දේව ඉන්දුක ද සිල්වාට දෙයියන්ගේ පිහිටයි

 

පාස්කු ප්‍රහාරයේ විමර්ෂන වලට බාධා පමුනවන බවට මාධ්‍යවේදී තරිඳු ජයවර්ධනට එරෙහිව කරුණු වාර්තා කළ අපරාධ විමර්ෂන අංශයේ මිනීමැරුම් විමර්ශන ඒකකයේ  ස්ථානාධිපති දේව ඉන්දුක ද සිල්වා වහාම ක්‍රියාත්මක වෙන පරිදි පොලිස් මූලස්ථානය⁣ට මාරු කර යවා ඇති බව වාර්තා වේ.




කුමන්ත්‍රණකාරීව සිය ප්‍රධානීන් පවා දැනුවත් කිරීමකින් තොරව මාධ්‍යවේදී තරිඳු ජයවර්ධන ඇතුළු පිරිසකට එරෙහිව අධිකරණයකට කරුණු ඉදිරිපත් කිරීම හා දුම්රියේදී හෙදියකගේ නිරුවත් ශරීර අවයව වීඩියෝ ගත කිරීමක් පිළිබඳව ඇති චෝදනා සම්බන්ධයෙන් පොලීසිය ප්‍ර.පො.ප.දේව ඉන්දුක සිල්වාට එරෙහිව පරීක්ෂණයක් අරඹන ලද බවද පොලිස් ආරංචි මාර්ග වලින් පැවසේ.




මාධ්‍යවේදී තරිඳු ජයවර්ධන විසින් ප්‍රපොප දේව ඉන්දුක සිල්වාට විරුද්ධව පසුගියදා වැබ පොලිස්පතිවරයාට සිදු කරන ලද පැමිණිල්ලේ නීතිය හා සාමය ඇමති ටිරාන් අලස් කටයුතු කරන අවදියේ අමාත්‍යංශයේ සම්බන්ධීකරණ ලේකම් වරයකු වශයෙන් ක්‍රියා කළ විශ්‍රාමික ඡ්‍යෙෂ්ඨ නියෝජ්‍ය පොලිස්පති පාලිත සිරිවර්ධන වෙත මොහු විසින් ශානි අබේසේකරට එරෙහිව සකස්කරන ලද පෙත්සමක් යවා ඔහුගේ නිර්දේශය මත එම පෙත්සම විභාග කිරීම ගැන වූ චෝදනාවක් ද  සඳහන් වී තිබුණි.




මෙම චෝදනාව ඉතා බරපතල චෝදනාවක් වන අතර එහි සත්‍ය බවට තහවුරු වුව හොත් දේව ඉන්දුක සිල්වා පොලිස් දෙපාර්තමේන්තු සේවයෙන් ඉවත් කර දැමීම⁣ පවා කළ හැකිය.එම චෝදනාව නිර්දෝෂී පුරවැසියකු අසත්‍ය චෝදනා නගමින් සිර ගත කිරීමේ අරමුනින් ප්‍රපොප ඉන්දුක සිල්වා හා හිටපු ⁣ඡ්‍යෙෂ්ඨ නියෝජ්‍ය පොලිස්පති පාලිත සිරිවර්ධන විසින් සිදු කළ කුමන්ත්‍රණකාරී අපරාධ ක්‍රියාවක් වේ. එහෙත් මාධ්‍යවේදී තරිඳු ජයවර්ධන කරන ලද පැමිණිල්ලේ සඳහන් එම චෝදනාව ගැන විමර්ෂනයක්  පොලීසිය වෙතින් සිදු නොකිරීම ඉතා බරපතල කාරණයක් බව පොලිස් බලධරයන් වෙත අප සිහිපත් කරමු.




දනිස 200 වගන්තිය// වරදක් කර ඇති බව දැන දැනම හෝ ඒ බව විශ්වාස කිරීමට කරුණු තිබියදී යමකු විසින් අසත්‍ය බව දන්නාවූ හෝ අසත්‍ය බව විශ්වාස කරන්නාවූ හෝ ⁣තොරතුරක් එකී වරද  සම්බන්ධයෙන් සපයනු ලැබුවහොත් අවුරුදු දෙක දක්වා කාලයක දෙයාකාරයකින් එක් ආකාරයක බන්ධනාගාරගත කිරීමකින් හෝ දඩයකින් හෝ එකී දඬුවම් දෙකෙන්ම දඬුවම් කළ යුතුය.

•