ගම්මන්පිලගේ මොංගල් නාඩගම ජනතාවට විහිළුවක්
.png)
උදය ගම්මන්පිල නටන්න හදන නාඩගම එසේ මෙසේ එකක් නොවේ.මේ මන්ද මානසික හාදයාගේ කයිවාරුවට වඩා පාස්කු ප්‍රහාරය සම්බන්ධයෙන් ඔහුට හදිසියේ වැළඳී ඇති කිරි පණු ගාය ජාතික ජන බලවේගයට එරෙහි දේශපාලන කුමන්ත්‍රණයේ තවත් නොසන්ඩාල ත්‍රාඩ මැදිහත් වීමක් බව පෙනී යයි. පාස්කු ප්‍රහාරය සම්බන්ධයෙන් මෙරට ජනතාව තුළ පවතින සැකය වෙනත් ඉසව්වකට ඇද ගෙන යාම උදය ගම්මන්පිලගේ සහ ඔහු හා සමග සිටින සහාසික කණ්ඩායමේ සැළසුම වී ඇති බව පැහැදිලිය.මේ හෝරාවේ මෙරට දේශපාලන භූමිය තුළ විවෘතව පවතින පාර්ලිමේන්තු මැතිවරණය අවසානයේ ජාතික ජන බලවේගයට වැඩි පාර්ලිමේන්තු බලයක් හිමි කර ගත හොත් කෙලවන්නේ පාස්කු ප්‍රහාරයේ කුමන්ත්‍රණකාරීන්ට බව පැහැදිලිය.
පාස්කු ප්‍රහාරය මෙරට සිදු කිරීමේ මුල් කුමන්ත්‍රණකරුවන් අතර කෙළවරක උදය ගම්මන්පිලද සිටී.වඳ කොත්තු වඳ බ්‍රෙසියර් ආදී විද්‍යාත්මක පදනමක් නොමැති විකෘති සංකල්ප මුදා හරිමින් මෙරට සිංහල බෞද්ද සමාජය නොසන්සුන් කළ මනෝ මූලික දේශපාලනික උපක්‍රමයේ කර්තෘ වරයකු වූ උදය ගම්මන්පිල ගේ වෑයම නැවත සිංහල බෞද්ධ සමාජය අළුත් හැඩයකින් අන්ද මන්ද කිරීමය.
තිගැස්සවීමය.බියවැද්දීමය.සැබැවින්ම මොහුගේ හා මොහු පිටුපස සිටින සාහසික කණ්ඩායමේ මූලික උපාය උපක්‍රමය වී ඇත්තේ ජාතික ජන බලවේග ආණ්ඩුව විසින් අරඹා ඇති පාස්කු ප්‍රහාර පොලිස් පරීක්ෂණ යටපත් කිරීමය.අවුල් කිරීමය.පාස්කු ප්‍රහාරය සිඳු කළ සාහසික කණ්ඩායම සිය සැළසුම ක්‍රියාත්මක කිරීම සඳහා උදය ගම්මන්පිල තෝරා ගන්නේද සිංහල බෞද්ධ සමාජය තුළඅර්බුදකාරී වටපිටාවක් ඇති කිරීමට ඔහුගේ ජාතිකවාදී දේශපාලනික නියෝජනය තුළ ඔහුට හිමිව පවතින පංගු කාරිත්වය අවධානයට ගනිමින් බවට කිසිදු සැකයක් නැත.පසුගිය ජනපතිවරණයේදී ඡන්දය භාවිතා නොකළ සියයට තිහක තිස්පහක ප්‍රතිශතය තුළ වැඩියෙන් නියෝජනය වන්නේ ජාතිකවාදී ආගම්වාදී හා කුල වාදී සමාජ කුලකයන් බව උපකල්පනය කළ හැකිය.උදය ගම්මන්පිල මේ වන විට එළියට බැස කරන නාඩගමද ඉලක්ක කර ගෙන ඇත්තේ මේ සමාජ කුලකයන්ය.පාස්කු ප්‍රහාරය සැළසුම් කළ සාහසිකයන් ගේ දැන් අපේක්ෂාව ජාතික ජන බලවේගයට පාර්ලිමේන්තු බලය අහිමි කිරීමය.පාස්කු ප්‍රහාරයේ පරීක්ෂණ පිළිබඳව ජනපති අනුර කුමාර දිසානායක ගේ වර්තමාන ස්ථාවරය වඩාත් ශක්ති සම්පන්න වීම වැලැක්වීම සදහා ජාතික ජන බලවේගයට ඉදිරියේදී පාර්ලිමේන්තු බලය අහිමි කළ යුතුමය.උදය ගම්මන්පිල වැළඳී ඇති කිරි පණු ගාය ඒ සදහා වූ එක් තුරුම්බුවක් ලෙස දේශපාලන පිටියට දැමීමට පාස්කු ප්‍රහාරයට සම්බන්ධ බවට දැනට සැක කරමින් සිටින කණ්ඩායම කුමන්ත්‍රණකාරීව ක්‍රියාත්මක වී ඇත.මේ සාහසික කණ්ඩායම ගැන සිල්ලර ලෙස තක්සේරු නොකළ යුතුය.මේ වන විටත් පොලිස් හා හමුදා බුද්ධි අංශවල ඉහළ ඇවරියේ නියෝජනය තුළ සිටින්නේ පාස්කු සාහසික කණ්ඩායම නියෝජනය කළ අයවළුන්ය. ජාතික ජන බලවේගය ආණ්ඩුව ආරම්භ කර ඇති පාස්කු පරීක්ෂණ ක්‍රියාත්මක කළ විට තමන්ගේ බෙල්ලට තොන්ඩුව වැටෙන බව මේ සියල්ලන් දනී.ඉන් ගැලවීමක් නැති බවද මේ සාහසිකයන් වටහා ගෙන සිටී.පාස්කු ප්‍රහාරය හරහා ගෝඨාභය රාජපක්ෂ බලයට ගෙන ඒම සදහා ඒ දින වල ගම්මන්පිල හා විමල් වීරවංශ ගේ මැදිහත්වීම රටේ ජනතාවට අමුතුවෙන් විස්තර කර දිය යුතුද නැත.පාස්කු ප්‍රහාරය කොටස් දෙකකින් සිදු කළ මෙලේච්ඡ මෙහෙයුමකි.එහි පළමු කොටස වූයේ සිංහල බෞද්ධ සමාජය තුළ මුසල්මානුවා සතුරකු බවට උද්දීපනය වන ආකාරයට අදහස් ප්‍රචාරයයි.මේ ප්‍රචාරය මුදා හරින ලද්දේ එල්ටීටිය පරාජයට පත් කිරීමේ උන්මාදයෙන් පෙළුන සිංහල බෞද්ධ සමාජයටය.සතුරු එල්ටීටියෙන් හිස් වූ තැන පිරවීමට තව සතුරෙකු නිර්මාණය කිරීමේ කාර්ය භාරය උදය ගම්මන්පිලගේ කණ්ඩායම විසින් ඉටු කෙරිණි.එහිදී ගලබොඩඅත්තේ ඥානසාර වැනි ආගමික පාර්ශවයද පිටියට බැස තිබුණි.ඒ වන විටත් පාස්කු ප්‍රහාරයේ සාහසිකයන් සිය මෙහෙයුමේ දෙවන අදියර රාජ්‍ය බුද්ධි සේවාව හරහා ක්‍රියාත්මක කරමින් තිබුණි.මෙහි ඉත්තන් වූයේ සහරාන් කල්ලියයි.ඒ දෙවන මෙහෙයුමේ අවසන් අදියර වූ ප්‍රහාරයෙන් පසුව ගෝඨභය බලයට පත් කරවීම සදහා ජාතික ආරක්ෂාව පිළිබඳ භීතිය දේශපාලනිකව ජන මනසට එන්නත් කරන ලද්දේ ගම්මන්පිල කල්ලියයි.පාස්කු ප්‍රහාරය සම්බන්ධයෙන් පත් කරන ජනපති කොමිෂන් වාර්තා දෙකක් හෙළිදරව් කළ යුතු යැයි උදය ගම්මන්පිල කරන ප්‍රකාශය පිටුපස ඇත්තේ ජාතික ජන බලවේගය ආණ්ඩුව යටතේ එම ප්‍රහාරය පිළිබඳව සිඳු කිරීමට නියමිත පරීක්ෂණ කඩාකප්පල් කිරීමේ ප්‍රයත්නයක් බව තහවුරුය.මේ කුමන්ත්‍රණයේ අරමුණ වන්නේ යහපාලන ආණ්ඩුව සමයේ පාස්කු දින ප්‍රහාරය සම්බන්ධයෙන් පරීක්ෂණ මෙහෙයවූ රවි සෙනෙවිරත්න හා ශානි අබේසේකර අත් අඩංගුවට පත් කරවීමය.මේ සියල්ල සිද්ධ වන්නේ රවි සෙනෙවිරත්න මහජන ආරක්ෂක අමාත්‍යංශයේ ලේකම් වරයා ලෙස හා ශානි අබේසේකර කොන්ත්‍රාත් පදනම මත පොලීසියේ බුද්ධි විශ්ලේශණ හා නිවාරණ කොට්ඨාශයේ ප්‍රධානියා ලෙස පත් කර පාස්කු දින ප්‍රහාරය ගැන පරීක්ෂණ නැවත අරඹන බවට ජාජබ ආණ්ඩුව ප්‍රකාශ කිරීමයි.උදය ගම්මන්පිල අනාවරණය කරන බව එක වාර්තාවක් වන්නේ හිටපු ජනපති රනිල් වික්‍රමසිංහ විසින් හිටපු විනිසුරු ජයකිද අල්විස් ගේ ප්‍රධානත්වයෙන් පත් කරන ලද පරීක්ෂණ කමිටුවේ වාර්තාව වන අතර අනෙක් වාර්තාව හිටපු ශ්‍රේෂ්ඨාධිකරණ විනිසුරු එස්.අයි.ඉමාම් ගේ ප්‍රධානත්වයෙන් පැවැති පරීක්ෂණ කමිටුවේ වාර්තාව වේ.මෙහිදී ජයකි අල්විස් පරීක්ෂණ කමිටුවට පැවරුණ කාර්යය වන්නේ පාස්කු ඉරු දින ප්‍රහාරය පිළිබඳව ඉන්දීය බලධරයන් විසින් සපයන ලද බුද්ධි තොරතුරු අනතුරු ඇඟවීම් වලට ලංකාවේ රාජ්‍ය බුද්ධි සේවය,ජාතික බුද්ධි ප්‍රධානී ඇතුළු බුද්ධි අංශ වල ප්‍රතිචාරය ගැන පරීක්ෂණ කිරීමය.එහෙත් බුද්ධි අංශයක් නොවන අපරාධ පරීක්ෂණ දෙපාර්තමේන්තුව පිළිබඳව එම විමර්ශනය කර ඒ දිනවල එය බාරව සිටි හිටපු නියෝජ්‍ය පොලිස්පති රවි සෙනෙවිරත්න ගෙන් හා එහි හිටපු අධ්‍යක්ෂ අබේසේකර ගෙන් ප්‍රශ්ණ කර තිබුණි.එම විමර්ශන කමිටුවේ සාමාජිකයන් රවි සෙනෙවිරත්නට හා ශානි අබේසේකරට දැනුම් දී ඇත්තේ පාස්කු බෝම්බ ප්‍රහාරයට පෙර සිදුවූ වවුනතිව් මුරපොලේ පොලිස් නිළධාරියෙකු ගේ ඝාතන සිඳුවීම හා ඉන්දියාවෙන් ලබා දුන් තොරතුරු පොලීසියේ අනෙක් අංශ වෙත ලබා දීමේදී සිඳු වූයේ කුමක්ද යන්න ගැන පරීක්ෂණ සිඳු කරන ලෙස දැනුම් දී ඇති බවය.මේ දැනුම් දීම අනුව එම වාර්තාවේ පාස්කු ප්‍රහාරය සම්බන්ධයෙන් වගකීමට බැඳී නැති එම නිළධාරීන් දෙදෙනා එම සම්බන්ධයෙන් වැරදි තොරතුරු තිබිය හැකි බවය .වවුනතිව් සිද්ධිය ගැන හමුදා බුද්ධි අංශ තමන් නොමග යවන වාර්තා දුන් බව හා ඉන්දීය බුද්ධි තොරතුරු ගැන තමන්ට නියෝගයක් ලැබී නොතිබුණ බව රවි සෙනෙවිරත්න පාර්ලිමේන්තු කමිටුවේදී මලල්ගොඩ ජනක්ද සිල්වා යන ජනපති පරීක්ෂණ කමිටුවේදී හා කොමිසමෙිදී සාක්ෂි ලබා දී ඇති අතර ඊට අතිරේකව ශ්‍රේෂ්ඨාධිකරණය හමුවේ පැවැති නඩුවේදීද සාක්ෂි ලබා දී ඇත.එහෙත් එම කිසිදු කමිටුවක කොමිෂන් සභාවක හෝ ඔවුන් එම සිඳුවීම සම්බන්ධයෙන් වග කිව යුතු යැයි හෝ රාජකාරි වගකීම් පැහැර ඇති බව සඳහන් කර නැති අතර අධිකරණයද ඔවුන් වරදකරුවන් කර නැත.හිටපු ශ්‍රේෂ්ඨාධිකරණ විනිසුරු එස්.අයි.ඉමාම් ගේ කමිටු වාර්තා වේ කාර්යභාරය වී තිබුණේ බ්‍රිතාන්‍යයේ චැනල් 4 නාලිකාව විසින් පිල්ලෙයාන් ගේ සහායකයකු වන අසාත් මවුලානා ගේ තොරතුරු මත පාස්කු දින ප්‍රහාරය ගැන හෙළිදරව් කළ තොරතුරු වැඩිදුරටත් සොයා බලා වාර්තා කිරීමටය.එහෙත් එම පරීක්ෂණය සඳහා අසාත් මවුලානා නොපැමිණීම හේතුවෙන් ඔහු විසින් හෙළිදරව් කළ තොරතුරු එම කමිටුව මගින් බැහැර කරන ලද බව පැවසේ.කෙසේ වෙතත් උදය ගම්මන්පිල විසින් හෙළිදරව් කරන බවට ප්‍රකාශ කර ඇත්තේ මේ කමිටු වාර්තා බව සිතිය හැකිය.උදය ගම්මන්පිල මෙහෙයවන සාහසික කණ්ඩායමේ යටි අරමුණ වී ඇත්තේ රවි සෙනෙවිරත්න හා ශානි අබේසේකර පාස්කු ප්‍රහාරය සමිබන්ධයෙන් සිඳු කරන ලද පරීක්ෂණ කටයුතු පැහැර ඇති බවට සදහන් කරමින් අත් අඩංගුවට ගැනීමය.හිටපු ජනපති රනිල් වික්‍රමසිංහ මේ වන විටත් බලයේ සිටියේ නම් සැබැවින්ම මේ දෙදෙනා සාවද්‍ය චෝදනා නගමින් බන්ධනාගාර ගත කර හමාරය.එහෙත් එය මග හැරුණි.පසුගියදා ප්‍රධාන පොලිස් පරීක්ෂක ඉන්දුක සිල්වා මගින් මාධ්‍යවේදී තරිඳු ජයවර්ධනට එරෙහිව අධිකරණයට වාර්තා කරන ලද්දේද මේ කුමන්ත්‍රණයේ තවත් එක අවස්ථාවක් ලෙසද සැළකිය හැකිය.රවි සෙනෙවිරත්න හා ශානි අබේසේකර පාස්කු ප්‍රහාරය පිළිබඳව සිඳු කරන ලද පරීක්ෂණ කටයුතු පිළිබඳව මාධ්‍යවේදී තරිඳු ජයවර්ධන විසින් දිගින් දිගටම මාධ්‍ය මගින් අනාවරණය කරන ලදී.ඒ පිළිබඳව පාස්කු ප්‍රහාරය හා සම්බන්ධ සාහසිකයන් සිටියේ දැඩි කෝපයෙනි.කෙසේවෙතත් උදය ගම්මන්පිල අනාවරණය කරන බව ප්‍රකාශ කරන පාස්කු ප්‍රහාරයේ වාර්තා හිටපු ජනපති රනිල් වික්‍රමසිංහ සන්තකයේ තිබූ ඒවා බව හෙළිවී තිබේ.මේ වාර්තා උදය ගම්මන්පිල අතට පත් කිරීම සදහා සම්බන්ධීකරණය කරන ලද්දේ හිටපු අමාත්‍ය ටිරාන් අලස් වේ.උදය ගම්මන්පිල නටන්නට හදන නාඩගම නිසා ජාජබ ආණ්ඩුවට ඉදිරි පැවැත්මක් නැති විය හැකි බවට පාස්කු ප්‍රහාරයට සෘජුවම සම්බන්ධවූ මෙලේච්ඡ සාහසිකයන් ගණන් හදා ගෙන සිටින බව පෙනී යයි. එහෙත් මේ වන විට මෙරට ජනතාව පාස්කු ප්‍රහාරයට සම්බන්ධ සියළු සැකකරුවන් කවුරුද යන්න ඉතා හොඳින් දැනුවත්ය.මේ දැනුවත් වීම තුළ උදය ගම්මන්පිලගේ නාඩගම අහවර විය හැක්කේ ඔහුගේ යට ජංගියද අහිමි කරමිනි.
.png)
.png)
.png)
Comments
Post a Comment