Lankadawasa

  මේ වන විට ජාතික ජන බලවේගය පිළිබඳව සමාජය තුළ පවතින ජන ප්‍රසාදය ඉදිරි සතිය තුළදී බිඳ වැට්ටවීමේ මනෝ මූලික මෙහෙයුමක් දියත් කිරීමට ආණ්ඩුව හා විශ්‍රාමික ආරක්ෂක ප්‍රධානීන් කිහිප දෙනෙකු සැළසුමි කර ඇති බව වාර්තා වේ.මෙම කණ්ඩායම ජාතික ජන බලවේගයේ ජනාධිපති අපේක්ෂක අනුර කුමාර දිසානායක ජනපතිවරණයෙන් ජයග්‍රහණය කිරීම පිළිබඳව අතිශයින් බියට පත් වී සිටින අයවළුන් වේ. ආරක්ෂක අමාත්‍යංශයට සම්බන්ධ විශ්‍රාමික හමුදා ප්‍රධානීන් කිහිප දෙනෙකුද රාජ්‍ය හා හමුදා බුද්ධි සේවාවට අයත් ⁣ඡ්‍යෙෂ්ඨ නිළධාරීන් කිහිප දෙනෙකුද ආණ්ඩු පක්ෂයේ හා රාජපක්ෂ ආණ්ඩුවේ ප්‍රබලයන් ලෙස ක්‍රියා කළ දේශපාලඥයින් කිහිප දෙනෙකුද එක්ව එම සැළසුම මේ වන විටත් සකස් කර ඇති බව දැන ගැන්මට තිබේ.⁣⁣එහිදී ජාතික ජන බලවේගයට ජන ප්‍රසාදයක් නැති බවට වන අසත්‍ය බුද්ධි තොරතුරු වාර්තා ජනසංනිවේදන මගින් ප්‍රකාශයට පත් කිරීමත් දේශපාලනික මඩ ප්‍රකාශනයන් සමාජ ගත කිරීමත් සිදු කිරීමට නියමිතය. ජාතික ජන බල වේගයේ ජයග්‍රහණය කෙසේ හෝ අඩාල කිරීම එසේත් නැතහොත් එම ජයග්‍රහණය කඩා කප්පල් කිරීම සදහා සැළසුම් කර ඇති එම මෙහෙයුම සමහර විට මරා ගෙන මැරෙන මෙහෙයුමක් කරා විකාශනය වීම...

  සමගි ජන බලවේගයේ සජිත් ප්‍රේමදාසගේ ප්‍රතිපත්ති ප්‍රකාශනයේ ඔහු මෙරට ජනපතිවරයා ලෙස පත් වුව හොත් දූෂණය හා චංචාව අවසන් කරන බවට බර වචන හෑල්ලක් ඇතුළත් කර තිබේ.එම ප්‍රතිපත්ති ප්‍රකාශනය මහා නායක හිමියන් වෙත පිළිගැන්වීමේදී ඒ හිමියන් සජිත් ප්‍රේමදාස ගෙන්  "මේ ප්‍රතිපත්ති ප්‍රකාශ⁣නයේ බොරු ලියා නෑ නේද" යැයි විමසුවේ උපහාසාත්මකවය. ඒ තරමටම මහ නායක හිමියන් සජිත් ප්‍රේමදාසගේ කෙරුවාව ගැන සැක කරන බව ඉන් තහවුරු වේ. කෙසේ වෙතත් මහා නායක හිමිවරුන්ට සමගි ජන බලවේගයේ ප්‍රතිපත්ති ප්‍රකාශනය පිළිගැන්වීමට සජිත් ප්‍රේමදාස ගිය අවස්ථාවේ ලක්ෂ්මන් කිරිඇල්ලද ඔහු සමග එක්ව සිටියේය.සජිත් ප්‍රේමදාස යම් හෙයකින් මෙරට ජනපති ධුරයට පත් වුව හොත් ලක්ෂ්මන් කිරිඇල්ල ඔහුගේ ඇමති මණ්ඩ⁣ලයේ ඡ්‍යෙෂ්ඨ අමාත්‍යවරයකු වන බව නම්  නිසැකය.   2003 වර්ෂය වන විට මේ රටේ වැවිලි කර්මාන්ත අමාත්‍ය වරයා වූයේ මේ නම සදහන් කර ඇති ලක්ෂමන් කිරිඇල්ලමය.ඔහු වැවිලි කර්මාන්ත  අමාත්‍යවරයා වශයෙන් කටයුතු කරන විට 2003 මාර්තු මාසයේ 12 වන දා ඔහුගේ මව අභාවප්‍රාප්ත විය.ඇයගේ අවසන් කටයුතු සිඳු වූයේ 2003 මාර්තු මස 15 වන දාය.මෙරට  සිං...

  ජනාධිපති රනිල් වික්‍රමසිංහ විසින් ලබා දී ඇති වත්කම් බැරකම් ප්‍රකාශයට අනුව ඔහු මෙරට ප්‍රසිද්ධ සමාගම් 37 ක කොටස් හිමිකරුවෙකි.ඔහු කොටස් හිමිකම් පවතින මේ සමාගම් අතර ලේක්හවුස් සමාගමද වේ. මේ වන විට ලේක්හවුස් සමාගම විසින් මුද්‍රණය කර බෙදා හරින ප්‍රකාශන මගින් ජනාධිපති අපේක්ෂක රනිල් වික්‍රමසිංහ ගේ මැතිවරණ ප්‍රචාරක කටයුතු සම්බන්ධයෙන් විශේෂයක් දක්වා ඔහුගේ දේශපාලන රැස්වීම් පිළිබඳව තොරතුරු ප්‍රචාරය කරමින් තිබේ. ආණ්ඩුක්‍රම ව්‍යවස්ථාවේ 92 ව්‍යවස්ථාවේ  ආ අනු ව්‍යවස්ථාව අනුව 91 වන ව්‍යවස්ථාවේ ඉ අනු ව්‍යවස්ථාවේ සඳහන් වන පරිදි රජය විසින් හෝ රාජ්‍ය සංස්ථාවක් විසින් නැතහොත් රජය වෙනුවෙන් හෝ රාජ්‍ය සංස්ථාවක් වෙනුවෙන් එළඹ ඇත්තාවූ යම්කිසි ගිවිසුමකට යම් කිසි තැනැත්තකුගේ යම් ආකාරයක සම්බන්ධතාවක් තිබීම ජනපතිවරයා වශයෙන් තෝරා පත් කර ගැනීමේ නුසුදුසු කමක් ලෙස සැළකේ. මෙම ව්‍යවස්ථාපිත නීතිය යටතේ ජනපති රනිල් වික්‍රමසිංහ සිය කොටස් යොදවා ඇති ලේක්හවුස් ආයතනය තමන්ගේ මැතිවරණ ප්‍රචාරක කටයුතු සඳහා යොදවා ගැනීම ඔහු මෙරට ජනපතිවරයා වශයෙන් පත් තෝරා පත් කර ගැනීමේ නුසුදුසු කමක්  නොවන්නේද යන්න පිළිබඳව මෙරට...

  ජනාධිපතිවරණය උණුසුම් කරමින් තැපැල් ඡන්දය සඳහා දින කාල වකවානු ප්‍රකාශයට පත් කර තිබේ.තැපැල් ඡන්ද දීමේ අවසන් දිනය ලෙස සදහන්ව ඇත්තේ සැප්තැම්බර් 06 වන දාය. ඉන් අනතුරුව එළඹෙන්නේ සෙනසුරාදා හා ඉරිදා දිනයන් වේ. ⁣මේ සති අන්ත දින දෙක පිළිබඳ මෙහි විශේෂයෙන් සඳහන් කරන්නේ මීට ඉහත කාලයකදී  ලංකා දවසට යුද හමුදා බුද්ධි අංශ නිළධාරියකු කළ ප්‍රකාශයක් නිසාය.ඔහු එහිදී ප්‍රකාශ කරන ලද්දේ  මහින්ද රාජපක්ෂ හා සරත් ෆොන්සේකා තරග කළ ජනපතිවරණයේදී මධ්‍යම තැපැල් හුවමාරුවට ලැබුණ තැපැල් ඡන්ද පත්‍රිකා ඇතුළත් පාර්සල් මහින්ද රාජපක්ෂ පාර්ශ්වයට වාසි සැළසෙන ආකාරයට වෙනස් කළ බවත් තමන් ඇතුළු බුද්ධි අංශ නිළධාරීන් තිස් දෙනෙකු පමණ මධ්‍යම තැපැල් හුවමාරුවේ ඒ සඳහා රාජකාරියේ යොදවා තිබුණ බවත්ය.මේ බුද්ධි අංශ නිළධාරියා සිඳු කළ අනාවරණය අතේ ගෙතූ රෝලක් හෝ අසත්‍ය ප්‍රකාශයක් යැයි එකවර බැහැර කරන්නට නොහැකිය.ඒ මෙරට මැතිවරණ ඉතිහාසය තුළ  විවිධ හැඩයේ වංචා දූෂණ සිදු වී ඇති බවට සඳහන්ව තිබෙන නිසාය. මහින්ද රාජපක්ෂ හා සරත් ෆොන්සේකා තරග කළ ජනපතිවරණයේ ඡන්දය ප්‍රකාශ කළ දිනයේ හවස් වරුවේ මහින්ද රාජපක්ෂගේ ඉතා සමීපතමයකු තමන්ගේ ...

  අද දින (27) ජාතික ජන ⁣බලවෙිගය පැවැත්වූ මාධ්‍ය සාකච්ඡාවකදී එහි සිටි සුනිල් හදුනෙත්තිගෙන් මාධ්‍යවේදියෙකු විමසුවේ මේ වන විට ප්‍රසිද්ධියට පත් වී ඇති ජනාධිපති අපේක්ෂකයන්ගේ  වත්කම් හා බැරකම්  ප්‍රකාශ අනුව අනුර කුමාර දිසානායකගේ වත්කම රනිල් වික්‍රමසිංහ⁣ට වඩා වැඩි නේද යන්නය. මේ ප්‍රශ්ණයට පිළිතුරු දුන් සුනිල් හඳුනෙත්ති පැවසුවේ  රනිල් වික්‍රමසිංහ ඉදිරිපත් කර ඇති  වත්කම් හා බැරකම් ප්‍රකාශය සාවද්‍ය විය හැකි බවට හැඟවෙන ආකාරයේ  සඳහනකි. සුනිල් හඳුනෙත්ති එහිදී කළ ප්‍රකාශයෙන් ලංකා දවසට වැටහී ගියේ ඔහු ජනපති අපේක්ෂකයන්ගේ වත්කම් හා බැරකම් ප්‍රකාශ අධ්‍යයනය කර නැති බවය.ඔහු එම වත්කම් හා බැරකම් ප්‍රකාශ පිළිබඳව මනාව දැනුවත්ව සිටියේ නම් ඒ ප්‍රශ්ණය ඇසූ  මාධ්‍යවේදියා හට සාර්ථක පිළිතුරක් දීමට ඔහුට හැකිව තිබුණි. ජනපතිවරයා වශයෙන් රනිල් වික්‍රමසිංහ ගේ වත්කම් හා බැරකම් ප්‍රකාශය ඔහුට ලැබෙන මාසික වැටුප රුපියල් 97500 කි.ඊට අමතරව ඔහුට පාර්ලිමේන්තුවෙන් විශ්‍රාම වැටුපක් ලැබෙන අතර එය රුපියල් 79816.66කි.ඔහුගේ බිරිඳ වන මෛත්‍රී වික්‍රමසිංහට විශ්ව විද්‍යාලයෙන් රුපියල් 576785ක දල ...

  ජනාධිපතිවරණ ප්‍රතිඵලය දේශපාලන සුනාමියක් වන බවට සතර දිසා⁣වෙන් වාර්තා වන තොරතුරු වලින් පෙනී යයි.සාමාන්‍යයෙන් මැතිවරණයක අවසන් පුතිඵලය තුළ වෙනසක් ඇති කිරීමට හේතු වන්නේ පාවෙන ඡන්ද දායකයන් මිස දේශපාලන පක්ෂවල අරටු විසින් නොවේ. මේ වන විටත් මෙරට මැතිවරණ භූ⁣ම්යේ ඉදිරියෙන් සිට්න්නේ ජාතික ජන බලවේගයයි.එය දිස්ත්‍රික් මට්ටමින් සංඛ්‍යාත්මකව ගණනය කළ විට ලැබෙන ප්‍රතිඵළයයි.⁣මෙරට පාවෙන ඡන්ද දායකයන්ගේ ආකර්ශනය ජාතික ජන බලවේගය⁣ට හිමි වී තිබෙන බව ඇස් පනා පිට දකින්නට තිබේ.සමගි ජන බලවේගය වටා එක් වෙමින් සිටින්නේ එක්සත් ජාතික පක්ෂයෙන් බිඳී ගිය පාරම්පරික ඡන්ද සමූහයයි.එම භූමිය තුළ තාරුණ්‍ය නොමැති බව සමගි ජන බලවේගයේ මහජන රැළි වලට සහභාගිවන්නන් පිළිබඳව අවධානය දක්වන වන විට තහවුරු කර ගත හැකිය. අන්තර්ජාලය තුළද ජයග්‍රහණය හිමි  ඇත්තේ ජාතික ජන බලවේගයේ නියෝජනය කරන පාර්ශවයන්ටය.මින් අනාවරණය කෙරෙන ප්‍රකාශනයන් මෙරට පිහි⁣ටි ග්‍රාම සේවා වසම් 14022 තුළ විශාල පරිවර්තනීය බලපෑමක් එල්ල නොකරන නුමුත් එම ග්‍රාම සේවා වසම් සියල්ල ආවරණය කරගනිමින්  ජාතික ජන බලවේගයේ සංවිධානගත වීම ඉතා ක්‍රමානුකූලව හා විධිමත්ව සිදු වෙ...

  ජනාධිපති අපේක්ෂකයන් ගේ වත්කම් හා බැරකම් ප්‍රකාශ පසුගියදා අල්ලස් හෝ දූෂණ විමර්ශන කොමිසම විසින් ප්‍රකාශයට පත් කෙරිණි.ඒ අනුව සමගි ජන බලවේගයේ නායක සජිත් ප්‍රේමදාස අතේ ඇති මුදල රුපියල් 67000 ක් වන  අතර ඔහු විසින් ගෙවීමට ඇති ණය මුදල මිලියන 50 කට වැඩිය.සජිත් ප්‍රේමදාස හා ඔහුගේ බිරිඳට ඇති බැංකු ගිණුම් සංඛ්‍යාව 14 ක් වන අතර ඒ බැංකු අතර ලංකා බැංකුව ,සෙලාන් බැංකුව,එන්ඩීබී බැංකුව,නේෂන් ට්‍රස්ට් බැංකුව ආදිය වේ.ඒ අතරම ඔහුට සමාගම් දෙකක කොටස් වටිනාකම 2,257,640කි.සජිත් ප්‍රේමදාස පොල් සහ වී වගාවෙන්  යුක්ත ඉඩමක හිමි කරුද වේ. ඔහු විසින් 2024 දී ලබා ගත් රුපියල් 3,130,138ක ණය මුදලක් ඒ ආකාරයෙන්ම පවතින අතර දිනය යොදා නැති හා ලබා ගත් ණය මුදල ප්‍රදර්ශනය නොවෙන ලෙස කළු කර ඇති ණය මුදලක ඉතිරිිය වශයෙන් රුපියල් මිලියන 8.41ක් දැක්වේ. කෙසේවෙතත් සජිත් ප්‍රේමදාස විසින් ලබා ගත් ණය පිළිබඳව ඉතා බරපතල ලෙස අවධානය යොමු කළ යුතු වන්නේ ඔහු විසින් එම ණය නොගෙවා ඇති නිසාය.මෙහිදී 2014 වර්ෂයේදී ලබා ගෙන ඇති රුපියල් මිලියන 2.8ක ,2015 වර්ෂයේදී ලබා ගෙන ඇති රුපියල් මිලියන 2.285 ක ,2016දී ලබා ගෙන ඇති රුපියල් ම...

    චේබතිය බේගල් පවසා රට තුළ දේශපාලනික අර්බුද ඇති කරන නාමල් කුමාර නැවත එළිය⁣ට පැමිණ සිටී. මොහු එසේ මෙසේ පුද්ගලයකු නොවේ.ඔහු සමාජ ගත කරන්නේ චේතිය ⁣බොරු වුවද ඉන් දේශපාලන භූමිය බරපතල ලෙස කම්පනයට වූ අවස්ථාවන් පැවැති බව අමතක කළ යුතු නැත.යහපාලනය පැවැති අවදියේ ජනපති මෛත්‍රීපාල සිරිසේන ඝාතනය කරන බවට ප්‍රබන්ධයක් නිර්මාණය කර සමාජයට මුදා හරින ලද්දේ මේ නාමල් කුමාරය. ඒ ප්‍රබන්ධය නිසාම මෙරට දේශපාලන භූමිය තුළ සිදු වූ කම්පනය ධාරාවෙන් බියට පත්වූ මෛත්‍රීපාල සිරිසේන විසින් රාජපක්ෂ නැවත අග්‍රමාත්‍ය ධුරයට පත් කරන ලදී.නියෝජ්‍ය පොලිස්පති නාලක සිල්වා අත් අඩංගුව⁣ට ගැණිනි.එහෙත් පොලිස් පරීක්ෂණ වලදී මෙය නාලක කුමාර විසින් නිර්මාණය කළ අසත්‍ය ප්‍රකාශයක් බව ⁣අනාවරණය විය.   කෙසේ වෙතත් මෙරට දේශපාලන භූමිය තුළ ආන්දෝලනාත්මක ඝට්ටනයක⁣ට හේතු වූ අසත්‍ය තොරතුරු සමාජගත කළ නාමල් කුමාරට එරෙහිව නීතිය මගින් මෙතෙක් කල් කටයුතු නොකිරීම පවා විමතියට කාරණයකි.ඉන් තහවුරු වන්නේ නාමල් කුමාර යනු හුදකලා පුද්ගලයකු නොව මෙරට දේශපාලන ⁣ක්ෂේත්‍රයේ පුබලයකු හෝ නැතහොත්  පුද්ගල කණ්ඩායමක් මෙහෙයවන්නෙක් බවය.මෙම නාමල් කුමාරට යහපා...

   පසුගියදා (22)සමගි ජන බලවේගයේ නායක සජිත් ප්‍රේමදාසගේ සහභාගිත්වයෙන් බත්තරමුල්ල මොනාර්ච් ඉම්පීරියල් හෝටලයේ පැවැත්වීමට සංවිධානය කර තිබූ විදේශීය රැකියා නියෝජිතවරුන්ගේ සමුළුව අවලංගු කරන ලද බව වාර්තා වේ.මෙම සමුළුවට විදේශීය රැකියා නියෝජිතයන් 250කට ආරාධනා කර තිබුනද ඒ සඳහා සහභාගි වී ඇත්තේ 30 දෙනෙක් පමණක් බවද දැන ගැන්මට තිබේ. මීට ඉහතදී සමගි ජන බලවේගය විසින් සංවිධානය කරන ලද සෞඛ්‍ය වෘත්තිකයන් ගේ සමුළුවක්ද පැවැත්වීම  නියමිත සහභාගිත්වය නොමැති වීම හේතුවෙන්  අවලංගු කරන ලදී.එම සමුළුව සඳහා වෛද්‍ය වෘත්තිකයන් 2000කට අධික පිරිසකට ආරාධනා කර තිබුණ අතර ඒ සදහා සහභාගි වූයේ 70කට ආසන්න පිරිසක් බවද අනාවරණය වේ. මේ වන විට සජිත් ප්‍රේමදාස ගේ සහභාගිත්වයෙන් බොහෝ ප්‍රදේශවල  පැවැත්වීමට සැළසුම් කර තිබූ දේශපාලන රැස්වීම්ද මහජන සහභාගිත්වය නොමැති හේතුවෙන් අවලංගු කෙරෙන බවද වැඩිදුරටත් වාර්තා වේ.

 

  ඔව් ,මගේ කිරි සප්පයා තෙමෙනවා තමා මේ වහින ධාරානිපාත වැස්සට. ඒත් මට උඹේ කතාව අහන්න ඕන අනුර සහෝදරයා.ඒ මෙන්න මේ කරුණු කාරණා හන්ද. අපි මෙච්චර කාලයක් හාමුලාට සර්ලට රැවටුනා.අපි විතරක් නොවෙයි උන් මුළු රටම මංකොල්ල කෑවා.උඹල අවුරුදු ගානක් තමන්ගෙ තරුණ ජීවිතේ සුන්දර විඳීම් අමතක කරල මහ පාරට ඇවිල්ල මේ තක්කඩි පෝරිසාදයො ගැන කිව්වා. ඒත් අපි ඒව ඇහැව්වෙ නෑ.ඒ දවස්වල අපට උඹල දැනුනෙ මේ රට විනාශ කරන කඩාකප්පල්කාරයො විදියට. ඇත්තමයි ,අපි හිතාගෙන හි⁣ටියෙ මේ අප්පච්චිල,සර්ල, මැඩම්ල අපේ ගැලවුම් කාරයො විදියට.  උන් අපේ රටේ දේපොළ මංකොල්ල කන බව අපට කියන්න උඹල කටේ ලේ රහ වන තුරු කෑගැහැව්වා.ඒ දවස්වල අපි උඹලට කිව්වෙ පිස්සො කියලා. උඹලට දෙන උත්තරත් අපේ ගාව මහ ගොඩක් තිබ්බා.අපට ඒ දවස්වල අධිවේගෙන් කතරගම ගිහිල්ල එන එක  ,නෙළුම් කුළුණෙ ලස්සන මාරම මැජික් වුනා.රට බේරගත්තු නායකයා එයාගෙ පුත්තු එයා පස්සෙ හිටි⁣ය මන්ත්‍රීල ඇමතිල අපේ වීරයන් වුනා.අපි එයාල ගැන කවි කිව්වා.සින්දු ලිව්වා. බෝධි පූජා තිබ්බා.තිස්තුන් කෝටියක් දෙවිවරුන් එක්ක අපේ ඇදහිල්ල අස්සෙ උන් හැමදෙනාමත් අපි විශ්වාස කරා.ඒත් අපිට පස්සෙ තමයි වැටහුනේ ඒ මැජික...

  යුක්තියේ මෙහෙයුම සඳහා යෙදවූ විශේෂ කාර්ය බලකාය බලපිටිය රත්ගම හා අම්බලන්ගොඩ රාජකාරි ⁣කරන ලද්දේ කොස්ගොඩ සුජීගේ උපදෙස් මත බව ලංකා දවස දිගින් දිගටම අනාවරණය කරන ලදී.විශේෂ කාර්ය බලකායේ බොහෝ නිළධාරීන් කොස්ගොඩ සුජීවට එරෙහිව සිටි අපරාධ කල්ලි මර්ධනය සඳහා කටයුතු කළ බවත් කොස්ගොඩ සුජීව ගේ කොන්ත්‍රාත් ඉටු කරන ලද බවත් එම ප්‍රදේශවල ජනතාව ලංකා දවස දැනුවත් කරන ලද්දේ සාක්ෂි සහිතවය. එහිදී  ගාල්ල ප්‍රදේශයේ ව්‍යාපාරිකයකු වූ හා නියෝජ්‍ය අමාත්‍යවරයකුගේ මාමණ්ඩිය වෙඩි තබා ඝාතනය කිරීම ⁣සඳහා කොස්ගොඩ සුජීව ⁣කොන්ත්‍රාතුව බාර දුන්නේ විශේෂ කාර්ය බලකායටය. මේ වන තුරුත් එම ඝාතනයේ සැකකරුවන් පොලීසියට අත් අඩංගුවට ගැනීමට නොහැකි වුවද එය සිදු කරන ලද්දේ විශේෂ කාර්ය බලකායේ නිළධාරීන් දෙදෙනෙකු බව මේ වන විටත් තොරතුරු හෙළි වී ඇතත් ඔවුන් අත් අඩංගුවට ගැනීම වැලකී ඇත්තේ කොස්ගොඩ සුජීව හා විශේෂ කාර්ය බලකාය අතර පවතින සම්බන්ධතාව නිසාය.පොලිස්පති දේශබන්දු තෙන්නකෝන් මැදිහත්ව කොස්ගොඩ අහුංගල්ල අම්බලන්ගොඩ ප්‍රදේශවල පාතාල ක්‍රියාකාරිකයන් සන්තකව තිබූ දේපොල සම්බන්ධයෙන් මුදල් විශුද්ධිකරණ චෝදනාව යටතේ නඩු පවරන ලද නමුත් කොස්ගොඩ...

  සමගි ජන ⁣බලවේගයෙන් හා පාර්ලිමේන්තු මන්ත්‍රී ධුරයෙන් ඉවත්වී එක්සත් ජාතික පක්ෂය⁣ට එක්වූ තලතා ගුණසේකර ගෙන් පසුව ඉදිරි කාලයේදී තවත් මන්ත්‍රීවරුන් කිහිප දෙනෙක් එක්සත් ජාතික පක්ෂයට එක්වීමට නියමිත බවට තොරතුරු වාර්තා වී තිබේ. ඒ අතර ගාල්ල දිස්ත්‍රික්කයේ සමගි ජන බලවේගය  නියෝජනය කරන ගයන්ත කරුණාතිලක ,කෑගල්ල දිස්ත්‍රික්කයේ කබීර් හෂීම් ගම්පහ දිස්ත්‍රික්කයේ කාවින්ද ජයවර්ධන හා අජිත් මානප්පෙරුම මන්ත්‍රීවරුන්  සිටින බව වැඩිදුරටත් දැන ගැන්මට තිබේ.ජනපතිවරණ දින ආසන්න වන විට මේ මන්ත්‍රීවරුන් එක්සත් ජාතික පක්ෂය⁣ට එක්වීමට නියමිතය. සමගි ජන බලවේගයේ නායක සජිත් ප්‍රේමදාස ගේ බිරිඳගේ බලපෑම නිසා තවත් මන්ත්‍රීවරුන් ගණනාවක් කළකිරීමෙන්  පසුවන බවද අනාවරණ⁣ය වේ.සජිත් ප්‍රේමදාස හා හිරු ප්‍රධානී රෙනෝ සිල්වා අතර පවතින රහස් සම්බන්ධය පිළිබඳව හිරුනිකාද සිට්න්නේ  දැඩි කළකිරීමකිනි.

  ශ්‍රේෂ්ඨාධිකරණ නියෝගයකින් පොලිස්පති ධුරයේ රාජකාරි කිරීම අත් හිටුවා තිබෙන පොලිස්පති දේශබන්දු තෙන්නකෝන් ගුරුකම් කටයුත්තක් සදහා ඉන්දියාව බලා පිටත්ව ගොස් ඇති බවට වාර්තා වේ.එම ගුරුකම සිදු කරන්නේ නැවත පොලිස්පති ධුරය ලබා ගැනීම සඳහා බවද පැවසේ. පොලිස්පති දේශබන්දු තෙන්නකෝන් හට මෙතෙක් කාලයක් ගුරුකම් කටයුතු සිඳු කරන ලද්දේ අම්බලන්ගොඩ ප්‍රදේශයේ පරම්පරාගත මානසික ආබාධිත බවකින් පෙළෙන  පුද්ගලයෙකි. මේ කපුවා කොස්ගොඩ සුජීව සමග සමීප සම්බන්ධතා පවත්වන බවටද  බුද්ධි අංශ අනාවරණය කරගෙන තිබුණි.එසේම එම පුද්ගලයා මීට පෙර මෛත්‍රීපාල සිරිසේනගේ දියණිය,මේජර් ජනරාල් ශවේන්ද්‍ර සිල්වා,මේජර් ජනරාල් සංජය වනසිංහ ,රාජිත සේනාරත්න ආදීන් ගේ තනතුරු ආරක්ෂා කර ගැනීමට ගුරුකම් කරන ලදී.එහෙත් මේ වන විට ඒ සියල්ලන්ගේ තනතුරු අහිමි වී ගොස් තිබේ.මේජර් ජනරාල් සංජය වනසිංහ ගේ බිරිඳ මෙම මානසික ආබාධිතයා ලවා අවස්ථා ගණනාවකදී ගුරුකම් කරගන්නා ලද්දේ සිය සැමියාට හමුදාපතිකම ලබා ගැනීමේ අදහසිනි.එහෙත් මේජර් ජනරාල් සංජය වනසිංහට හමුදා මාණ්ඩලික ප්‍රධානී  ලෙස විශ්‍රාම යාමට සිදුවිය. මෙරට ප්‍රසිද්ධ පුද්ගලයන් කිහිප දෙනෙකුගේ බිර...

  පොදු ජන පෙරමුණේ ජනාධිපති අපේක්ෂක නාමල් රාජපක්ෂ සිය මැතිවරණ ප්‍රචාරක ව්‍යාපාරය අරඹින් දිවයින පුරා පිහිටි  ප්‍රසිද්ධ විහාරස්ථාන දේවාල හා කෝවිල් වන්දනාමාන කිරීමට යමින් සිටී.ඔහු මෙරට ජනතාව අතර ඇදහීමකට ලක් වී සිටින  තිස්තුන් කෝටියක් දෙවිවරු කෙරෙහි විශ්වාස කර ඇති බව පෙනී යයි.මෙරට දෙකෝටියක⁣ට අධික ජනතාව දේශපාලන වශයෙන් බෙදී සිටියදී තිස් තුන් කෝටියක් දෙවිවරුන් ගේ ආශීර්වාදයෙන් නාමල් රාජපක්ෂ නවවන ජනපතිවරයා ලෙස පත් වීමට ඉඩ හැකියාව ලැබුණ හොත් එය දෙවියන්ගේ ජයක් ලෙසද සැළකිය හැකිය. ඔහු පළඳින සාටකය පෝරිසාද සොර පවුලේ  ලාංඡනය ලෙස මෙරට පොදු ජනතාව ගේ සිත් සතන් තුළ නොමැකෙන ආකාරයෙන් සටහන්ව තිබේ.මේ සාටකය දුටු විට නාමල් රාජපක්ෂට මිනිසුන්ගේ ලැබෙන ඡන්ද පවා අහිමිවීම නිසැකය.එහෙත් මිල අධික පඬුරු පාඩුක්කම් පන්සල් හා දේවාල වලට පූජා කරමින් යන්ත්‍ර මන්ත්‍ර ගුරුකම් කරමින් නාමල් රාජපක්ෂගේ ජයග්‍රහණය සඳහා රාජපක්ෂ පවුල ඉදිරියේදී දෙවියන් ගේ කැමැත්ත ලබාගැනීමට තවදුරටත් කැප වෙනු ඇති බවට කිසිදු සැකයක් නැත. නාමල් රාජපක්ෂ මස් මාළු කෑම අත් හරින ලද්දේද මෙරට ජනපති ධුරය අත් කර ගැනීම සඳහා එසේ ආහාර පාන...

  සමගි ජන බලවේගයේ පාලනයක් යටතේ මෙරට මත් පැන් නැති කරන බව එහි නායක සජිත් ප්‍රේමදාස පවසයි.ඔහු ජනාධිපතිවරයා බවට පත් වුව හොත් එය සිඳු විය හැකි බවට අනුමාන ලෙස සිතිය හැකිය.ඒ සජිත් ප්‍රේමදාස සංස්කෘතික ඇමතිවරයා කාලයේ කොළඹ සිනමාහල්වල බියර් විකිනීම තහනමි කළ නිසාය.බෞද්ධාලෝක මාවත පිහිටි රජයට අයත් තරංඟනී සිනමා හළෙහි හා එහි භූමිය තුළ දුම්වැටි බීම පවා තහනම් කරන ලදී.ඒ දින වල එහි දුම්වැටි බොන්නන් ඇල්ලීම සඳහා ආරක්ෂකයන්ද යොදවා තිබුණි. මිල්ටෙරි නන්දසේන ජනපතිවරයා ලෙස කටයුතු කරන කා⁣ලයේදී ඔහු රූපවාහිනීය ආසන්⁣නයේ පිහිටි පා ගමන් මංතීරුවේ ඇවිදින අවස්ථාවක ගංජා දුම් ගන්ධයක් දැනුනි. "සර් ,කවුද ගංජා ගහනවා වගේ" ආරක්ෂකයෙක් පැවසීය. "ආ ...අයිසෙ මේ හරියෙ ආටිස්ට්ල ඉන්නවනේ ....."මිල්ටෙරි නන්දසේන එය තඹ දොයිතුවකට  ගණන් නොගත්තේය. එලෙසම ඔහු ඇල්ල වැනි සංචාරක කළාපවල ගංජා සුළු ප්‍රමාණයක් සමග අසු වෙන තැනැත්තන් අධිකරණයට ඉදිරිපත් නොකරන ලෙසටද  පොලීසිය⁣ට උපදෙස් දී තිබුණ බව පැවසේ. මේ කතන්දර ලියා තිබුණේ උපුල් ශාන්ත සන්නස්ගල ඔහුගේ ෆේස් බුක් පිටුවේය. එසේ බලන විට සජිත් ප්‍රේමදාසට මිල්ටෙරි නන්දසේනට තිබුණ ත...

  ඕස්ට්‍රෙිලියානු පෙඬරල් අධිකරණය ඕස්ට්‍රේලියාවේ හිටපු ශ්‍රී ලංකා නියෝජ්‍ය මහ කොමසාරිස් වූ හිමාලි අරුණතිලකට එරට වෘත්තිමය අයිතිවාසිකම් කඩ කරන ලදැයි චෝදනා කරමින් සිය ගෘහ සේවිකාවක වූ ප්‍රියංකා ධනරත්නට නොගෙවූ වැටුප් හා එහි පොලී වශයෙන් ඩොලර් 543000 ක් ගෙවීමට නියෝග කර ඇතැයි මාධ්‍ය වාර්තා කර තිබේ. හිමාලි අරුණතිලක ඕස්ට්‍රේලියානු නියෝජ්‍ය මහ  කොමසාරිස්වරිය ලෙස කටයුතු කර ඇත්තේ 2015 වසරේ සිට 2018 වසර දක්වා වේ.අනතුරුව ඇය 2023 වසරේදී රනිල් වික්‍රමසිංහ⁣ගේ ආණ්ඩුවෙන් ජිනීවාහී එක්සත් ජාතීන්ගේ ශ්‍රී ලංකා තානාපතිනිය හා නිත්‍ය නියෝජිත වරිය ලෙස පත් කෙරුවාය. ඕස්ට්‍රේලියානු පෙඬරල් අධිකරණය මෙම තීන්දුව දෙමින් එරට ස්වදේශ කටයුතු අමාත්‍යංශය පවා දෝෂ දර්ශනයට ලක් කර තිබේ.හිමාලි අරුණතිලක ගේ ගෘහ සේවිකාව ලෙස කටයුතු කළ ප්‍රියංකා ධනරත්නට පෙරවරු 06 සිට රාත්‍රී 10 දක්වා සතියේ දින හතම ⁣නිවසේ බැල මෙහෙවර කම්  කිරීම⁣ට සිදුවී ඇති අතර ඒ සදහා ඇයට වැටුප් වශයෙන් ගෙවා ඇත්තේ ඩොලර් 11200ක වැටුපක් වන බවත් එය පැයකට ශත 75 ක් පමණ වන බවත් අධිකරණ විභාගයේදී හෙළි වී ඇති අතර එසේම මෙම සේවා කාලය තුළදී ඇයට නිවාඩු ලබාද...

මෙතෙක් කාලයක් ජනතාව රවටන ලද හා වංචා කළ ආකාරයට නැවත කරන්නට නොහැකි බව ජනමාධ්‍ය අමාත්‍ය බන්දුල ගුණවර්ධන පසුගියදා (13) පැවැති රජයේ මාධ්‍ය හමුවේදී පැවසීය. ඇමතිවරයාගේ එම ප්‍රකාශයෙන් තහවුරු වන්නේ ඔවුන් වාසින් මෙතෙක් කාලයක් ජනතාවට වංචාකරමින් ජනතාව රවටන ලද බවය.කට බොරු කීවත් දිව බොරු කියන්නේ නැති බව බන්දුල ගුණවර්ධන සිහිපත් කළ යුතුය. කෙසේ වෙතත් බන්දුල ගුණවර්ධන වැන්නන් ගේ කෙරුවාව ගැන ජනතාව අවශ්‍ය ප්‍රමාණයටත් වඩා හොඳින් මේ වන විට දැනුවත්ව සිටින බවද ඔහු වටහා ගන්නේ නම් හොඳය.

  ජනාධිපති අපේක්ෂකයන් සදහා නාම යෝජනා බාර ගැනීම සඳහා අද දින මැතිවරණ කාර්යාලයේ පැවති අවස්ථාවේදී සමගි ජන බලවේගයේ සජිත් ප්‍රේමදාස එම නාම යෝජනා බාර ගත් නිළධාරීන් වාඩි වී සි⁣ටි අසුන්  පිටුපසට ගොස් යම් යම් උපදෙස් දීමට යාමේදී එම ස්ථානයෙන් ඉවත් කළ බව සජීවී රූපවාහිනී විකාශයෙන් දැක ගත හැකි විය. ඇතැම් විට සිය යන්ත්‍ර මන්ත්‍ර ගුරුකම් කරන්නාගේ උපදෙස් අනුව දිසාව අනුව නාමයෝජනා ඉල්ලුම් පත්‍ර සකස් කළ යුතු බවට ලැබුණ උපදෙස් මත සජිත් ⁣ප්‍රේමදාස එසේ කරන්නට ඇති බව සිතිය හැකිය.මේ වන විටත් ඉන්දියාවේ සිට පැමිණි ගුරුකම් කරන සාමි වරයකු සජිත් ප්‍රේමදාසගේ දෛනික කාර්යයන් සිදු කිරීමේදී නැකත් වෙිලාවන් ලබා දෙමින් අදාල උපදෙස් සපයන බවද වාර්තා වේ

   හිරු මාධ්‍ය ජාලය මගින් විකාශනය කරන වැඩ සටහන් තුළින් දිගින් දිගටම මැතිවරණ නීති උල්ලංඝනය කරන බවට විවිධ පාර්ශවයන් වෙතින් පැමිණිලි ගණනාවක් ලැ⁣බී ඇති බව මැතිවරණ කොමිෂම පවසයි. මේ සම්බන්ධයෙන් හිරු මාධ්‍ය ජාලය වෙත ⁣ලිපියක් යොමු කර ඇති මැතිවරණ කොමිෂම දන්වා ඇත්තේ ජනපතිවරයකු තෝරා පත් කර ගැනීම සඳහා ඡන්ද විමසීම ප්‍රකාශයට පත් කර තිබියදී මැතිවරණ කොමිෂම වෙතින් ප්‍රකාශයට පත් කර ඇති මාධ්‍ය උපමාන වලට පටහැනිව වැඩ විකාශයට පත් කර ඇති බවත් එහිදී පත්තරේ විස්තරේ වැඩසටහනේදී දේශපාලන පක්ෂයකට අපහාසයක් වන ආකාරයට අදහස් ප්‍රකාශ කර ඇති බවත් හා මේ වන විට අධිකරණයේ විභාග වන නඩුවක් පදනම් කර ගනිමින් මාධ්‍ය සදාචාරයට නොගැලපෙන හා දැඩි පක්ෂපාතිත්ව යෙන් යුතුව එක අපේක්ෂකයකු ප්‍රවර්ධනය වන ආකාරයේ අදහස් දැක්වීමක් සිදු කර ඇති බවය.පොදු සංඛ්‍යාත හා පොදු ගුවන් කාලය තුළ තමන්ට රිසි අපේක්ෂකයන් ප්‍රවර්ධනය කිරීමට හා අනෙකුත් පක්ෂ වලට අපහාසයක් වන ආකාරයට විකාශන කටයුතු කර ඇති බවත් මෙම ලිපිය මගින් වැඩි දුරටත් මැතිවරණ කොමිෂම දන්වා තිබේ. ඡන්ද විමසීම පැවැත්වෙන කාල සීමාවේදී විද්‍යුත් මාධ්‍ය කටයුතු කළ යුතු ආකාරය පිළිබඳව මැතිවරණ...

  පොදුජන පෙරමුණ නියෝජනය කළ රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර ජනපති රනිල් වික්‍රමසිංහ වෙත සහයෝගය දක්වන කණ්ඩායමට පසුගියදා එක් වී සිටියේය.  එහෙත් මේ වන විට ඔහු නැවතත් පොදු ජන පෙරමුණු පාර්ශවය⁣ට පැමිණි බව මාධ්‍ය විසින් වාර්තා කෙරිණි.  චොකා මල්ලී  යන අනවර්ථ නාමයෙන් හඳුන්වන ප්‍රේමලාල් ජයසේකර 2020 වසරේ පැවැති පාර්ලිමේන්තු මැතිවරණයෙන් රත්නපුර දිස්ත්‍රික්කය නියෝජනය කරමින් ජයග්‍රහණය කරන ලද්දේ මරණීය දණ්ඩනයට නියම බන්ධනාගාර ගත වී සිටියදීය.2020 වර්ෂයේ ජුලි මස 31 වන දා ඔහු⁣ට මරණීය දණ්ඩනය හිමි වූයේ 2015 වර්ෂයේ ජනවාරි 05 වන දින කහවත්ත නගරයේදී ශාන්ත දොඩංගොඩ නැමැත්තා වෙඩි තබා ඝාතනය කිරීමේ චෝදනාවටය.ප්‍රබල එක්සත් ජාතික පාක්ෂිකයකු වූ ශාන්ත දොඩංගොඩ එදින කහවත්ත නගරයේ පැවැති ජනපති අපේක්ෂක මෛත්‍රීපාල සිරිසේනගේ රැස්වීමකට සහභාගි වී සිටියදී එසේ ඝාතනය විය. කෙසේ වෙතත් එම ඝාතනය සම්බන්ධයෙන් මරණීය දණ්ඩනය හිමි වූ ප්‍රේමලාල් ගුණසේකර පාර්ලිමේන්තු මැතිවරණයෙන් ජයග්‍රහණය කළ පසු ඔහුට මන්ත්‍රීවරයකු ලෙස දිවුරුම් දීමට නොහැකි බව⁣ට විපක්ෂය විරෝධතා දැක්වූවද පොදු ජන පෙරමුනු ...

 ජනපති රනිල් වික්‍රමසිංහ ඉදිරි ජනපතිවරණයට ඉදිරිපත් වී ඇත්තේ ස්වාධීන අපේක්ෂකයකු ලෙසය.ඔහු ස්වාධීන අපේක්ෂකයකු ලෙස තවමත් නාමයෝජනා දී නැතත් මේ වන විටත් අපේක්ෂකයකු වශයෙන් ඉදිරිපත් වීම සඳහා මැතිවරණ කොමිසමට ඇප මුදල් තැන්පත් කර තිබේ. මෙරට දේශපාලන පක්ෂ ලියා පදිංචි කරන්නේ මැතිවරණ කොමිසමයි. එක්සත් ජාතික  පක්ෂයද මැතිවරණ කොමිසමේ ලියා පදිංචි පක්ෂයකි. එහි නායකයා ලෙස සඳහන්ව ඇත්තේ රනිල් වික්‍රමසිංහය.එක්සත් ජාතික පක්ෂය මැතිවරණ කොමිසමේ  ලියා පදිංචි කිරීමේදී පක්ෂයේ ප්‍රතිපත්ති පිළිබඳව සඳහනක් මැතිවරණ කොමිසමට වෙත බාර දිය යුතුය. එය එසේ වන්නේ නම් එක්සත් ජාතික පක්ෂයේ නායකයා ලෙස රනිල් වික්‍රමසිංහ තමන් ⁣ගේ පක්ෂය හා තමන් අනුගමනය කරන ප්‍රතිපත්ති මැතිවරන කොමිසම ලිඛිතව දැනුවත් කර ඒවා ලියාපදිංචි කර තිබේ.එහෙත් මේ වන විට ජනපතිවරයා ප්‍රකාශ කරන්නේ තමන් ජනපතිවරණයට ඉදිරිපත් වන්නේ ස්වාධීන අපේක්ෂකයා ලෙසය. ස්වාධීන අපේක්ෂකයකුද තම රාජ්‍ය පාලන ප්‍රතිපත්ති ඡන්ද දායකයන්ට පැහැදිලි කළ යුතුය.මෙතැනදී ප්‍රශ්ණය වන්නේ ස්වාධීන අපේක්ෂකයකු ලෙස රනිල් වික්‍රමසිංහ එක්සත් ජාතික පක්ෂයේ ප්‍රතිපත්ති ප්‍රතික්ෂේප කරන්නේද ය...

  ජාතික සමගි ජන බලවේගයේ සමගි ජන සන්ධාන⁣යට එක්වූ විවිධ පක්ෂ හා සිවිල් සමාජ සංවිධාන වල නායකයන් ගිවිසුම්ගත වීමේ උත්සවය සුගතදාස ගෘහස්ත ක්‍රීඩාංඟනයේදීී අද 08)දින පෙරවරුවේ පැවැත්විනි. මෙම උත්සවයේ ආරම්භය  පාසැලක විදුහල්පතිවරයකු අසල අපොස සාමාන්‍ය පෙළ විභාගයට අත්සන් තැබීම සිහිපත් කරන හාස්‍ය ජනක නාටකයක් බඳුය.පක්ෂ නායකයන් ජාතික සමගි ජන බලවේගයේ නායක සජිත් ප්‍රේමදාස අසුන් ගෙන සිටින මේසය අසලට පැමිණ එහි ඇති ගිවිසුමේ අත්සන තබා පිටුපස සිට ගෙන සිටිනු දැක ගත හැකි විය.ගිවිසුමට අත්සන් කිරීම සදහා පැමිණෙන දේශපාලන නායකයන් හට ගරු කර පිළිගැනීමටවත්  ජාතික සමගි ජන බලවේගයේ නායක සජිත් ප්‍රේමදාස අසුන් ගෙන සිටි අසුනෙන් නැගී සිටීම පවා නොකරන ලද අතර ඔහු එහි සිටියේ ආරූඩ කර ගත් ස්වරූපයකිනි. සැබවින්ම එම නිරූපනය පාසැලක ශිෂ්‍යයන් අපොස සාමාන්‍ය පෙළ විභාගයට විදුහල්පති ඉදිරියේ අත්සන් තැබීම හා සමානය.මෙහිදී සජිත් ප්‍රේමදාස එම ගිවිසුමට අත්සන තැබූ දේශපාලන නායකයන් අතර ඡ්‍යෙෂ්ඨ දේශපාලඥයකු වූ මහචාර්ය ⁣ජී.ඇල්.පීරිස්ට පවා ගරු කිරීමට සිය අසුනෙන් නැගිටීමක් නොකරන ලදී.මේ සිදුවීම නිසා මහාචාර්ය ජී.ඇල්.පීරිස් බරපතල ...

    ජනපති රනිල් වික්‍රමසිංහ ජනපතිවරණයේ තරග කරන්නේ ස්වාධීන අපේක්ෂකයකු ලෙසිනි.ඔහුගේ ස්වාධීන අපේක්ෂකත්වය මෙරට ජනතාව මුලා කිරීම සඳහා සිදු කරන ලද තක්කඩි උත්සාහයකි.අප එසේ ලියන්නේ ඔහු මෙතෙක් එක්සත් ජාතික පක්ෂයේ නායකත්වයෙන් ඉල්ලා අස්වී නැති නිසාය.අප මේ  සම්බන්ධයෙන් මැතිවරණ කොමිසමෙන් විමසා බැලූූ විට එක්සත් ජාතික පක්ෂයේ නායකයා ලෙස සඳහන්ව ඇත්තේ රනිල් වික්‍රමසිංහ බව තහවුරු කරන ලදී.මෙරට ලියාපදිංචි දේශපාලන පක්ෂයක නායකයකු ස්වාධීන අපේක්ෂකයකු ලෙස මැතිවරණයකට ඉදිරිපත් වන ප්‍රථම අවස්ථාව මෙය බවද මැතිවරණ කොමිසමේ ප්‍රකාශකයා ලංකා දවසට පැවසීය. රනිල් වික්‍රමසිංහ ⁣ගේ ජනපතිවරණ ස්වාධීන අපේක්ෂකත්වය මොනිටසෝරි දරුවකු විවිධ ප්‍රසංඟයක දක්වන සුරතල් නිරූපනයක් ලෙස සැළකිය හැකිය.කෙසේ වෙතත් ජනපති රනිල් වික්‍රමසිංහ එක්සත් ජාතික පක්ෂයේ නායකයා බව හා ජනපතිවරණයේ ස්වාධීන අපේක්ෂකයකු ලෙස තරග.වැදීමේදී එජාප නායකත්වයෙන් ඉල්ලා අස් නොවූයේ මන්ද යන්න පිළිබඳව මෙතෙක් කිසිදු මාධ්‍යයක්  වෙතින් ප්‍රශ්ණ කර නැත.   

  මඩකලපුව පාර්ලිමේන්තු මන්ත්‍රී පිල්ලෙයාන්  දේශපාලන කාර්ය මණ්ඩල සංවිධායක වරයෙක් බාල වයස්කාර පාසැල් සිසුවියක අපයෝජනය කර ඇතැයිද ඒ සම්බන්ධයෙන් මේ සිසුවිය  මඩකලපුව පොලීසිය වෙත සිදු කර ඇති පැමිණිල්ලට සාධාරණයක් ඉටු කිරීමට පොලීසිය මෙතෙක් කටයුතු කර නැති බවද පාර්ලිමේන්තු මන්ත්‍රී ශානක්‍යයන් රාජපුත්‍රම් රාසමානික්කම්  අද (07)පාර්ලිමේන්තුවේදී ප්‍රකාශ කෙරුවේය. "ගෝපිනාත් නමින් හඳුන්වන මේ ගුරුවරයා පිල්ලයෙන්ගේ සමීපතම දේශපාලන සගයෙක්.මේ ගුරුවරයා විසින් තමන්ට සිදුවූ අපරාධය පිළිබඳව එම ශිෂ්‍යාව ජනාධිපති කාර්යාලයට පැමිණිලි කර තිබෙනවා. ජනපති කාර්යාලය මගින් එම ගුරුවරයා සම්බන්ධයෙන් නීතිය ක්‍රියාත්මක කරන ලෙස පසුගිය ජුලි මාසයේදී මඩකලපුව පොලීසියට උපදෙස් දී ඇතත් එම උපදෙස් පවා මෙතෙක් ක්‍රියාත්මක කර නැහැ " මෙහිදී මන්ත්‍රීවරයා අනාවරණය කරන ලදී. වැඩිදුරටත් ශානක්‍යයන් රාජපුත්‍රම් රාසමානික්කම් මන්ත්‍රීවරයා පැවසුවේ මේ පිළිබඳව මඩකලපුව පොලීසියෙන් විමසූ විට අපරාධකරු නීතිඥයකු මගින් පොලීසියට බාර වෙන බව දන්වා ඇතැයි සඳහන් කරන බවද පැවසුවේය.

  පොදු ජන පෙරමුනේ ජනාධිපති අපේක්ෂකත්වය අපේක්ෂාවෙන් සිටි ව්‍යාපාරික ධම්මික පෙරේරා ඉවත්වීමත් සමගම නාමල් රාජපක්ෂ මන්ත්‍රීවරයා සිය පක්ෂයේ ජනාධිපති අපේක්ෂකයා ලෙස අද (08)දින නම් කෙරිණි.නාමල් රජපක්ෂ ජනපති අපේක්ෂකයා ලෙස නම් කිරීමේ උත්සවය හිටපු ජනපති මහින්ද රාජපක්ෂගේ ප්‍රධානත්වයෙන් බත්තරමුල්ල නෙළුම් මාවත පිහි⁣ටි පොදු ජන පෙරමුණ පක්ෂ කාර්යාලයෙදී පැවැත්විනි.මෙම උත්සවයට නාමල් රාජපක්ෂගේ මව වන ශිරන්ති රාජපක්ෂද බාප්පාවරුන් වන හිටපු ජනපති ගෝඨාභය රාජපක්ෂ හා චමල් රාජපක්ෂ සහභාගි නොවූ අතර ඥාති සොහොයුරා වූ හිටපු අමාත්‍ය ශවේන්ද්‍ර රාජපක්ෂද නොසිටියේය.පොදු ජන පෙරමුණේ ජනපති අපේක්ෂකයා ලෙස චමල් රාජපක්ෂ පත් කරනු ඇති බවට අප හට සැකයක් තිබුණි.එය සිදු වූයේ නම් මෙවර ජනපතිවරණයේදී පොදු ජන පෙරමුණට යම් බලපෑමක් සිදු කළ හැකිව පැවතුණි.එහෙත් නාමල් රාජපක්ෂ ජනපති අපේක්ෂකයා ලෙස නම් කිරීමෙන් තහවුරු වන්නේ පොදු ජන පෙරමුණ පවතින දේශපාලන යථාර්ථය පිළිබඳව අවධානයකින් කටයුතු නොකරන බවය. ඒ තුළ නාමල් රාජපක්ෂගේ ජනපති අපේක්ෂකත්වය සම්බන්ධයෙන් රාජපක්ෂ පවුලේ එකිනෙකා අතර දැඩි අර්බුදයක් පවතින බවට යම් සැකයක් මතුවේ.කෙසේ වෙතත් නාමල්...

    පොදු ජන පෙරමුණ හා ජනපති රනිල් වික්‍රමසිංහ පාර්ශවය අතර ඇතිවූ ආරවුල ඉතා බරපතල ආකාරයෙන් දෙපාර්ශවයටම දේශපාලනික හානියක් ඇති වන ආකාරයට පිපිරී යන බව පෙනෙන්නට තිබේ.මේ වන විටත් පොදු ජන පෙරමු⁣ණ තුල ප්‍රබල ක්‍රියාකාරිකයන් වූ ප්‍රසන්න රණතුංග,මහින්දානන්ද අළුත්ගමගේ ,එස්.එම්.චන්ද්‍රසේන, රෝහිත අබේගුණවර්ධන සමග තවත්  පාර්ලිමේන්තු මන්ත්‍රීවරුන් ගණනාවක්ම රනිල් වික්‍රමසිංහට සහයෝගය දැක්වීමට එක් වී ඇති බව වාර්තා වේ.ඇතැ⁣ම් දේශපාලන විචාරකයන්ගේ අදහස වී තිබුණේ පොදු ජන පෙරමුණ හා රනිල් පාර්ශවය අතර ඇති වී තිබෙන ගැටුම හුදු නාටකයක් පමණක් බවය. එහෙත් එම ගැටුම සැබෑ ගැටුමක් බවට තහවුරු වන සාක්ෂියක් අද සවස මාධ්‍ය වෙතින් ප්‍රචාරය විය.ඒ පොදු ජන පෙරමුණේ ජනපති අපේක්ෂකයා ලෙස ජනපතිවරණයට ඉදිරිපත් වීමට සිටි ධම්මික පෙරේරා නිවේදනයක් නිකුත් කරමින් තමන් පෞද්ගලික හේතුවක් මත පොදු ජන පෙරමු⁣ණේ ජනපති අපේක්ෂකයා ලෙස ඉදිරිපත් නොවන බව සඳහන් කිරීමය.සැබැවින්ම ධමිමික පෙරේරා ජනපති අපේක්ෂකත්වයෙන් ඉල්ලා අස්වීම පොදු ජන පෙරමුණ හා ජනපතිවරයා ගේ පාර්ශවය අතර ඇති වී තිබෙන දේශපාලනික අර්බුදය හේතු වී ඇති බව පැහැදිලිය.  ...