Lankadawasa

මෙරට වතු කේෂ්‍ත්‍රයේ සංවර්ධනය සඳහා ලෝ‍ක බැංකුව ලබා දෙන ලද ණය ආධාර පසුගිය ආණ්ඩු කාලයේදී ලබා ගෙන ඇත්තේ එම ආණ්ඩුවලට සම්බන්ධ වී සිටි දේශපාලඥයන්ගේ සමීපතම ඥාතීන් බව වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්‍න පසුගියදා (12)පාර්ලිමේන්‍තුවේදී පැවසීය. මෙම දේශපාලන ඥාතීන් විවිධ වැවිලි ව්‍යපෘති ඉදිරිපත් කරමින් ලෝක බැංකුවෙන් ලබා ගෙන ඇති  මුදලේ වටිනාකම ඇමරිකානු ඩොලර් පන්ලක්ෂ අටදහස් අටසිය හැටතුනකි.මෙලෙස ණය ලබා ගත් කිසිවකු එම ණය මුදල් යොදවා කිසිදු ව්‍යාපෘතියක් කර නැති බව මේ වන විට අනාවරණය වී ඇතැයිද ඇමතිවරයා මෙහිදී සඳහන් කෙරුවේය. හිටපු අමාත්‍ය දයා ගමගේ ගේ බිරිඳ වන අනෝමා ගමගේ ගේ හිමිකාරිත්වය යටතේ පවතින සමාගමක් සඳහා රුපියල් ලක්ෂ 149.5ක් එම අමාත්‍යංශ⁣යේ හිටපු ලේකම් බන්දුල වික්‍රමආරච්චිගේ පුතාට ලක්ෂ 182 ක් හිටපු අමාත්‍ය රොෂාන් රණසිංහ ගේ බිරිඳට අයත් සමාගමකට රුපියල් ලක්ෂ 180 ක්, හිටපු අමාත්‍ය ලක්ෂ්මන් සෙනෙවිරත්න ගේ පුත්‍රයා වන ඩී.ජේ.පී.සෙනෙවිරත්න ලක්ෂ 375ක් ,හා හිටපු අමාත්‍ය මහින්ද අමරවීර⁣ගේ සහෝදරයකු වන ඩබ්ලිව්.කේ.බන්‍දුල  ලක්ෂ 481 ක් ,මෙලෙස ණය මුදල් ලබා ගෙන තිබේ. ලෝක බැංකුව ණය ලබා දු...

  විදේශ ගතව සිටි ගෘහ සේවිකාවන් පිරිසක් කෝවිඩ් සමයේදී මෙරටට ගෙන්වා ගැනීමේදී සිදු කරන ලද මුදල් අක්‍රමිකතාවක් පිළිබඳව සිදු කරන ලද විමර්ශනයකින් අනතුරුව අල්ලස් හෝ දූෂණ කොමිසම මගින් හිටපු අමාත්‍ය ප්‍රසන්න රණතුංග අත් අඩංගුවට ගත් බව වාර්තා වේ. හිටපු අමාත්‍ය ප්‍රසන්න රණතුංග මේ වන විටත් අත් හිටවු සිර දඬුවමක් විඳින වරදකරුවෙකි.ඒ බස්නාහිර ප්‍රධාන අමාත්‍යවරයාව සිටියදී බාහිර පාර්ශවයකින් කප්පම් ඉල්ලා කළ තර්ජනයක් සම්බන්ධයෙන් පවරා තිබූ නඩුවක තීන්දුවකට අනුවය.එම නඩු තීන්දුව අනුව හිටපු අමාත්‍යවරයාට අත් හිටවූ සිර දඬුවමක් දීම සම්බන්ධයෙන්ද සමාජය තුළ  ඒ දිනවල කතාබහට ලක් විය.                    

  යහපාලන ආණ්ඩු සමයේ කෘෂිකර්ම අමාත්‍යංශය සදහා කුලියට ගන්නා ලද සිනමා නිළි සබීතා පෙරේරාට අයත් ගොඩනැගිල්ල සඳහා බදු මුදල් ගෙවීමේදී සිදු කරන ලද මුදල් වංචාවක් සම්බන්ධයෙන් අල්ලස් හෝ දූෂණ කොමිසම මගින් හිටපු අමාත්‍ය දුමින්ද දිසානායක නුදුරේදීම අත් අඩංගුවට ගනු ඇතැයි දැන ගැන්මට තිබේ. මේ සිද්ධිය සම්බන්ධයෙන් අල්ලස් හෝ දූෂණ  ⁣කොමිසම මෑතකදී හිටපු ජනපති මෛත්‍රීපාල සිරිසේන ගෙන් ප්‍රකාශයක් ලබා ගන්නා ලදී. හිටපු අමාත්‍ය දුමින්ද දිසානායක විසින් එම ගොඩනැගිල්ල බදු ගැනීම සඳහා අමාත්‍ය මණ්ඩල පත්‍රිකාව අමාත්‍ය මණ්ඩලයට ඉදිරිපත් කරන ලද බවද අනාවරණය වේ. කෙසේවෙතත් හිටපු අමාත්‍ය දුමින්ද දිසානායක විසින් එම අමාත්‍ය මණ්ඩල පත්‍රිකාව ඉදිරිපත් කරන ලද්දේ එවකට අගමැති රනිල් වික්‍රමසිංහ ⁣ගේ බලපෑම මත බවද පැවසේ.ඇතැම් විට මේ සිද්ධිය සම්බන්ධයෙන් බොහෝ දුරට රනිල් වික්‍රමසිංහට එරෙහිවද නඩු පැවරෙනු ඇතැයිද වාර්තා වේ.එසේ වුව හොත් රනිල් වික්‍රමසිංහද අල්ලස් හෝ දූෂණ කොමිසම මගින් අත් අඩංගුවට ගෙන අධිකරණ⁣යට ඉදිරිපත් කරනු ඇත.

  ශ්‍රී ලංකාව හා රුසියාව අතර රාජ්‍ය තාන්ත්‍රික,සංස්කෘතික,හා ආර්ථික සබඳතා  අගැයීම සඳහා රුසියානු සමූහ ආණ්ඩුව විසින් විදේශීය සිවිල් පුරවැසියෙකුට  දෙන ඉහළම ගෞරවණීය සම්මානයක් වන මිත්‍රත්වය සඳහා වූ රුසියානු රාජ්‍ය සම්මානය වෛද්‍ය සමන් රංජිත් වීරසිංහ වෙත පිරි නමා තිබේ.දීර්ඝ කාලයක් තිස්සේ ශ්‍රී ලංකාව රුසියාව සමඟ මිත්‍ර සබඳතාවන් පවත්වා ගෙන යාම වෙනුවෙන් වෛද්‍ය සමන් රංජිත් වීරසිංහ ඉටු කරන ලද සේවය ඇගයීමට ලක් කිරීම සඳහා ඔහු වෙත මෙම ගෞරව සම්මානය පිරිනමා ඇත්තේ රුසියානු ජනපති පුටින් විසිනි. මෙහිදී රුසියනු ජනපති පුටින් ප්‍රකාශ කර ඇත්‍තේ ⁣වෛද්‍ය සමන් රංජිත් වීරසිංහ ශ්‍රී ලංකාව හා රුසියාව අතර මිත්‍ර සබඳතාවන්  ශක්තිමත් කිරීම සඳහා වි⁣ශිෂ්ට කාර්ය භාරයක් ඉටු කරමින් සිටින ශ්‍රී ලාංකික පුරවැසියකු බවය.    වෛද්‍ය සමන් රංජිත් වීරසිංහ 2015 වර්ෂයේ සිට 2018 වර්ෂය දක්වා රුසියාවේ ශ්‍රී ලංකා තානාපති ලෙසද කටයුතු කර තිබේ.ඔහු          මොස්කව්හි  වෛද්‍ය විද්‍යාලයේ ගෞරව උපාධිධාරියෙකි. මේ වන විට වෛද්‍ය  සමන් රංජිත් වීරසිංහ ශ්‍රී ලංකා රුසියානු මිත්‍රත්ව සංඟමයේ මහ ...

  බන්ධනාගාර තදබදය නැති කිරීමට මත් ද්‍රව්‍ය ජාවාරම්කරුවන් එල්ලා මැරිය යුතු යැයි බන්ධනාගාර මාධ්‍ය ප්‍රකාශක හා එහි නියෝජ්‍ය කොමසාරිස් ජගත් වීරසිංහ පසුගියදා ප්‍රකාශ කෙරුවේය. රට තුළ පිහිටි බන්ධනාගාර 36 තුළ රැඳවියන් 10500ක් රඳවා තැබිය හැකි නමුත් ⁣මේ වන විට ඒවායේ 36000ක් රඳවා සිටින බවත් එම සමස්ත සංඛ්‍යාවෙන් සියයට 65 ක් මත් ද්‍රව්‍ය සම්බන්ධ වැරදිකරුවන් බවද මෙහිදී ඔහු අනාවරණය කරන ලදී. කෙසේ වෙතත් මෙරට මත්ද්‍රව්‍ය ජාවාරම් කරුවන් මර්ධනය කළ හැක්කේ එල්ලා මැරීමෙන් පමණක් බව බන්ධනාගාර නියෝජ්‍ය කොමසාරිස්‍වරයාගේ අදහසයි.මේ නිළධාරියා බන්ධනාගාර මාධ්‍ය ප්‍රකාශක වරයාද වේ. වරදකරුවන් එල්ලා මැරීම රජයේ ප්‍රතිපත්තිය නොවන බව සහතික කර තිබියදී බන්ධනාගාර මාධ්‍ය ප්‍රකාශක ජගත් වීරසිංහ ගේ මේ පැනලා දීම සිය කොමසාරිස් ධුරයේ පැවැත්ම තහවුරු කර ගැනීමට මිස වෙන දෙයක් නොවන බව දන්නෝ දනී. නියෝජ්‍ය කොමසාරිස් ⁣ජගත් වීරසිංහ ගේ පැටිකිරිය හාරා අවුස්සා බලන අයෙකුට ඔහුගේ දූෂිත කෙරුවාව ගැන අනාවරණය කර ගත හැකිය. ජාජබ ආණ්ඩුව ඡ්‍යෙෂ්ඨ නිළධාරීන් තනතුරු වලට පත් කරන විට අමු මෝල් ආකාරයට කටයුතු කරන බවට හොඳම උදාහරණය මේ නියෝජ්‍ය කොමසාරිස් ජගත්...

  වැල්‍ලවය මහේස්ත්‍රාත් වරයා ලෙස කටයුතු කර ලද මංජුල රත්නායක ⁣ගේ සේවය ඔකේතොම්බර් 30 වනදා සි⁣ෙ අධිකරණ සේවා කොමිසම මගින් තහනම් කර ඇති බව වාර්තා වේ. පොලිස්පති ප්‍රියන්ත වීරසූරිය විසින් අගවිනිසුරු වරයාට මෙම මහේස්ත්‍රාත් වරයාට එරෙහිව කළ පැමිණිල්ලක් සම්බන්ධයෙන් අධිකරණ සේවා කොමිෂම සිදු කළ විමර්ශනයකින් අනතුරුව එම සේවය අත් හිටුවීම කර ඇති බවද දැන ගැන්මට තිබේ. වැල්ලවාය මහේස්ත්‍රාත් අධිකරණයේ න පවරා ඇති සැකකරුවනගේ විදේශ ගමන් බලපත්‍ර  හා නඩු භාන්ඩ අනීතික ආකරයෙන් මුදා හැරීම මහේස්ත්‍රාත් මංජුල රත්නායකට එරෙහිව විමර්ශනය කරන ලද චෝදනා  වේ. මීට පෙර කොළඹ මහේස්ත්‍රාත්වරයා ලෙස කටයුතු කළ මංජුල රත්නායක වැල්ලවායට ස්ථාන මාරු කර යැවීම පිළිබඳව විපක්ෂයේ ඇතැම් දේශපාලඥයන් ආණ්ඩුවට චෝදනා පවා කරන ලදී.