සජින් වාස්ට තවමත් පොලිස් ආරක්ෂාව දීලා

 

මෙතෙක් කාලයක් ප්‍රභූ ආරක්ෂක රාජකාරිවල නිරතව සිටි පොලිස් නිළධාරීන් ආපසු ඇමති ආරක්ෂක කොට්ඨාශය වෙත වාර්තා කරන ලෙසට නියෝග නිකුත් කර තිබේ.

මේ නියෝග ලේඛනයේ හිටපු මැති ඇමතිවරුන්ට හා වෙනත් ප්‍රභූ වරුන් හට පොලීසිය විසින් ආරක්ෂාව සඳහා සපයන ලද පොලිස් නිළධාරීන් සංඛ්‍යාව සඳහන්ය.එහෙත් මෙහි සඳහන් නොමැති පොලිස් ආරක්ෂාව සපයන ප්‍රභූවරන්ද සිටින බවට අපට සැකයක් මතු වී තිබේ.ඒ මේ වන විටත් හිටපු පාර්ලිමේන්තු මන්ත්‍රීවරයකු වන සජින් ද වාස් ගුණවර්දන පොලිස් කොස්තාපල් වරුන් දෙදෙනෙකු ආරක්ෂාව සපයමින් සිටී.මේ පොලිස් කොස්තාපල් වරුන් දෙදෙනා ආපසු කැඳවා ඇති බවක් පෙනෙන්නට නැත.එසේ නම් ⁣ඇමති ආරක්ෂක කොට්ඨාශයේ අධ්‍යක්ෂවරයා සත්‍යය වසන් කරමින් රාජකාරි කරන බවට සැකයක් මතුවේ.

 හිටපු අමාත්‍යවරුන්ට ආරක්ෂාව සැලසූ පොලිස් නිළධාරීන් පවා ආපසු කැඳවා තිබියදී සජින් ද වාස් ගුණවර්දනට ආරක්ෂාව සලසන්නේ කවර හේතුවකටද යන්න ඇමති ආරක්ෂක කොට්ඨාශයේ අධ්‍යක්ෂ වරයා රටට පැහැදිලි කර දිය යුතුය.එය එසේ වන්⁣නා සේම මේ ආකාරයෙන් මේ වන විටත් තව දුරටත් පොලිස් ආරක්ෂාව සපයා දී ඇති අනෙකුත් හිටපු මැති ඇමති වරුන් හා ප්‍රභූවරුන් පිළිබඳවද ඇමති ආරක්ෂක කොට්ඨාශයේ අධ්‍යක්ෂ වරයා විසින් අනාවරණය කළ යුතුය

ගාල්ල දිස්ත්‍රික්කයේ පාර්ලිමේන්තු මන්ත්‍රීවරයකු ලෙස කටයුතු කරන අවදියේ ජනතා විමුක්ති පෙරමු⁣⁣ණේ ප්‍රබල ක්‍රියාකාරිකයකු වූ නයිදුවාවඩු ඝාතනය කරන ලදැයි සජින් ද වාස් ගුණවර්දනට එරෙහිව චෝදනා නැගිණි.එම ඝාතනයට සෘජුව සම්බන්ධ වූවන් අත් අඩංගුවට නොගෙන ඒ හා කිසිදු සම්බන්ධතාවක් නැති පුද්ගලයකු පොලීසියට බාර කිරීමෙන් සිය දේශපාලන බලය යොදවා සජින් ද වාස් ගුණවර්දන එම ඝාතන සැකකරුවන් වසන් කරන ලදී.මේ වන විටත් ඔහුගේ රියදුරු වශයෙන් කටයුතු කරන්නේ එම ඝාතනයට සම්බන්ධ තැනැත්තා බව හෙළි වී තිබේ.එසේම අම්බලන්ගොඩ නගරය ආශ්‍රිතව ඒ දිනවල සජින් වාස් ගේ ඩිපෙන්ඩර රථයකට යටවී කුඩා දරුවකුගේ කකුල බරපතල ⁣ලෙස තුවාල විය.එම  ඩිපෙන්ඩර රථය මෙරට ලියා පදිංචි රථයක් නොවූ නිසා සජින් වාස් ගුණවර්දන අම්බලන්ගොඩ රථවාහන පොලීසිය ලවා වෙනත් ජිප් රථයක අංකයක් එම අනතුර සදහා යොදවූ බවද වාර්තා වී තිබේ.මේ හේතූන් නිසා තව දුරටත් සජින් වාස් ගුණවර්දන හට තවදුරටත් පොලිස් ආරක්ෂාව ලබා දීමට ඇමති ආරක්ෂක කොට්ඨාශ අධ්‍යක්ෂවරයා තීරණය කරන්නට ඇතිද වන්න අපි නොදනිමු.