Lankadawasa

  මේ රටේ සංවර්ධන ව්‍යාපෘති කඩා කප්පල් කරන්නට පිටරටින් සල්ලි අරගෙන කම්හල් වලින් අල්ලස් අරගෙන තමා පහුගිය දවස්වල එක මිටට අර මිටට කියල වියදම් කෙරුවේ යැයි ප්‍රකාශ කරමින් ඇමති මනූෂ නානායක්කාර මැයි රැළියේදී චෝදනා කරන කරන ලද්දේ ජාතික ජන බලවේගයේ නායකයන් හටය. ඇමති පට්ටම ලබා ගැනීමට පෙර විපක්ෂයේ සමගි ජන බලවේගයට වී විරව පට්ටම් ගහගෙන කුල්ල කුජීත වී සිටි මනූෂ නානායක්කාර අද වන විට සුපිරි ධනපතියෙකි.මොහු අමාත්‍ය පදවියක් ලබා ගැනීම සඳහා දේශපාලන පොර පිටියේ ගැසූ තුරුම්බුව වූයේ පාස්කු දින සිදුවූ බෝම්බ ප්‍රහාරයයි.එම බෝම්බ ප්‍රහාරයේ වින්දිතයන් වෙනුවෙන් කොන්දේසි විරහිතව පෙනී සිටින්නකු ලෙස රඟ පෑ මේ තක්කඩියා තමන්ගේ දේශපාලන වෘත්තිමය වටිනාකම ඉන් ඉහළ දමා ගත්තේය.මොහුගේ අනෙක් සගයා වූයේ හරීන් ප්‍රනාන්දුය.හරීන් ප්‍රනාන්දු කතෝලිකයෙකි.නොම්මර එකේ කුඩ්ඩෙකි.මොවුන් දෙදෙනා විපක්ෂය පවා දී ආණ්ඩුවට පැන ගත්තේ තමන්ගේ ජීවිත ගොඩ දා ගැනීමට මිස වෙන කාරණයක⁣ට නොවේ.මනූෂ නානායක්කාර මේ වන විට උපයා ගෙන ඇති දේපොල ගැන සොයා බලන විට එය තහවුරු කර ගත හැකිය.මේ වන විටත් තරුණ තරුණියන්ට විදේශීය රැකියා අවස්ථා ලබා දෙන බවට පොරොන්දු දෙමි...

  මෙරට ප්‍රසිද්ධ පාතාල ක්‍රියාකාරික් ලෙස  මිනීමැරුම් 15 කට සෘජුව සම්බන්ධවී මෙරටින් ඩුබායි වෙත පලා ගිය ජගමුනි සුජීව සො⁣යිසා හෙවත් කොස්ගොඩ සුජීව නම් අපරාධකරු පසුගියදා අබුඩාබි රාජ්‍යයේ ආරක්ෂක අංශ මගින් අත් අඩංගුවට ගැණිනි.⁣මෙම අපරාධකරුට එරෙහිව මෙරට අධිකරණයේ පවරා ඇති නඩු සංඛ්‍යාව පනහක⁣ට ආසන්න වන අතර අධිකරණය මගින් මොහු අත් අඩංගුවට ගන්නා ලෙසට ජාත්‍යන්තර රතු වරෙන්තු පවා නිකුත් කර තිබේ. කොස්ගොඩ සුජීව අබුඩාබි රාජ්‍ය මගින් අත් අඩංගුවට ගන්නා ලද්දේ ව්‍යාජ ගුවන් ගමන් බලපත්‍රයක් යොදා ගනිමින් එරටින් පැන යාමට සූදානම් වීමේදීය.මොහු මෙරටින් පලා යන ලද්දේද ව්‍යාජ ගුවන් ගමන් බලපත්‍රයක් යොදා ගනිමිනි.එම ව්‍යාජ ගුවන් ගමන් බලපත්‍රය සකස් කිරීම පිළිබඳ මෙරට පුද්ගලයන් දෙදෙනෙකු අම්බලන්ගොඩ පොලීසිය මගින් අත් අඩංගුවට ගෙන නඩු පවරන ලදී.   මෙම නඩුව පසුගියදා බලපිටිය මහාධිකරණයේ විභාගයට ගැණුන අතර විත්තිකරුවන් දෙදෙනා නිදොස් කොට නිදහස් කෙරිණි.බලපිටිය මහධිකරණ විනිසුරුගේ නිල නිවසේ සාද සඳහා මාළු සපයන්නේ කොස්ගොඩ සුජීවගේ සමීපතමයකු බවට බුද්ධි අංශ  වලට තොරතුරු පවා ලැබී තිබුණ බව අපට අනාවරණය විය. ...

    හිටපු ක්‍රීඩා අමාත්‍ය රොෂාන් රණසිංහ මැයි රැලියකදී තමන්ගේ ශරීරයට වස ඇතුල් වී ඇති බවත් ජපානයේදී සිදු කෙරුණු පරීක්ෂණ වලදී ඒ බව හෙළි වූ බවත් සඳහන් කිරීම මේ වන විට  මහත් ආන්දෝලනයට ලක්ව තිබේ. ක්‍රීඩා ඇමතිවරයා ලෙස කටයුතු කළ සමයේද ඔහු තමන් ඝාතනය කිරීමේ කුමන්ත්‍රණයක් ඇති බවත් අමතර ආරක්ෂාවක් අවශ්‍ය බවත්  පාර්ලීමේන්තුවේදී ප්‍රකාශ කළේය.එම සමයේ ඔහුගේ නිරන්තර විවේචනයට ලක්වූයේ සාගල රත්නායක හා ක්‍රිකට් සභාපති  ෂම්මි සිල්වාය. එම නිසා රොෂාන් රණසිංහට වස දීම පිළිබඳව  සාගල හා ෂම්මි වගකිවයුතු බවට සැකයක් දැන් ගොඩ නැංවෙමින් තිබේ. මෙහිදී රොෂාන්ට කිට්ටුවෙන් සිටි ෂම්මිගේ අග සව්වකු වන නුවරඑළියෙ අශ්ව රේස් වලට හා සීසීසී ක්‍රීඩා සමාජයට සම්බන්ධ අයකු ගැනද සැක පහළ වී ඇත. මේ පිළිබඳව පරීක්ෂණයක් පවත්වන මෙන් සීඅයිඩියෙන් ඉල්ලා සිටීමට නුදුරේම රොෂාන් රණසිංහ කටයුතු කරන බව වාර්තා වේ.

 ලන්ඩන් රොම්ෆෙන් සෞඛ්‍ය සායනයක වෘත්තිකයකු වූ රසික අත්නායක නම් ශ්‍රී ලංකිකයකු සාවද්‍ය ලෙස අත් අඩංගුවට ගෙන පහරදීමක් සිදු කරන ලදැයි චෝදනා ලැබූ ජොනතන් මාෂ් නම් පොලිස් කොස්තාපල්වරයෙකුට අධිකරණය මගින් සති 12 ක අත් හිටවූ සිර දඬුවමක් ලබා දී ඇති බව ලන්ඩනයෙන් වාර්තා වේ.වැඩිදුරටත් විත්තිකාර මාෂ් විසින් වන්දි  වශයෙන් පවුම් 1500 ක දඩයක්ද ගෙවිය යුතු බව තීන්දුවේ දැක්වේ. ජොනතන් මාෂ් නම් පොලිස් කොස්තාපල් වරයා 2022 නොවැම්බර් මාසයෙදී රසික අත්තනායක අත් අඩංගුවට ගෙන ඇත්තේ වෛද්‍ය සායනයක දේපලවලට හානි කිරීමේ චෝදනාවකටය.එහෙත් පසුව එය වැරදි තොරතුරක් මත  සිදුවූ අත් අඩංගුවට ගැනීමක් බව අනාවරණය වී තිබේ.එහෙත් රසික අත්තනායක එසේ සාවද්‍ය ලෙස අත් අඩංගුවට ගෙන පහර දීම සම්බන්ධයෙන් පසුව පොලිස් කොස්තාපල් ජොනතන් මාෂ්ට එරෙහිව නඩු පවරා තිබේ. මෙම නඩුවේ තීන්දුව ප්‍රකාශ කළ ඇනබෙල් ෆීලින් ප්‍රකාශ කර ඇත්තේ පොලිස් කොස්තාපල් මාෂ් ගේ ක්‍රියාව පිළිකුල් සහගත අනවශ්‍ය මැදිහත්වීමක් බවය.සැළකිය යුතු වගකීම් සහිත පොලිස් නිළධාරියකු මෙසේ හැසිරීම තුළින් පොලීසිය පිළිබඳව පවතින මහජන විශ්වාසය බිඳ වැටෙන බවද විනිසුරුවරයා වැඩි දුරට...

  පසුගියදා ගම්පහ මහාධිකරණයෙන් ලබා දීමට නියමිතව තිබුණ රතුපස්වල ත්‍රිපුද්ගල ඝාතනයේ නඩු තීන්දුව කල් දැමීම සිදු කෙරුණේ විත්තිකරුවන් නිදහස් කිරීමේ යටි බිම් ගත සැළසුමකට බවට වින්දිත පාර්ශවය තුළ සැකයක් මතු වී තිබේ. ත්‍රිපුද්ගල විනිසුරු මඩුල්ලක් ඉදිරියේ විභාග වුන මෙම නඩුවේ තීන්දුව ලබා දීම කල්දමන ලද්දේ පැමිණිලි පාර්ශවයේ දේශනය ඉදිරිපත් කිරීම සදහා නීතිපති නියෝජනය කරමින් කිසිම කනිෂ්ඨ නීතිඥයකු හෝ ඉදිරිපත් නොවීම නිසාය.කෙසේ වෙතත් නීතිපති හා අල්ලස් කොමිසම විසින් ⁣රාජපක්ෂවරුන්ගේ කාලයේ සිදු වූ දූෂණ අක්‍රමිතා හා මිනීමැරුම් සම්බන්ධයෙන් නඩු පවරා ඇති විත්තිකාර පාර්ශවයන් හට දක්වන සහනශීලී ප්‍රතිපත්තිය මත එම නඩු නිදහස් කිරීම සිඳු කෙරෙන බවට තහවුරු වෙමින් පවතී.   ඒ සඳහා ඇතැම් විනිසුරුවරුන් ගේ සම්බන්ධතාවන්ද පවතින බවට තොරතුරු ලැබෙමින් තිබේ.රතුපස්වල  නඩුවේ විත්තිකරුවන්ද නිදොස් කොට නිදහස් කිරීමට නීතිපතිවරයා වංගුවක් ගසා ඇති බවට සැකයක් මතුවන්නේ ඒ නිසාය.  

  අගවිනිසුරු තනතුර හැර ශ්‍රේෂ්ඨාධිකරණයේ සෙසු විනිසුරු ධුර සදහා නම් නිර්දේශ කිරීම වලක්වා ලමින් ශ්‍රේෂ්ඨාධිකරණය විසින් ජනපතිවරයාට හා ආණ්ඩු ක්‍රම ව්‍යවස්ථා සභාවට අද (30)දින අතුරු තහනම් නියෝගයක් පනවා තිබේ. ⁣නීතිඥ පතිරත්න විසින් ශ්‍රේෂ්ඨාධිකරණයට ඉදිරිපත් කර තිබූ පෙත්සමක් සලකා බැලීමෙන්  අනතුරුවය. වර්තමානයේ අභියාචනාධිකරණ සභාපතිවරයා ලෙස කටයුතු කරන විනිසුරු නිශ්ශංක බන්දුල කරුණාරත්න ශ්‍රේෂ්‍ඨාධිකරණයේ විනිසුරුවරයකු ලෙස පත් කිරීම සදහා ජනපතිවරයා විසින් කළ නිර්දේශය අනුමත කරන ලෙසට ව්‍යවස්ථා දායක සභාවට නියෝග කරන ලෙස ඉල්ලා එම නීතිඥවරයා ශ්‍රේෂ්ඨාධිකරණයට ⁣මේ පෙත්සම ඉදිරිපත් කර තිබුණි. ඒ අනුව වැඩිදුරටත් මෙම පෙත්සම විභාගයට ගැනීමට අවසර දෙමින් මෙම අතුරු නියෝගය නිකුත් කෙරුණ අතර ඔක්තෝම්බර් මස 04 වන දින නැවත විභාගයට ගැනීමට නියම කෙරිණි.   වර්තමානයේ අභියාචනාධිකරණ විනිසුරු වරයා වන නිශ්ශංක බන්දුල කරුණාරත්න ශ්‍රේෂ්ඨාධිකරණයට පත් කර ඔහු අගවිනිසුරුවරයා ලෙස පත් කිරීම ජනපති රනිල් වික්‍රමසිංහ ගේ කූඨ සැළසුම විය.අධිකරණ ක්ෂේත්‍රයේ අන්ත දූෂිතයකු ⁣වන විනිසුරු නිශ්ශංක බන්දුල කරුණාරත්න වර්තමාන...

   මධ්‍යවේදී නන්දන වීරරත්න සිය මුහුණු පොතේ මහජන ආරක්ෂක අමාත්‍ය ටිරාන් අලස් ගැන අපූරු සටහනක් තබා තිබේ.මේ පහත දැක්වෙන්නේ එම සටහනයි. ' ".....පොලිස් ඇමති ටිරාන් අලස්ට අනුව....... අපරාධකරුවන් රටින් තුරන් කිරීම පවක් නොවේ.ඔහු මෙි බව කියන්නේ පොලීසියටය.ඔහුට අයිති පත්තර (මව්බිම හා අනෙකුත්) මේ ගැන කියන්නේ මොනවාදැයි මම නොදනිමි. ඔහු අපරාධකරුවන් තුරන් කරතැයි කියන විට ඔහු කළ විශාල අපරාධයට තවමත් දඬුවම් ලබා දී නැත. 2005 වර්ෂයේදී මහින්ද රාජපක්ෂ බලයට ගෙන ඒමට දෙමළ ඡන්ද ජපතිවරණයේදී පාවිච්චි කිරීම නතර කිරීම පැවරී තිබුණේ ටිරාන් අලස්ටය. ටිරාන් 2010 දී කී ආකාරයට කොටි සංවිධානයට රුපියල් මිලියන 600ක් පගාව දී දෙමළ ඡන්ද වර්ජනයට ඩීලය දැමීමේ නියෝජිතයා වූයේ ටිරාන්ය. බැසිල් රාජපක්ෂ එම මුදල දුන්නේ ටිරාන් අතටය.රජය සමග යුද වැදි සංවිධානයකට මුදල් දීම අපරාධයකි. රාජපක්ෂලා කී ආකාරයට ඔවුන් කොටි සංවිධානය ලවා දෙමළ ඡන්ද වර්ජනයට රුපියල් මිලියන 800 ක් දුන්හ.දුන් මුදලින් කොටින් අතට ගියේ මිලියන 600කි.ඉතිරි මුදල ටිරාන් අතේ වාෂ්ප විය.එය බරපතල මුදල් වංචාවකි.එම මුදල වංචා කිරීමේ වරදට හා කොටි සංවිධාාන⁣යට දුන් පගාව හෙළි කිරීමේ...