දූෂිත හමුදා ලොක්කෝ ජාතික ජන බලවේගයට එරෙහිව කුමන්ත්‍රණයක
.jpg)
ජනාධිපතිවරණ ප්‍රතිඵලය දේශපාලන සුනාමියක් වන බවට සතර දිසාවෙන් වාර්තා වන තොරතුරු වලින් පෙනී යයි.සාමාන්‍යයෙන් මැතිවරණයක අවසන් පුතිඵලය තුළ වෙනසක් ඇති කිරීමට හේතු වන්නේ පාවෙන ඡන්ද දායකයන් මිස දේශපාලන පක්ෂවල අරටු විසින් නොවේ.මේ වන විටත් මෙරට මැතිවරණ භූම්යේ ඉදිරියෙන් සිට්න්නේ ජාතික ජන බලවේගයයි.එය දිස්ත්‍රික් මට්ටමින් සංඛ්‍යාත්මකව ගණනය කළ විට ලැබෙන ප්‍රතිඵළයයි.මෙරට පාවෙන ඡන්ද දායකයන්ගේ ආකර්ශනය ජාතික ජන බලවේගයට හිමි වී තිබෙන බව ඇස් පනා පිට දකින්නට තිබේ.සමගි ජන බලවේගය වටා එක් වෙමින් සිටින්නේ එක්සත් ජාතික පක්ෂයෙන් බිඳී ගිය පාරම්පරික ඡන්ද සමූහයයි.එම භූමිය තුළ තාරුණ්‍ය නොමැති බව සමගි ජන බලවේගයේ මහජන රැළි වලට සහභාගිවන්නන් පිළිබඳව අවධානය දක්වන වන විට තහවුරු කර ගත හැකිය.අන්තර්ජාලය තුළද ජයග්‍රහණය හිමි ඇත්තේ ජාතික ජන බලවේගයේ නියෝජනය කරන පාර්ශවයන්ටය.මින් අනාවරණය කෙරෙන ප්‍රකාශනයන් මෙරට පිහිටි ග්‍රාම සේවා වසම් 14022 තුළ විශාල පරිවර්තනීය බලපෑමක් එල්ල නොකරන නුමුත් එම ග්‍රාම සේවා වසම් සියල්ල ආවරණය කරගනිමින් ජාතික ජන බලවේගයේ සංවිධානගත වීම ඉතා ක්‍රමානුකූලව හා විධිමත්ව සිදු වෙමින් පවතින බව දකින්නට පුළුවන.එහිදී රාජ්‍ය සේවක යාන්ත්‍රණය හා ආරක්ෂක හමුදා පහල ඇවරිය ජාතික ජන බලවේගය වැළඳ ගෙන සිටී.කෙසේ වෙතත් යුද හමුදා බුද්ධි සේවාවන් වල සඳහන් වාර්තා වල දැක්වෙන්නේ ජාතික ජන බලවේගය තුළ ඇත්තේ සියයට විස්සක වර්ධනීය අගයක් බවය.මෙය ඉතා පුදුම සහගත තක්සේරු කිරීමකි.එය යුද හමුදා බුද්ධි සේවාව ජාතික ජන බලවේගයේ ජයග්‍රහණය අහිමි කිරීමට යම් කඩකප්පල්කාරී වැඩ පිළිවෙළක් සැලසුම් කරමින් සිටී දැයි සැකයක් මතුවන තරමේය.එසේ නැත හොත් සිහිය විකල් වූවකු හැර සිහි කල්පනාව නිරවුල් අයෙකු නම් මේ වන විට මෙරට දේශපාලනයේ හැසිරීම වටහා ගත යුතුය.එය රාජ්‍ය බුද්ධි යාන්ත්‍රණයටද අදාලය.ජාතික ජන බලවේගයේ රැස්වීම් සඳහා සහභාගිත්වය සිදුවෙමින් පවතින්නේ සෙවෙච්ඡාවෙන් හා කැමැත්තෙනි. වෙනත් දේශපාලන පක්ෂ රැස්වීමකදී සහභාගිත්වය සදහා ලබා දෙන කෑම බීම හා මත්පැන් ජාතික ජන බලවේගයේ රැස්වීමකදී නොලැබේ.මේ වන විටත් ජාතික ජන බලවේගය පවත්වා ඇති රැස්වීම් සමූහයත් විවිධ ක්ෂේත්‍රයන් සංවිධාන ගත කර පිහිටුවා ඇති මැතිවරණ ජාලයත් ඉතා ප්‍රබලය.එම මැතිවරණ ජාලය තුළින් ප්‍රකාශිත දේශපාලන පක්ෂපාතිත්වය ජනපතිවරණ ඡන්ද ප්‍රතිඵළයට සෘජුව බලපෑමක් වන බව නිසැකය.යුද හමුදාා බුද්ධි සේවාව ජාතික ජන බලවේගයේ වර්ධනය ඉතා සැහැල්ලුවට ගණනය කරමින් සිටින්නේ ජනපතිවරණ අවසන් ඡන්ද ප්‍රතිඵළයට හමුදාමය බලපෑමක් එල්ල කර එය වෙනස් කිරීමේ සැළසුමක් මතද යන්න ගැන ඇතිවන සැකය තවදුරටත් අවිශ්වාසයක් මතුවන්නේ ආරක්ෂක අමාත්‍යංශ ලේකම් කමල් ගුණරත්න මන්ත්‍රීවරුන්ට හට රිපීටර් අවි දෙකක් හා පතුරම් නිකුත් කිරීමට අමාත්‍ය මණ්ඩල අවසරය ලබා ගෙන ඇති නිසාය.යුද හමුදාවේ ඉහළ ඇවරිය අන්ත දූෂිතය.මේ වන විට එම නියෝජනයන් සම්බන්ධ වී සිටින්නේ රනිල් වික්‍රමසිංහගේ පාර්ශවයන් සමගය.මෙම හමුදා දූෂිතයන් දේශපාලනික වෙනසකට කිසි සේත්ම මනාපයක් නැති බව අමුතුවෙන් සඳහන් කළ යුතු නැත.රාජපක්ෂවරුන් සමග කළ අපරාධ සදහා සෘජුවම සම්බන්ධව සිටියේ හමුදා බුද්ධි සේවයේ ඡ්‍යෙෂ්ඨයන් හා ගජබා රෙජිමෙන්තුවයි.මහින්ද රාජපක්ෂ හා මෛත්‍රීපාල සිරිසේන අතර පැවැති ජනපතිවරණයේදී සිරිසේන පාර්ශවය ජයග්‍රහණය කරමින් පවතින අවස්ථාවේ රාජගිරිය මැතිවරණ කාර්යාලය වෙත විශේෂ කාර්ය බලකාය හා ගජබා රෙජිමෙන්තුව අනීතිකව ඇතුළු වීමට ගත් උත්සාහය නතර කරන ලද්දේ එවකට මැතිවරණ කොමසාරිස් වූ මහින්ද දේශප්රිය වේ.
එය එසේ නොවුනාම් හමුදා බලපෑම හා අත පෙවීම මත එහි අවසන් ඡන්ද ප්‍රතිඵළය බොහෝ දුරට වෙනස් වන්නට ඉඩ තිබුණි.ඉන් අනතුරුව මහින්ද රාජපක්ෂ පරාජයට පත් වී ඇති බවට නිවේදනය කිරීමෙන් පසුවද රාජපක්ෂ පාර්ෂවයේ සැළසුම වූයේ තවදුරටත් බලයේ රැඳී සිටීමටය.ඒ සඳහා ශ්‍රේෂ්ඨාධිකරණ නියෝගයක් ලබා ගැනීමට පවා කුමන්ත්‍රණය කෙරිණි.එහෙත් එම කුමන්ත්‍රණකාරී සැළසුම අගවිනිසුරු ,යුද හමුදාපති හා පොලිස්පති ගේ විරුද්ධතාව මත ව්‍යර්ථ විය.
ඉදිරි ජනපතිවරණයේ අවසන් ප්‍රතිඵලය සමග එවැනිම හැඩයේ කුමන්ත්‍රණයක් දියත් කිරීමට ආරක්ෂක අමාත්‍යංශයේ ලේකම් කමල් ගුණරත්න ජාතික බුද්ධි සේවාවේ අධ්‍යක්ෂ මේජර් ජනරාල් සලේ හා හමුදා බුද්ධි සේවාවේ මහතන්තිල වැන්නන් පසුබට නොවනු ඇත.ඔවුන් මේ වන විටත් ජාතික ජන බලවේගයේ වර්ධනය ඉතා පහල මට්ටක පවතින බවට වූ බුද්ධි වාර්තා සමාජගත කරමින් සිටින්නේ එම කුමන්ත්‍රණයේ මුල්පියවර ලෙස විය හැකිය.ජාතික ජන බලවේගයේ ජයග්‍රහණය දැන් අතඹුලක් සේ ස්ථිරය.එම ජයග්‍රහණය මෙරට මැතිවරණ ඉතිහාසයේ කිසි දිනක සටහන් නොවූ ප්‍රතිශතයක ස්ථාන ගත වන බවද පැහැදිලිය.එහෙත් ඒ ජයග්‍රහණය හා පරාජයේ බල හුවමාරුව අතර පවතින්නේ මාරාන්තික අවදානමකි.ජාතික ජන බලවේගයේ නායකයන් එම වටපිටාව පිළිබඳව දැන් සිටම අවධානය දැක්වීම හා හැදෑරිම කළ යුතු බව අපගේ අවවාදයයි.එහිදී ජනපතිවරණ ප්‍රතිඵළය නොසලකා හමුදා යාන්ත්‍රණය කටයුතු කිරීමට ප්‍රයත්නය දැරුවහොත් ඒ සදහා මුහුණ දීමට විකල්ප ක්‍රියා මාර්ගයන්ද ජාතික ජන බලවේගය සතුව විය යුතුය.
.png)
.png)
.png)
Comments
Post a Comment