෝරාව වන විට ශ්‍රී ලංකා නිදහස් පක්ෂය තුළ ඇවිලී ඇති ආරවුල ජනපතිවරණය දක්වා විසඳෙන පාටක් දකින්නට නැත.එය එසේ වුව හොත් එහි වාසිය තමන්ට ලබා ගැනීමට හැකි වෙනු ඇතැයි රනිල් වික්‍රමසිංහ කල්පනා කර ඇති බව පෙනී යයි.




ශ්‍රී ලංකා නිදහස් පක්ෂයේ මතු වූ අර්බුදය කවුරුත් නොදන්නා හා නොසිතන සැලසුමකින් නිර්මාණය කරන ලද අර්බුදයකි.එහි පිටුපස සිටින්නේ ජනපති රනිල් වික්‍රමසිංහ මිස වෙන කිසිවෙකුත් නොවේ.ඒ සඳහා රනිල් වික්‍රමසිංහ යොදා ගත් ඉත්තා වූයේ සජින් වාස් ගුණවර්ධනය.සජින් වාස් ගුණවර්දන යනු දියයටින් ගින්දර ගෙන යාමට තරමේ කපටියෙකි.මහින්ද රාජපක්ෂ ජනපතිවරයාගේ අවදියේ එක්සත් ජාතික පක්ෂයේ මන්ත්‍රීවරු දහ දොලොස් දෙනෙක් ආණ්ඩුවට කැන්දා ගෙන ඒමට ගේම ගැහැව්වේ සජින් වාස් ගුනවර්දනය.ඔහුට එවැනි ගේම් පිලිබඳව දක්ෂකමක් හා  අපූරු හැකියාවක් පවතී. 




ශ්‍රී ලංකා නිදහස් පක්ෂයේ අර්බුදය මතු වීමට පෙර රනිල් වික්‍රමසිංහ ඉතා රහසිගතව සජින් වාස් ගේ නිවසේ රහස් සාකච්ඡාවක් පැවැත්වූ බව අපට වාර්තා වී තිබුණි.රනිල් වික්‍රමසිංහ රාත්‍රී 7 ට පමණ සජින් වාස්ගේ නිවසට ගොස් ආපසු පිටව ගොස් තිබුණේ රාත්‍රී 2 ටය.මෙහිදී දෙදෙනා අතර සාකච්ඡා වූ දේ පිළිබඳව අපට දැන ගැන්මට නොලැබුණ නමුත් ඉන් පසුව මෙරට දේශපාලන භූමිය තුළ සිදු වෙමින් පවතින අර්බුදකාරී වටපි⁣ටාව තුළ ඒ ගැන යම් විනිශ්චයකට එළඹිය හැකිය.

මේ සාකච්ඡාවෙන් පසුව ශ්‍රී ලංකා නිදහස් පක්ෂයේ විදේශ කටයුතු සම්බන්ධීකරණ ලේකම් වරයා ලෙස පත් වීමට සජින් වාස් ගුණවර්දනට හැකි විය.ඒ මෛත්‍රීපාල සිරිසේනට සමීප වීමෙනි.





සජින් වාස් ගේම ඇරඹුවේ එතැන් සිටය.

කණේ සිට ඉහ කනවා කියා පැරැන්නන් පවසන්නේ මේ හැඩයේ ක්‍රියාකාරකම් වලටය.සජින් වාස් ශ්‍රීලනිපයේ සභාපති මෛත්‍රීපාලට සමීප වීම හා ඉන්පසු පක්ෂය තුළ මතු වෙන අර්බුද ගැන විමසිල්ලෙන් විමසන විට එහි පිටුපස පවතින කුමන්ත්‍රණ කාරී ස්වභාවය වටහා ගත හැකිය.මෙහිදී සජින් වාස් ඉන්නේ කිසිම දෙයක් නොදන්න බබා පාට් එකේය.එහෙත් පසුගිය දිනවල ඔහු දිගින් දිගටම ඇමති නිමල් සිරිපාල හමුවූ බවට අපට තොරතුරු ලැබී තිබුණි.හනුමන්තා මෙන් ශ්‍රීලනිපය තුළ ගිණි ඇවිලීම සඳහා සජින් වාස් මේ හැම පාර්ශවයක් අතරම ගැටුමක් නිර්මාණය කිරීමට සමත් විය.පසුගියදා හිරු සළකුණ වැඩ සටහනට පැමිනි දයාසිරි ජයසේකර මන්ත්‍රීවරයා ශ්‍රීලනිප අර්බුදය ජාත්‍යන්තර කුමන්ත්‍රණයක පුතිඵළයක් බව ප්‍රකාශ කරන ලද්දේ ⁣මේ ගැටුම පිළිබඳව සියළු තොරතුරු දැනුවත්ව බව සිතා ගත හැකිය.




ඇමති විජේදාස රාජපක්ෂ ශ්‍රීලනිප අර්බුදයේ කරළියට රැගෙන එන්නේද සජින් වාස් ගුණවර්දනය.විජේදාස රාජපක්ෂ ශ්‍රීලනිපයේ උප සභාපති ධුරයට පත් වූ දිනයේ පැවති මාධ්‍ය සාකච්ඡාවේ සජින් වාස් ගුණවර්දනට පක්ෂයේ ඉදිරිපෙල නායකයකු ලෙස පෙනී සිටීමේ වටිනාකම අත් වූයේ ඒ නිසාය.




මේ වන විට රනිල් වික්‍රමසිංහ ජනපතිවරයාගේ අරමුණ හා අපේක්ෂාව ඉටු වී ඇති බව අපට වැටහෙන්නේ ශ්‍රීලනිපය තුළ මතු වූ අර්බුදය සමනය නොවීමට තරමට පැතිරී යමින් තිබෙන නිසාය.සැබවින්ම මේ අර්බුදය ජනපතිවරණය දක්වා නිරාකරණය නොවන බව ස්ථිරය. හදිසියේවත් එවැනි වටපිටාවක් නිර්මාණය වුව හොත් සම්ප්‍රදායික ශ්‍රීලනිප පාක්ෂිකයා තමන්ගේ ඡන්ද ගොඩට එකතු කරගන්නට හැකි වෙනු ඇතැයි රනිල් වික්‍රමසිංහ කල්පනා කරනු ඇතැයි සිතිය හැකිය.එහෙත් ඒ සිතීම මේ මහ පොළවේ ඉටුු නොවන සිහිනයක් පමණි.එය වැඩි වාසය අත් වන්නේ ජාතික ජන බලවේගයට මිස අන් පක්ෂයකට නොවේ.සම්ප්‍රදායක ශ්‍රීලනිප පාක්ෂිකයා⁣ට එජාපය අරහංය. ඔහු ගේ විකල්ප දේශපාලනික ගණුදෙනුව පවතින්නේ වම සමගය.




කෙසේ වෙතත් ජනපති රනිල් වික්‍රමසිංහ සජින් වාස් ගුණවර්දන යොදා ගනිමින් ශ්‍රීලනිපය තුළ අර්බුදයක් ඇති කිරීම සඳහා කළ යටි බිම් ගත මෙහෙයුමේ පළමු අදියර සාර්ථකව අවසන් වී තිබේ.ඇතැම් විට ශ්‍රීලනිපයේ වැඩ බලන උප සභාපති වරයා ලෙස පත් කර ගත් විජේදාස රාජපක්ෂ සම්බන්ධ කර ගනිමින් ජනපතිවරයා සිය ඡන්දපදනම සකසා ගැනීමට ශ්‍රීලනිප පාක්ෂිකත්වය තුළට ඇතුළු වීමට පුළුවන.එහෙත් එය නිශ්චිතව කිව නොහැකි කාරණයකි.ඒ අමාත්‍ය විජේදාස රාජපක්ෂ යනු දේශපාලන ගේම් කාරයෙක් නිසාය.විවිධ ආකාරයේ හැඩයෙන් දේශපාලන උපාය උපක්‍රම වල යෙදෙන තක්කඩියෙක් වන ඇමති විජේදාස ගේ සැබෑ ස්වභාවය කෙසේ විය හැකිද යන්න නිශ්ච්තව වටහා ගත හැක්කේ ගෙවී යන කාලයත් සමගය.ඇතැම් විට ශ්‍රීලනිපයේ උප සභාපති වූ විජේදාස රාජපක්ෂ සම්ප්‍රදායික ශ්‍රීලනිප පාක්ෂිකයා දේශපාලනිකව නිශ්ක්‍රීය තත්වයට ගෙන ඒමටත් ඉඩ හැකියාව පවතී.







• 
  
• 
  
•